Bakı Kristal Zalı

Bakı Kristal Zalı
Baku Crystal Hall
Bakı Kristal Zalının görünüşü, gecə
Bakı Kristal Zalının görünüşü, gecə
Xəritə
40°20′38″ şm. e. 49°51′01″ ş. u.HGYO
Ölkə  Azərbaycan
Şəhər Bakı
Yerləşir Dövlət Bayrağı Meydanı
Tikilmə tarixi 2 avqust 2011 – 16 aprel 2012
Aidiyyatı Bakı Şəhər İcra Hakimiyyəti
Memar Alpine Bau Deutschland AG
Memarlıq quruluşu Modern
Baku Cyrstal Hall (Bakı)
Baku Cyrstal Hall
Vikianbarın loqosu Vikianbarda əlaqəli mediafayllar

Bakı Kristal Zalı — Bakıda Avroviziya 2012 yarışmasının keçirilməsi nəzərdə tutulan idman-əyləncə kompleksi.[1] Əvvəllər rəsmi olaraq təsdiqlənməsə də 2012 Avroviziya Mahnı Müsabiqəsi də burada keçirilmişdi.[2]

Ümumi məlumat

[redaktə | mənbəni redaktə et]

5000 m2 ərazini əhatə edən 25 000 nəfərlik kompleks orijinal arxitekturası ilə fərqlənir və paytaxtın memarlıq quruluşuna xüsusi yaraşıq verir.[3] 10 yanvar 2012-ci il tarixinə zalın çox funksional arenasının dam örtüyü tamamilə quraşdırıldı. Dam örtüyünün çəkisi 2400 tondu. İnşaat prosesində 500 nəfər çalışmışdır.[4] Avroviziya müsabiqəsinin keçirilməsi üçün 6 həftəyə ərsəyə gəlmiş olan — "Bakı Kristal Zalı"nın səhnəsində işıq effektləri və televiziya avadanlıqları quraşdırılıb. "Bakı Kristal Zalı"nda istifadə olunan möhtəşəm işıqlandırma sistemi, 2500-dən çox projektor, 3.000 metrdən artıq naqil Almaniyadan gətirilib. Səhnənin bəzi elementləri hazır şəkildə Hamburq şəhərindən paytaxtımıza gətirilib. 2 ədəd yük təyyarəsi ilə isə Avropanın müxtəlif şəhərlərindən müasir işıq-diod texnologiyası və videokamera sistemi daşınıb. "Bakı Kristal Zalı"nın səhnəsində 1.300 m-dən artıq sahəsi olan işıq-diod ekranlar "elektron pəncərə"lər formasında yerləşdirilib.[3] Bundan əlavə, şounu ekrana gətirmək üçün arenada xüsusi sistem vasitəsi ilə 25 HD kamera quraşdırılıb.

Konsertlər

[redaktə | mənbəni redaktə et]

Avroviziya

[redaktə | mənbəni redaktə et]
border=none Əsas məqalə: 2012 Avroviziya Mahnı Müsabiqəsi

17 noyabr 2011-ci ildə CNN telekanalı Azərbaycanda final yarışmasına hazırlıqla bağlı geniş reportaj verdi.[5] Telekanal reportajında "2012 Avroviziya Mahnı Müsabiqəsi"nin keçirilməsi ehtimal edilən Bakı Kristal Zalının eskizini nümayiş etdirdi.[6]

25 yanvar 2012-ci il tarixində "Eurovision-2012" mahnı müsabiqəsinin Bakı Kristal Zalında keçiriləcəyi rəsmən təsdiqləndi. Avropa Yayım Birliyi (EBU) bu barədə açıqlama verdi.[7]

Müsabiqənin Azərbaycan üzrə yayımçısı olan Azərbaycan İctimai Teleradio SC bu müsabiqə üçün 3 potensial yer təklif edibmiş, lakin EBU üstünlüyü yeni qapalı arenaya verib. Yeni tikilən "Baku Crystall Hall" təxminən 25 min tamaşaçı tutur. 16 minə yaxın tamaşaçı isə müsabiqənin yarımfinalını və finalını böyük monitordan canlı izləyə biləcəklər.[7]

Cenifer Lopez

[redaktə | mənbəni redaktə et]
border=none Əsas məqalə: Cenifer Lopez

2012-ci ilin sentyabrın 23-də Cenifer Lopez "Dance again" proqramı ilə Kristal Zalında səhnəyə çıxıb.

