Sid Haig | |
---|---|
Vida | |
Nacimientu | Fresno, 14 de xunetu de 1939[1] |
Nacionalidá | Estaos Xuníos |
Muerte | Los Angeles, 21 de setiembre de 2019[2] (80 años) |
Causa de la muerte | enfermedá pulmonar embozante crónica |
Estudios | |
Estudios | Pasadena Playhouse (en) |
Llingües falaes | inglés[3] |
Oficiu | actor de televisión, actor de cine, productor de cine, actor |
IMDb | nm0354085 |
sidhaig.com | |
Sid Haig (14 de xunetu de 1939, Fresno – 21 de setiembre de 2019, Los Angeles)[4] ye un actor d'Estaos Xuníos. Los sos papeles más notables inclúin varies películes de blaxploitation de Jack Hill na década de 1970, según el so papel como'l Capitán Spaulding nes películes de terror de Rob Zombie, House of 1000 Corpses y The Devil's Rejects. Apaeció en munchos programes de televisión como Batman (episodios 41 y 42), Star Trek, Misión Imposible, Gunsmoke, The Rockford Files, Buck Rogers in the 25th Century, Fantasy Island, Sledge Hammer!, The A-Team, The Fall Guy, Jason of Star Command y MacGyver.[5]
Haig nació en Fresno, California y crióse nuna comunidá armenia.[6] El so padre, Haig Mosesian, yera un lletricista.[7] La carrera de Haig empezó pocu por accidente. Na so mocedá, la so rápida crecedera física interfería cola so coordinación motora, lo que lo impulsó a que tomara clases de baille.
Haig tamién amosó talentu musicalsobremanera pa la percusión, lo que llevó a los sos padres a merca-y una batería, na que llegó a apoderar una amplia gama d'estilos musicales, incluyendo'l swing, country, jazz, blues y el rock and roll. Resultába-y fácil ganar dineru cola so música, y robló un contratu pa grabar un discu na escuela secundaria. Haig llegó a grabar el senciellu "Full House" col grupu T-Birds en 1958, senciellu que llegó a asitiase nel númberu cuatro de la llista d'ésitos.[8][9]