Aleksandra Mollenhauer

Aleksandra Mollenhauer
Boyu 1.83
Vətəndaşlığı
Doğum tarixi 4 may 1998(1998-05-04) (26 yaş)
Vikianbarın loqosu Vikianbarda əlaqəli mediafayllar

Aleksandra Coy Mollenhauer (ing. Alexandra Mollenhauer; 4 may 1998) – əslən amerikalı olan Azərbaycan basketbolçusu. "Estudiandes" basketbol klubunda və Azərbaycan milli 3x3 basketbol komandasında çıxış edir. İki dəfə İslam Həmrəyliyi Oyunlarının qalibi olmuşdur.

İlk illəri

[redaktə | mənbəni redaktə et]

Aleksandra Mollenhauer 4 may 1998-ci ildə ABŞ-nin Texas ştatında doğulmuşdur. Atası Skot Mollenhauer də basketbolçu olmuş, "Qala", "NTD" və "Aztop" kimi Azərbaycan klublarından çıxış etmiş, karyerasını başa çatdırdıqdan sonra Azərbaycanda qalaraq məşqçi kimi işləməyə başlamışdır.

5 yaşı olanda Mollenhauer ailəsi ilə birlikdə Azərbaycana köçmüşdür. 5 yaşında atasının rəhbərliyi altında basketbol oynamağa başlamışdır.[1][2] Mollenhauer 18 yaşına qədər Azərbaycanda yaşadıqdan sonra ABŞ-yə köçmüşdür.[1]

Peşəkar karyerası

[redaktə | mənbəni redaktə et]

Mollenhauer 15–16 yaşında olanda Azərbaycan milli basketbol komandasının heyətinə cəlb olunmuşdur.[1]

Mollenhauer 2017-ci ildə Bakıda keçirilmiş III İslam Həmrəyliyi Oyunlarında Azərbaycan milli komandasının tərkibində qızıl medal qazanmışdır.[3] 2022-ci ilin avqustunda Konyada keçirilmiş IV İslam Həmrəyliyi Oyunlarında Azərbaycan milli komandasının tərkibində növbəti dəfə qızıl medalın qalibi olmuşdur.[4]

Mollenhauer 2024-cü ilin aprelində Honkonqda keçirilmiş 3x3 basketbol təsnifat turnirində Azərbaycan milli komandası ilə qalib olmuşdur. Nəticədə, Azərbaycan milli 3x3 basketbol komandası tarixində ilk dəfə olimpiya oyunlarında iştirak etmək hüququ əldə etmişdir.[4][5]

Şəxsi həyatı

[redaktə | mənbəni redaktə et]

Mollenhauerin atası Skott Mollenhauer Azərbaycan milli basketbol komandasının köməkçi məşqçisidir.[6]

İstinadlar

[redaktə | mənbəni redaktə et]
  1. ↑ 1 2 3 "История Александры Молленхауэр. Американка, которая выросла в Азербайджане, теперь выступает за сборную по баскетболу". 2024-05-02 tarixində arxivləşdirilib. İstifadə tarixi: 2024-05-02.
  2. ↑ "Что известно о наших девушках, сотворивших историю". 2024-05-02 tarixində arxivləşdirilib. İstifadə tarixi: 2024-05-02.
  3. ↑ "Баскетболисты Азербайджана выиграли два золота на Исламиаде". 2024-05-03 tarixində arxivləşdirilib. İstifadə tarixi: 2024-05-03.
  4. ↑ 1 2 "Баскетболистки выиграли финал Исламиады. Бакинский дубль не повторился". www.azerisport.com (az.).
  5. ↑ "Azerbaijan basketball 3x3 Women's National Team for Paris 2024 Olympics Announced". FIBA. July 3, 2024.
  6. ↑ "Турецкий тренер будет готовить сборную Азербайджана к отбору ЕВРО-2025". www.azerisport.com (rus). 2024-06-03 tarixində arxivləşdirilib. İstifadə tarixi: 2024-06-03.