Tefft Johnson

Tefft Johnson
Vida
Nacimientu Washington DC, 23 de setiembre de 1883[1]
Nacionalidá Bandera de Estaos Xuníos d'América Estaos Xuníos
Muerte Washington DC, 15 d'ochobre de 1956[1] (73 años)
Oficiu direutor de cine, actor de teatru, guionista, actor de cine
IMDb nm0426310
Cambiar los datos en Wikidata

Tefft Johnson (23 de setiembre de 1883, Washington DC – 15 d'ochobre de 1956, Washington DC) foi un actor, direutor y guionista cinematográficu d'Estaos Xuníos, activu na dómina del cine mudu. A lo llargo de la so carrera actuó nun total de 131 filmes ente 1909 y 1926.

Biografía

[editar | editar la fonte]

El so nome completu yera William Tefft Johnson, Jr., y nació en Washington, D.C.,[2] siendo los sos padres William Tefft Johnson y Anne Wheeler Johnson.[3] Tenía dos hermanes y un hermanu. El so padre, militar y capellán, sirviera nel Exércitu de la Xunión na Guerra de Secesión, resultando mancáu na Batalla de Chancellorsville.[4]

Johnson yá yera actor, viaxando a lo llargo de los Estaos Xuníos, a los 15 años d'edá. El so padre finó en 1898, y la so madre en 1926. Ésta había-y desheredáu en gran parte, polo que Johnson presentó en 1927 una demanda pa recibir un terciu del heriedu, anque en 1930 un tribunal de equidad tornó la mesma.[5]

Tres una llarga carrera teatral, Johnson entró na compañía cinematográfica Edison Studios, pasando en 1911 a Vitagraph Studios.[2] Esi mesmu añu rodó una versión de Vanity Fair colos actores John Bunny, Leo Delaney, Rose Tapley y Helen Gardner. En 1912 actuó nel filme Henry VIII, encarnando al Cardenal Thomas Wolsey, actuando xunto a Clara Kimball Young, Julia Swayne Gordon y Hal Reid.[6] Tando en Vitagraph, Johnson aportó a direutor, rodando más de 50 películes, ente elles munches de les comedies de la serie "Sonny Jim", relatives a les andances d'un neñu traviesu. Amás, Johnson escribió otros trés filmes.[2]

En 1932 posó como George Washington en dos causes. La primera d'elles foi un posáu pa l'artista Hattie Elizabeth Burdette, llevando Jonson un mandil masón y la mesma xoya qu'utilizara Washington. La siella qu'apaecía na pintura tamién perteneciera a Washington, y el pedestal y ropaje de fondu a la Loxa Alexandria-Washington (a la cual Washington perteneciera). La pintura foi utilizada con motivu del Bicentenariu de Washington en 1932.[7] Na segunda ocasión, el 17 de setiembre de 1932, encarnó a Washington mientres una reconstrucción del Presidente nel Capitoliu de los Estaos Xuníos, siendo la mesma filmada pola comisión del Bicentenariu de Washington.[8]

Tefft Johnson finó en 1956.[2]

Filmografía

[editar | editar la fonte]

Actor

[editar | editar la fonte]

Direutor

[editar | editar la fonte]

Referencies

[editar | editar la fonte]
  1. ↑ 1,0 1,1 Afirmao en: Internet Broadway Database. Identificador de persona d'Internet Broadway Database: 47097. Apaez como: Tefft Johnson. Data de consulta: 9 ochobre 2017. Llingua de la obra o nome: inglés.
  2. ↑ 2,0 2,1 2,2 2,3 Slide, Anthony and Gevinson, Alan. The Big V: A History of the Vitagraph Company. Metuchen, N.J.: Scarecrow Press, 1987, p. 143.
  3. ↑ "Obituariu." Washington Post. 24 d'ochobre de 1940.
  4. ↑ "Death of William T. Johnson." Washington Post. 16 de xineru de 1898.
  5. ↑ "Son Petitions Court to Take Over Ta." Washington Post. November 11, 1927; "Plea for Property Denied to Brother." Washington Post. May 10, 1930.
  6. ↑ Rothwell, Kenneth S. and Winograd, Annabelle. Shakespeare on Screen: An International Filmography and Videography. New York: Neal-Schuman, 1990, p. 2.
  7. ↑ Brown, William Adrian. History of the George Washington Masonic National Memorial, 1922-1974: Half Century of Construction. Washington, D.C.: George Washington Masonic National Memorial Association, 1980, p. 27.
  8. ↑ "Parade of Masons to Preciede Capitol Stone Rites Today." Washington Post. 17 de setiembre de 1932.

Enllaces esternos

[editar | editar la fonte]