Tom Holland

Tom Holland
Vida
Nacimientu	Kingston upon Thames, 1 de xunu de 1996[1] (28 años)
Nacionalidá	Inglaterra Reinu Xuníu
Residencia	Kingston upon Thames ^(es)
Llingua materna	inglés
Familia
Padre	Dominic Holland
Pareyes	Zendaya
Hermanos/es	Harry Holland Patrick Holland
Estudios
Estudios	BRIT School ^(es) Richard Challoner School ^(en) Wimbledon College ^(en) Donhead Preparatory School ^(en)
Llingües falaes	inglés[2]
Oficiu	actor de voz, actor de teatru, actor de cine, actor, baillarín, actor de televisión
Altor	1,73 m
Trabayos destacaos	The Impossible Trilogía de Spider-Man ^(es) Avengers: Infinity War In the Heart of the Sea Avengers 4 Spies in Disguise Onward ^(es) Uncharted Captain America: Civil War
Premios	ver Anexo:Teen Choice Awards 2019 Premios Young Artist  (2012) National Board of Review  (2012) London Film Critics' Circle  (2013) Premios Empire  (2013) BAFTA a la estrella emergente  (2017) [3]
IMDb	nm4043618

Thomas Stanley Holland (1 de xunu de 1996, Kingston upon Thames) ye un actor y baillarín inglés, conocíu por interpretar a Lucas Bennett na película The Impossible, a Thomas Nickerson en In the Heart of the Sea y a Spider-Man nes películes más recientes del Universu cinematográficu de Marvel.

Biografía

Primeros años y educación

Tom Holland nació en Kingston upon Thames, Londres; fíu de Nicola Elizabeth (de soltera Nicola Frost), una fotógrafa, y Dominic Holland, un comediante y autor del llibru Eclipsed. Tien tres hermanos menores: los ximielgos Sam y Harry Holland, tres años más xóvenes y qu'apaecen na película Diana; y Patrick Holland, ocho años más xoven. Los sos güelos paternos nacieron na Islla de Man ya Irlanda.

Holland foi educáu en Donhead, una escuela preparatoria católica en Wimbledon nel suroeste de Londres, siguíu de Wimbledon College, una escuela integral católica xesuita financiada pol Estáu (tamién en Wimbledon), hasta avientu de 2012. N'avientu de 2012 asistió a la BRIT School.

Carrera

Teatru

Holland entamó estudiando danza "Hip Hop" en Nifty Feet Dance School en Wimbledon (Londres). Posteriormente, el so potencial foi descubiertu pol coreógrafu Lynne Page (que conocía a Peter Darling, coreógrafu de Billy Elliot the Musical) demientres Holland actuaba nuna representación escolar en 2006.

El 28 de xunu de 2008, Holland fizo'l so debut, interpretando a Michel, el meyor amigu de Billy en Billy Elliot the Musical; depués de 8 fases d'audiciones, y dos años de entrenamientu. En setiembre de 2008, tuvo una apaición xunto a Tanner Pflueger (la so coestrella nel musical) na canal Five onde concedió la so primer entrevista. Posteriormente, en 2009, Tom tornó a tener una apaición pública nel programa "The Feel God Factor", nel cual versionó una de les coreografíes del musical xunto a los dos otros 'Billy Elliot', Tanner Pflueger y Layton Williams. Depués d'eso, Tom foi entrevistáu por Mylenne Kass.

Holland tornó a la televisión el 11 de marzu de 2010, xunto a los demás Billys, nel show d'Alan Titchmarsh en ITV1. El 8 de marzu de 2010, pa conmemorar el quintu aniversariu del Musical Billy Elliot, los intérpretes del papel de Billy fueron invitaos al 10 de Downing Street pa conocer al primer ministru Gordon Brown. Foi Tom, que foi esbilláu pal actu conmemorativu del quintu aniversariu del Musical, el 31 de marzu de 2010. Elton John, l'autor de la banda sonora del musical, calificó l'actuación de Holland como "impresionante" y dixo que taba "ablucáu" por ella.

Dende l'entamu de la obra, Holland foi apaeciendo hasta convertise nun personaxe regular, siendo'l so papel el principal (Billy Elliot), el cual había de compartir, hasta'l so fin, el 29 de mayu de 2010.

Televisión

En 2015, Holland apaeció nos seis episodios de la serie de televisión Wolf Hall, como Gregory Cromwell, fíu del protagonista Thomas Cromwell, interpretáu por Mark Rylance y xunto al actor británicu Thomas Brodie-Sangster.

Cine

Dos meses depués de finar el musical, Tom presentóse al casting de The Impossible, película dirixida por Juan Antonio Bayona, basada na historia real d'una familia española que sobrevivió al tsunami de Tailandia en 2004. The Impossible ta protagonizada por Naomi Watts, Ewan McGregor y el propiu Tom. Estrenóse nel Festival de Toronto'l 9 de setiembre de 2013. La so interpretación foi destacada por dalgunos medios como The Telegraph, The Guardian, Screen Daily, The Hollywood Reporter y Entertainment Maven. Tom dio una serie d'entrevistes sobro'l so papel en The Impossible, una d'elles pa la revista Vanity Fair. Los co-protagonistes de la película tamién falaron sobro la interpretación de Holland:

Foi maraviyoso ver que Tom nunca trabayare delantre d'una cámara antes y que realmente consiguiere crecer como actor de cine sobre la marcha. Tien munchu talentu y ye mui amable con toos. Ye mui fácil pa los neños perder la perspectiva, en cambiu Tom coyó'l camín correutu pa ser un actor brillante.

