Ərtoğrul Günay
| Ərtoğrul Günay | |
|---|---|
| türk. Ertuğrul Günay | |
 | |
 | |
| 29 avqust 2007 – 24 yanvar 2013 | |
| Əvvəlki | Atilla Koç |
| Sonrakı | Ömər Çelik |
| 23 iyul 2007 – 7 iyun 2015 | |
| Şəxsi məlumatlar | |
| Doğum tarixi | 1 mart 1948 (76 yaş) |
| Doğum yeri | |
| Vətəndaşlığı |
 Türkiyə |
| Partiya | |
| Təhsili | |
| Fəaliyyəti | siyasətçi, vəkil, nazir |
| Elmi fəaliyyəti | |
| Elmi dərəcəsi | |
 Vikianbarda əlaqəli mediafayllar | |
Ərtoğrul Günay (türk. Ertuğrul Günay; — 1 mart 1948, Ordu) — Türkiyəli hüquqşünas, siyasətçi, iki dəfə Türkiyə Böyük Millət Məclisinin üzvü, eyni zamanda 2007–2013-cü illərdə Türkiyənin Mədəniyyət və Turizm naziri.[1] 1992–1994-cü illər arasında Cümhuriyyət Xalq Partiyasında baş katib vəzifəsini icra etmişdir. 2004-cü ildə CHP-dən qovulmuş və 2007-ci ildə Ədalət və İnkişaf Partiyasına keçmişdir. Elə həmin il keçirilən ümumi seçkilərdə bu partiyadan millət vəkili seçilib. Türkiyə Cümhuriyyətinin 60 və 61-ci Hökumətlərində Mədəniyyət və Turizm Naziri vəzifəsində çalışmışdır.[1] 2013-cü ilin sonunda 17 dekabr istintaqında alınan bəzi qərarları əsas gətirərək Ədalət və İnkişaf Partiyasından istefa vermişdir.
Həyatı
[redaktə | mənbəni redaktə et]Ərtoğrul Günay 1 Mart 1948-ci ildə Ordu şəhərində anadan olub. 1969-cu ildə İstanbul Universiteti Hüquq Fakültəsini bakalavr dərəcəsi ilə bitirmişdir. 1977-ci ildə ən gənc deputat olaraq Cümhuriyyət Xalq Partiyasından Böyük Millət Məclisinin üzvü seçilmişdir. CHP-nin ən solçu deputatlarından biri sayılan Günay, 12 sentyabr 1980-ci il hərbi çevrilişindən sonra "İnqilabçı Yol" radikal solçu hərəkatı ilə əlaqədə olmaq ittihamı ilə həbs olundu.
Siyasi karyerası
[redaktə | mənbəni redaktə et]Həbsdən sonra Sosial Demokratik Xalq Partiyasında fəaliyyətini davam etdirdi, Ankarada başqan (1986–1987) və baş katib müavini (1990–1991) vəzifələrində çalışdı. 1992-ci ildə Cümhuriyyət Xalq Partiyası siyasi həyata qayıtdıqdan sonra CHP-yə qoşuldu. 9 sentyabr 1992-ci ildən 1994-cü ilin sonuna qədər CHP-nin Baş katibi vəzifəsində çalışdı. 1994-cü ildə yerli seçkilərdə CHP-dən İstanbul Böyükşəhər Bələdiyyə Başçılığına namizəd oldu. Lakin seçkilərdə Ərtoğrul Günay böyük fərqlə Rəcəb Tayyib Ərdoğana məğlub oldu.
Ərtoğrul Günay 2004-cü ildə partiyanın lideri Dəniz Baykalla (1970-ci illərdə Bülənt Ecevitlə qarşıdurmada onu dəstəkləməmiş, hətta partiya sədrliyinə namizəd də olmuşdu.[2]) qarşıdurmadan sonra partiyadan çıxarıldı. Keçmiş millət vəkili Məhəmməd Bekaroğlu ilə "sol-islamçı" ittifaqa girdi. Lakin bir müddət sonra Ədalət və İnkişaf Partiyasına qatıldı.[3]
2007-ci ildə Ədalət və İnkişaf Partiyasıdan İzmir təmsilçisi kimi Türkiyə Böyük Millət Məclisinin üzvü seçildi. 2011-ci ildə yenidən millət vəkili seçildi. Ərtoğrul Günay 29 Avqust 2007-ci ildə 60-cı Hökumətdə Mədəniyyət və Turizm Naziri vəzifəsini aldı.[3] Ərtoğrul bəy 61-ci Hökumət də təşkil ediləndə bu postu tutdu. Lakin 2013-cü ilin yanvarında hökumət dəyişikliyindən sonra baş verən hakim partiyanı vuran korrupsiya qalmaqalına cavab olaraq, 27 dekabr 2013-cü ildə vəzifəsindən istefa verdi.
Vətəndaş təşəbbüsləri və yazıları
[redaktə | mənbəni redaktə et]Bosniya üçün "İnsanlıq Təşəbbüsü", "Şərq Konfransı" və "Yeni Siyasət Təşəbbüsü" kimi vətəndaş təşəbbüslərinə öncürlük etmişdir. Günayın, "Bosniyadan Böyük Məqalələr" və "Qarşı Siyasət" adlı iki kitabı vardır. O, hüquq və siyasətlə bağlı çox sayda məqalə və reportaj yazmışdır. Ərtoğrul bəy müxtəlif qəzet və jurnallarla da əməkdaşlıq etmişdir.
Şəxsi həyatı
[redaktə | mənbəni redaktə et]Ərtoğrul Günay evlidir, iki övladı var.[3]
Mükafatları
[redaktə | mənbəni redaktə et]2009-cu ildə Günay Adıyaman Universitetində doktorluq dərəcəsinə layiq görülmüşdür. Macarıstan və Türkiyə arasındakı ikitərəfli əlaqələrin möhkəmləndirilməsinə görə Macarıstanın "Xidmətə görə" ordeni ilə mükafatlandırılmışdır. Həmçinin o, "Avstriya Respublikasındakı xidmətlərinə görə" fəxri nişanına da layiq görülmüşdür. 2012-ci ilin oktyabrında Belçikanın "II Leopold ordeni" ilə təltif edilmişdir.[3]
İstinadlar
[redaktə | mənbəni redaktə et]- ↑ 1 2 "Curriculum Vitae of the Minister of Culture and Tourism Ertuğrul Günay". 21 December 2012 tarixində orijinalından arxivləşdirilib. İstifadə tarixi: 15 June 2012.
- ↑ "Ertuğrul Günay, Istanbul – the surprise "transfer"". European Stability Initiative. 2008-07-22. 2016-05-24 tarixində arxivləşdirilib. İstifadə tarixi: 2008-07-22.
- ↑ 1 2 3 4 Curriculum Vitae of the Minister of Culture and Tourism Ertuğrul GÜNAY