Trini Lopez

Trini Lopez
Vida
Nacimientu	Dallas, 15 de mayu de 1937[1]
Nacionalidá	Estaos Xuníos
Residencia	Palm Springs
Muerte	Palm Springs[2], 11 d'agostu de 2020[3] (83 años)
Sepultura	Calvary Hill Cemetery and Mausoleum ^(en) [4]
Causa de la muerte	COVID-19[2]
Estudios
Llingües falaes	inglés[5] castellanu
Oficiu	cantante, actor de cine, guitarrista, actor
Nominaciones	ver Premiu Grammy por meyor artista nuevu (1964)[6]
Xéneru artísticu	pop
Instrumentu musical	guitarra voz
Discográfica	Reprise Records
IMDb	nm0530382
trinilopez.com

Trini López, nacíu Trinidad López, III, (15 de mayu de 1937, Dallas – 11 d'agostu de 2020, Palm Springs), foi un músicu y cantante d'Estaos Xuníos d'ascendencia mexicana, conocíu principalmente pola so interpretación del cantar If I Had a Hammer, grabada en 1962.

Biografía

López nació nel senu d'una familia d'escasos recursos. A curtia edá tuvo qu'abandonar los sos estudios pa collaborar al sustentu de la so familia. A pesar d'estes circunstancies, dedicó'l so tiempu llibre a aprender a cantar y tocar la guitarra.

Empezó la so carrera musical actuando nun circuitu de clubes de la mariña oeste d'Estaos Xuníos, onde adquirió fama. El productor discográficu Don Costa afayólu y encamentó-y a grabar les sos primeres producciones discográfiques, mientres siguía actuando nel Club PJ de Hollywood, California. El so primer álbum salió a la venta nel añu de 1963 y foi grabáu en direutu. El discu incluyía'l cantar If I Had a HammerIf I Had a Hammer, tema col que se daría a conocer, y qu'algamó altos índices de popularidá en radiodifusoras de 25 países.

La fama alcanzada por López nésos años, fixo que'l fabricante de guitarres Gibson dedicara dos modelos col so nome.

Darréu realizó covers de populares cantares como "Lemon Tree" (1965), "I'm Coming Home Cindy" (1966) y "Sally Was a Good Old Girl" (1968).

Mientres los años 60 y 70, López probó la so fortuna como actor de cine ensin algamar l'ésitu. El so primer papel nun filme foi en Marriage On The Rocks (1965), onde apaeció xunto a Frank Sinatra y Dean Martin. Intervieno nes películes "The Dirty Dozen" (1967) y Antonio (1973).

Amás, interpretó los cantares "Lemontree" y "La Bamba" na película Poppies are also flowers (1966), na que trabayó con actores de gran fama como Omar Sharif, Rita Hayworth, Marcello Mastroianni, y Grace Kelly.

Tamién tuvo delles apaiciones na serie televisiva Adam-12.

Na década de 1970, siguió la so carrera musical llegando a realizar estenses xires por Europa y América Llatina.

De magar, López caltúvose n'activu, y participó de munchos espectáculos con fines benéficos.

Filmografía parcial

• The Dirty Dozen (1967)
• Antonio (1973)

Discografía

Trini López realizó 62 álbumes mientres tola so carrera (la mayoría n'Inglés), de siguío detállense dalgunos d'estos:

• Trini Live at Pj's. (1963)
• More Live at Pj's.
• Trini Now.
• The Whole Enchilada
• Trini at Basin Street.
• Trini Greatest Hits.
• Trini in London. (1978)
• Welcome to Trini Country

Premios recibíos

• Incorporación nel Salón Internacional de la Fama de la Música Llatina (2003).
• Inclusión nel Paséu de Les Estrelles - Las Vegas.
• Estrella nel Paséu de la Fama de Palm Springs.
• Estrella nel Paséu de la Fama de Hollywood.

Referencies

1. Afirmao en: SNAC. Identificador SNAC Ark: w67662m7. Apaez como: Trini Lopez. Data de consulta: 9 ochobre 2017. Llingua de la obra o nome: inglés.
2. «Murió el cantante Trini Lopez: una vida de película entre los Beatles y Sinatra» (castellanu). La Nación (Arxentina) (11 agostu 2020).
3. «Trini Lopez Dies Of COVID-19: ‘Dirty Dozen’ Actor & ‘If I Had A Hammer’ Singer Was 83» (inglés).
4. Afirmao en: Find a Grave. Data de consulta: 13 xunu 2024. Llingua de la obra o nome: inglés.
5. Afirmao en: catálogu de la Biblioteca Nacional Checa. Identificador NKCR AUT: pna2012686902. Data de consulta: 1r marzu 2022.
6. URL de la referencia: http://www.rockonthenet.com/grammy/newartist.htm.

Enllaces esternos

• Sitiu oficial de Trini López