Ewan McGregor

Recuerdo un par de momentos nos que nos reunimos y dime cuenta de lo maraviyosu que yera. Foi mui fácil trabayar con él, resultó ser ún de los mayores puntos destacaos pa mí: el descubrimientu d'una amistá con Tom fuera de la pantalla y esta fermosa rellación ente madre y fíu dientro d'ella. La intimidá que desarrollase nel transcursu de la película ente Lucas y María encantóme. Ye un actor con munchu talentu y que concede llibertá y seguridá. Ye un mozu realmente inspirador, si digo la verdá, foi xenial.

Naomi Watts

En 2011, Tom Holland formó parte del repartu de la versión animada del film Karigurashi no Arriety. Punxo la voz a ún de los personaxes principales: Sho. Posteriormente, trabayó na película How I Live Now de 2013.

El 23 de xunu de 2015, Marvel anunció que Holland sería'l nuevu Spider-Man del so universu cinematográficu.

Vida privada

Holland reside nel barriu londinense de Kingston upon Thames, cerca de la casa de los sos padres y hermanos menores. Tien una perra llamada Tessa. Holland ye siguidor del club de fútbol inglés Arsenal y tamién practica la ximnasia.

Xunto colos sos tres hermanos, Holland patrocina The Brothers Trust, una organización de caridá rexistrada nel Reinu Xuníu que recauda dineru pa diverses causes caritatives.

Filantropía

N'ochobre de 2012, Holland unióse a la promoción de la donación de médula y sangre, promoviendo la asociación de Anthony Nolan. Ye por eso que protagoniza la campaña publicitaria.

Filmografía

Cine

Añu	Obra	Papel	Notes
2011	Karigurashi no Arriety	Shô	Voz na versión inglesa
2012	The Impossible	Lucas Bennett	Coprotagonista
2013	How I Live Now	Isaac	Secundariu
2014	Locke	Eddie	Voz
2015	In The Heart of the Sea	Thomas Nickerson	Coprotagonista
2016	Captain America: Civil War	Peter Parker/Spider-Man	Secundariu
	A Monster Calls	El Monstruo	Captura de Movimientu
	The Lost City of Z	Jack Fawcett	Secundariu
	Edge of Winter	Bradley Baker	Principal
2017	Pilgrimage	Hermanu Diarmuid/El novatu	Protagonista
	Spider-Man: Homecoming	Peter Parker/Spider-Man	Protagonista
2018	The Current War	Samuel Insull	Coprotagonista
	Avengers: Infinity War	Peter Parker/Spider-Man	Coprotagonista
2019	Avengers: Endgame		Secundariu
	Spider-Man: Far From Home		Protagonista
	Spies in Disguise	Walter Beckett	Voz

Televisión

Añu	Programa	Papel	Notes
2015	Wolf Hall	Gregory Cromwell	Papel recurrente; 6 episodios
2017	Lip Sync Battle	Él mesmo	Episodiu: "Tom Holland vs. Zendaya"

Teatru

Añu	Títulu	Papel	Teatru	Notes
8 de setiembre de 2008 - 29 de marzu de 2010	Billy Elliot: The Musical	Billy	Victoria Palace Theatre	Londres, Inglaterra

Premios

Premios Goya

Añu	Categoría	Película	Resultáu
2012	Meyor actor revelación	The Impossible	Nomáu

Premios BAFTA

Añu	Categoría	Trabayu	Resultáu
2016	EE Rising Star Award	El mesmo	Ganador

Otros premios

Premiu	Categoría	Resultáu
Young Artist Award	Meyor actuación nuna película - Actor Principal Xoven	Ganador
National Board of Review Award	Meyor actor revelación (por The Impossible)	Ganador
Hollywood Film Awards	Hollywood Spotlight Award	Ganador
Critics' Choice Movie Awards	Meyor actor/actriz xoven (por The Impossible)	Nomáu
Chicago Film Critics Association Awards	Meyor actor/actriz prometedor (por The Impossible)	Nomáu
Washington D.C. Area Film Critics Association Awards	Meyor actor/actriz xoven (por The Impossible)	Nomáu
London Film Critics Circle Awards	Meyor actor/actriz xoven británicu del añu (por The Impossible)	Ganador

Referencies

1. Afirmao en: filmportal.de. Identificador Filmportal: 05b9e3b47c3f4830ac4a5e85b9b4be05. Apaez como: Tom Holland. Data de consulta: 9 ochobre 2017.
2. Afirmao en: catálogu de la Biblioteca Nacional Checa. Identificador NKCR AUT: xx0250932. Apaez como: Holland, Tom. Data de consulta: 5 xunetu 2023.
3. «Internet Movie Database» (inglés). Consultáu'l 10 xunu 2019.

Enllaces esternos

• Wikimedia Commons acueye conteníu multimedia sobre Tom Holland.
• Tom Holland na Internet Movie Database (n'inglés)
• Tom Holland n'AllMovie (n'inglés)
• Tom Holland n'Instagram
• Tom Holland en Twitter