Ñu

Ñu
Datos xenerales
Orixe	Madrid, España
Información artística
Xéneru(os)	Heavy metal, Hard rock, Folk rock
Periodu d'actividá	1974-actualidá
Sellu discográficu	Chapa Discos, Barrabás, Avispa, A la Caza del Ñu, PIES
Miembros
	José Carlos Molina, Ramón Álvarez, Nacho de Carlos, Peter Mayr, Javi Arnaiz "Bumper"
Enllaces esternos
Sitiu web oficial	http://www.josecarlosmolina.es/
Discogs	1249321
	[editar datos en Wikidata]

Ñu ye un grupu de hard rock español formáu en 1974 en Madrid. El so estilu, descritu en dalguna ocasión como rock medieval, axunta elementos de música -precisamente- medieval, celta y heavy metal.

Estilu y carrera

El so fundador, José Carlos Molina (flauteru y cantante), ye l'únicu miembru del grupu que permaneció mientres tola trayeutoria del mesmu. Señalóse repetidamente la influencia de Jethro Tull y el so líder, Ian Anderson, nel soníu y la imaxe de la banda. De la mesma, esta exerció una influencia notable en grupos posteriores, como Mägo de Oz. La temática habitual del grupu describióse como «hestories de castiellos, caballeros, villanos y héroes medievales».

El grupu naz d'una banda anterior formada en 1972, Fresa, de la que formaben parte J.C. Molina y el guitarrista Rosendo Mercado. En 1974 el grupu pasó a llamase Ñu. En 1976 publicóse, ensin conocencia de la banda el so primer discu, el senciellu "Que nadie escape de la evolución / Volando en sociedad".

En 1978 Rosendo abandonó'l grupu pa fundar la so propia banda, Leño. Los continuos cambeos na formación del grupu (hasta sesenta músicos distintos a lo llargo de la so discografía) punxéronse en rellación col calter del líder del mesmu, descritu por unu de los sos críticos como «irascible, autosuficiente y pocu diplomáticu».

A pesar de los cambeos de formación, el grupu recibió crítiques que consideren la so música «rock fondiáu nel pasáu» y acusen al so líder de negase a evolucionar. Pa otru críticu, sicasí, «Ñu soportó dos décades d'incomprensión y ausencia de sofitu, respondíes con una actitú de "equí dar toes, que yo tiro p'alantre". Pa munchos, el veteranu grupu madrilanu perdióse na nueche de los tiempos, pero lo cierto ye que la so actividá, anque públicamente inalvertida, nun cesó nunca. (...) Ñu ye la flauta que va vencer, siquier nel terrén de la dignidá».

Discografía

Cuentos de ayer y de hoy (1978)
A golpe de látigo (1979)
Fuego (1983)
Acorralado por ti (1984)
El mensaje del mago (1987)
Vamos al lío!! (1988)
Dos años de destierro (1990)
La danza de las mil tierras (1994)
La taberna encantada (1997)
Cuatro gatos (2000)
Réquiem (2002)
Títeres (2003)
Viejos himnos para nuevos guerreros (2011)
... Y nadie escapó de la evolución (2012)

Referencies

Enllaces esternos

Sitiu web oficial