Əlaəddin məscidi

islam
Əlaəddin məscidi
türk. Alâeddin Camii
Yerləşməsi
Ölkə	Türkiyə
Memarlıq
İnşa tarixi	1150 – 1235
Tikdirəni	I Rüknəddin Məsud^[d]
Üslubu	Anadolu memarlıq məktəbi
Əlaəddin məscidi
Vikianbarda əlaqəli mediafayllar

Əlaəddin məscidi (türk. Alâeddin Camii) — Türkiyənin Konya şəhərində yerləşən qədim tarixi tikili. Məscid Əlaəddin təpəsində yerləşir. Məscid həm də bir çox Konya sultanlarının dəfn yerdir.

Tarixi

Əlaəddin Cami (1849)

Konyanın Səlcuqlular tərəfindən ələ keçirildikdən sonra Bizans arxitekturasına aid bir çox tikililər məscidə çevrilmişdir. Əlaəddin məscidi də Bizans tikilisi olmuşdur. Bu tikilidə ilk yenilənmə işləri 1150-ci ildə sultan I Maqsudun dönəmində aparılmışdır^[1]. Məscidin minbəri ebendən hazırlanmışdı. Bu isə Anadolu türklərinin qədim incəsənət nümünələrindən sayılır. Bu minbər 1155-ci ildə hazırlanmışdır^[2]. Kafella bəzədilmiş mehrab və mərkəzi gümbəz də o dönəmə aiddir. Məsciddə bərpa və genişləndirmə işləri 1219-ci ildə I Keykavusun dönəmində yenidən aparılmışdır. Onun dönəmində şəhər və sultanların sarayına baxan monenenal fasad işlənilir. Burada mərmərdən sultanlara aid türbələr inşa edilir. Ancaq Key-Kavusun ölümü işləri yarımçıq qoymuşdur. Bu işlər yenidən I Key Qubadın dönəmində davam etdirilir. 1235-ci ilə əsas zalda 42 kolonna qurulur. Uzun zaman məsciddə təmir işləri aparılmır. 1891-ci ildə burada minarə inşa edilmişdir^[3].

Məsciddə dəfn edilmiş Konya sultanları

Məqbərə

• I Maqsud
• II Qılınc Arslan
• Rukəddin Süleyman Şah
• I Key Xosrov
• I Key Qubad
• II Key Xosrov
• IV Qılıç Arslan
• III Keyxosrov

Bununla yanaşı Key Qubadın dönəmində burada bir türbə inşa edilmişdir. Hazırda bu tikili Adsız Türbə kimi tanınır. Burada indidə dəfn olunanların adı dəqiq məlum deyildir.

İstinadlar

1. Konya, The Grove Encyclopedia of Islamic Art and Architecture, Vol.2, (Oxford University Press, 2009), 391
2. Scott Redford, The Alaeddin Mosque in Konya Reconsidered, Artibus Asiae, Vol. 51, No. 1/2, 1991
3. Architecture, The Grove Encyclopedia of Islamic Art and Architecture, Vol.2, (Oxford University Press, 2009), 117

Mənbə

• «ArchNet» Arxivləşdirilib 2012-11-30 at the Wayback Machine (ing.)
• Əlaəddin Camisnin 3D-modeli

Qalereya

• 
  Mərkəzi zalın kolonları
• 
  Mehrab
• 
  Mərkəzi gümbəz
• 
  Minbər
• 
  Cənub fasadı