Aygün Kazımova

[redaktə | mənbəni redaktə et]
border=none Əsas məqalə: Aygün Kazımova - 30 il (konsert)

2017-ci ilin sentyabrın 22-də Aygün Kazımova səhnə fəaliyyətinin 30 illiyi münasibətilə "Aygün-30 il" proqramı ilə Kristal Zalında səhnəyə çıxmışdır.[8]

İdman yarışları

[redaktə | mənbəni redaktə et]
border=none Əsas məqalə: 2013–14 CEV Qadınlar Çempionlar Liqası

2013–14 mövsümündə CEV Qadınlar Çempionlar Liqasının dördlər finalına ev sahibliyi qazanan Bakı şəhərinin arena seçimi Krsital Zalından yana oldu.[9] Bu seçimdən sonra martın 15-i və 16-ı voleybol üzrə Çempionlar liqasının müvafiq olaraq iki yarımfinal, bir üçüncülük və bir final oyununa Kristal Zalı ev sahibliyi etmişdi. Sonda təmin etdiyi yüksək səviyyəli imkanlara görə zal bu mənada indiyə qədərki yarışlar içində ən möhtəşəm təşkilatçılığa imza atmışdı. Maraq üçün qeyd edək ki, turnirin final qarşılaşmasında Dinamo Kazan Vakıfbank Günəş Sığorta Qadın Voleybol Komandasına 3–0 hesab ilə qalib gələrək Avropanın bir nömrəli kubokuna yiyələnmişdi.[10]

İstinadlar

[redaktə | mənbəni redaktə et]
  1. ↑ "AVROVİZİYA 2012"nin ÜNVANI BƏLLİ OLDU: "BAKI KRİSTAL ZALI" Arxivləşdirilib 2012-02-03 at the Wayback Machine  (az.)
  2. ↑ Azerbaijan: Baku Crystal Hall to host Eurovision 2012 Arxivləşdirilib 2011-10-23 at the Wayback Machine  (ing.)
  3. ↑ 1 2 "Arxivlənmiş surət". 2021-08-11 tarixində arxivləşdirilib. İstifadə tarixi: 2017-05-18.
  4. ↑ "Arxivlənmiş surət". 2021-04-10 tarixində arxivləşdirilib. İstifadə tarixi: 2012-01-11.
  5. ↑ "Arxivlənmiş surət". 2011-11-19 tarixində orijinalından arxivləşdirilib. İstifadə tarixi: 2011-11-19.
  6. ↑ "Arxivlənmiş surət". 2022-05-24 tarixində arxivləşdirilib. İstifadə tarixi: 2011-11-19.
  7. ↑ 1 2 "Arxivlənmiş surət". 2012-01-27 tarixində arxivləşdirilib. İstifadə tarixi: 2012-01-25.
  8. ↑ "Arxivlənmiş surət". 2017-10-12 tarixində arxivləşdirilib. İstifadə tarixi: 2017-10-04.
  9. ↑ "Dördlər finalı"nın "Kristal Zal"da keçiriləcəyi dəqiqləşdi Arxivləşdirilib 2023-07-01 at the Wayback Machine  (az.)
  10. ↑ Dinamo KAZAN dethrones VakifBank to claim the 2014 Champions League title Arxivləşdirilib 2016-03-05 at the Wayback Machine  (ing.)

Xarici keçidlər

[redaktə | mənbəni redaktə et]
Vikianbarda Bakı Kristal Zalı ilə əlaqəli mediafayllar var.
Əvvəlki:
Esprit arena
Almaniya Düsseldorf 		Avroviziya Mahnı Müsabiqəsi
2012 		Sonrakı:
Malmö Arena
İsveç Malmö