Shigeru Ohmori

Shigeru Ohmori
Vida
Nacimientu Matsudo, 29 de febreru de 1980 (44 años)
Nacionalidá Bandera de Xapón Xapón
Estudios
Llingües falaes xaponés
Oficiu diseñador de videoxuegos, director de videojuegos (es) Traducir
Emplegadores Game Freak  (2001 –
IMDb nm4914808
Cambiar los datos en Wikidata

Shigeru Ohmori 大森茂 (Ōmori Shigeru? 29 de febreru de 1980, Matsudo), ye un diseñador de videoxuegos, conocíu principalmente pola so participación nel desenvolvimientu de dellos videoxuegos de la saga Pokémon, forma parte del equipu de veteranos de Game Freak. Foi l'encargáu de dirixir al equipu de diseñadores de Pokémon Diamante y Perlla, quién escurrió'l dispositivu Pokewalker para Pokémon HeartGold y Pokémon SoulSilver y el direutor de xuegos principales de la franquicia como Pokémon Rubí Omega y Pokémon Zafiro Alfa o Pokémon Sun and Moon.

Carrera

[editar | editar la fonte]

Empezó a dar pasos nel mundu de los videoxuegos participando na planificación d'un xuegu d'aición y puzzles para PlayStation, en 2001. El xuegu llamábase Yakiniku Bugyou. Poco dempués, Ohmori empezó a trabayar como novatu en Game Freak dende'l final del desenvolvimientu de Pokémon Oru y Plata, empezó a trabayar como diseñador de xuegu y mapa en Pokémon Ruby y Sapphire,[1] en 2002. De magar, Ohmori empezó a ser un compañeru cercanu de Junichi Masuda y Satoshi Tajiri, creadores de la saga.

Siguió ameyorando y formándose na empresa, participando tamién en videoxuegos pa Game Cube de Pokémon. Siguió trabayando planiando, apurriendo idees y diseñando en Pokémon coloráu fueu y verde fueya. Participó en Pokémon Ranger, trabayando xunto a The Pokémon Company nel primer Pokémon de Nintendo DS pa conocer meyor la nueva consola de Nintendo. Foi xubiendo pasos na empresa, lo que fizo que-y dexaren participar na trama de Pokémon Diamond y Pokémon Pearl y a partir d'ende, empezó a trate muncho más envolubráu nos futuros xuegos. En Pokémon HeartGold y Pokémon SoulSilver Ohmori tuvó una idea qu'impresionó a los directivos de Game Freak, escurrió'l Pokéwalker, dispositivu axuntu al nuevu remake de la franquicia nel que podíes tresferir al to Pokémon del xuegu pa poder andar con él y llevate lo a cualesquier parte.

Empezó a ser líder del proyeutu en Pokémon ediciones negra y blanca, diseñando funciones especiales de los xuegos y mapeado. Cola llegada de Nintendo 3DS al mercáu, Game Freak empezó a buscar a daquién que pudiera apurrir ciertu frescor a la saga, pero qu'al empar la conociera perfectamente. Collaboró asina nel proyeutu Harmo Knight probando les capacidaes de la nueva consola de Nintendo y acabó participando en Pokémon X y Y dirixendo'l diseñu de nueves criatures. En 2014, Masuda escoyólu como direutor del so primer videoxuegu propiu, el remake de los primeros xuegos nos que trabayó, Pokémon Rubí Omega y Pokémon Zafiro Alfa, pa ponelo a prueba, saliendo esitosu del proyeutu y participando per primer vegada xunto a Masuda na promoción d'este,[2] pa finalmente poder dirixir el so propiu entamu xeneracional, un xuegu dafechu nuevu de la franquicia, Pokémon Sun and Moon.[3][4] A partir d'esti xuegu, Junichi Masuda pasó'l relevó a Ohmori p'ayudar a dirixir xuegos de la saga. Ohmori participó tamién na producción de Pokémon Ultrasol y Ultraluna.[5]

Anguaño ye un amigu cercanu de Junichi Masuda, al que suel acompañar mientres la promoción de los nuevos xuegos de la saga, y tamién caltién una gran amistá con otros grandes nomes na saga como Ken Sugimori o Satoshi Tajiri.

Trabayos

[editar | editar la fonte]

Referencies

[editar | editar la fonte]
  1. ↑ Ohmori como diseñador del mapeado y xuegu de Pokémon Ruby y Sapphire
  2. ↑ Videu de presentación Pokémon Rubí Omega y Pokémon Zafiro Alfa nel qu'apaez Ohmori.
  3. ↑ Interview: First-time Pokémon Direutor Shigeru Ohmori Opens Up About Sun and Moon
  4. ↑ xuegos-de-pokemon-joysticke3/ Shigeru Ohmori va ser el nuevu direutor de los xuegos de Pokémon
  5. ↑ Game Freak on making Pokemon Ultra Sun/Ultra Moon as two new games

Enllaces esternos

[editar | editar la fonte]