Burqasın ruhu festivalı
| Burqasın ruhu | |
|---|---|
| Spirit of Burgas | |
 Burqasın ruhu festivalı 2010 | |
| Janr | Rok Electronika Hip hop Latin Amerika musiqisi |
| Yer | Bolqarıstan Burqas |
| Keçirildiyi illər | 2008-2013 və 2015 |
| Tamaşaçı sayı | maks. 47000 2015-ci ildə |
 Vikianbarda əlaqəli mediafayllar | |
Burqasın ruhu (ing. Spirit of Burgas) – Bolqarıstanın Qara dəniz sahilindəki Burqas şəhərində keçirilən yay musiqi festivalı. Festivalın ilk təşkili 15-17 avqust 2008-ci il tarixində baş tutdu və o vaxtdan bəri populyarlığı əhəmiyyətli dərəcədə artaraq Avropanın ən görkəmli yay festivallarından birinə çevrildi.[1] Festivalın təşkilatçıları və sponsorları arasında 2008-ci ilin sentyabrında festivalla bağlı iki xüsusi veriliş yayımlayan MTV Europe, eləcə də Tuborg, Mobiltel, Jack Daniel's, Jacobs və DSK Bank var.
Festival məkanı
[redaktə | mənbəni redaktə et]Festival məkanı Burqas dəniz bağçası adlanan yerin cənub hissəsində qərarlaşmışdı. Bura Burqasın mərkəzi çimərlik ərazisi də daxil idi. Əsas səhnə və bəzi digər səhnələr birbaşa qumun üzərində açıq səma altında qurulurdu.
Tarix
[redaktə | mənbəni redaktə et]2008-ci ildə festivalın ilk açılışında əsas səhnədə The Sisters of Mercy, Hot Club de Paris, Asian Dub Foundation, Pharoahe Monch, Upsurt, Cradle of Lith, Kosheen və Bonobo kimi bir sıra Avropada populyar ifaçılar çıxış ediblər. Əsas səhnə ilə yanaşı, ayrı-ayrı rəqs, rok, DJ və Latino səhnələri də həm tanınmış, həm də həvəskar sənətkarları təqdim edirdi. Səhnələrdə məşhur artistlər arasında Kris Liebinq, Groove Armadadan Endi Kato, Pendulum və Deep Zone Project var idi.
Festivalın ikinci təşkili 14-16 avqust 2009-cu ildə baş tutdu və Faith No More, The Crystal Method, Clawfinger, Dreadzone, LTJ Bukem, Sub Focus və başqa Avropa ifaçıları və musiqi qrupları ilə yanaşı Avstraliyanın rok qrupu The Monicans var idi.[2]
2010-cu il buraxılışı 13-15 avqust tarixlərində baş tutdu. System of a Down qrupu və başlıca olaraq bu qrupun solisti Serj Tankyan, Gorillaz virtual musiqi qrupu kimi ifaçı və musiqi qrupları həmin il festivalın səhnələrində çıxış etdilər. [3]
2011-ci ildə festival 12-14 avqust tarixlərində baş tutdu. Moby, Gotan Project, Deftones və başqaları festivalda yer aldılar.[4]
2012-ci ildə festival 3-5 avqust tarixlərində baş tutdu. Həmin il festival rok, rəqs, dünya və latın musiqi janrlarını əhatə edən 5 mərhələdən ibarət olub.
Festivalın 2013-cü il təşkili 27-28 iyul tarixlərində baş tutdu. Hər il avqust ayında keçirilən festival 2013-cü ildə ənənəsindən çıxaraq geriyə iyul ayına köçürüldü. Təşkilatçıların sözlərinə görə, bu, festivalda çıxış edəcək musiqi qruplarının Avropa qastrolları ilə üst-üstə düşməməsi üçün edilib. İfa edən sənətçilər arasında Wu-Tang Clan, ZAZ və digər sənətçilər var idi.[5][6]
Festival 2014-cü ildə ləğv edildi. 2014-cü ilin aprelində festivalın direktoru verdiyi müsahibədə bunu maliyyə çətinlikləri ilə izah etdi.[7]
Lakin 2015-ci ildə festivalın təşkili yenidən bərpa olundu və həmin il 7 və 8 avqust tarixlərində iki gecə keçirildi. 27 yerli bolqar və xarici ifaçı, o cümlədən DJ-lər dəvət olunmuşdu. 17 Mart 2015-ci ildə Robbi Vilyamsın festivalda çıxış edəcəyi artıq elan edilmişdi.[8] Festivalın digər ifaçıları haqqında reklam 19 iyunda elan edildi.[9] 2015-ci ildə festivalda 47000-ə yaxın insan iştirak edib. Bu, "Spirit of Burgas"ın o zamana qədər toplaya bildiyi ən yüksək tamaşaçı sayı hesab olunur.[10]
3 sentyabr 2015-ci il tarixində festivalın növbəti 2016-cı ildə 3 gün keçiriləcəyi elan edilsə də,[11] 31 yanvar 2016-cı ildə Burqas Bələdiyyəsinin festival direktoru radioya müsahibəsində bildirdi ki, Bolqarıstan promouterləri arasında bu festivala maraq olmaması səbəbindən onun təşkili artıq dayandırılıb.[12] "Burqasın ruhu" fəaliyyətini dayandırsa da, festival Avropada Burqas şəhərini çox populyar etməsi orada hər il müxtəlif festivalların təşkil olunmasına gətirib çıxartdı.[13][14]
İstinadlar
[redaktə | mənbəni redaktə et]- ↑ The Times: Spirit of Bourgas amongst Europe's top 20 summer festivals Arxivləşdirilib 2011-05-11 at the Wayback Machine, 2 April 2009
- ↑ "Spirit of Burgas 2009 Full Line-up". SpiritOfBurgas.com. 2011-07-16 tarixində arxivləşdirilib. İstifadə tarixi: 2009-08-13.
- ↑ "Spirit of Burgas 2010 Full Line-up". SpiritOfBurgas.com. 2016-03-04 tarixində arxivləşdirilib. İstifadə tarixi: 2014-03-07.
- ↑ "Spirit of Burgas 2011 Full Line-up". SpiritOfBurgas.com. 2014-03-07 tarixində arxivləşdirilib. İstifadə tarixi: 2014-03-07.
- ↑ "Spirit of Burgas 2013 | Events in Bulgaria". Events in Bulgaria (ingilis). 2016-12-01 tarixində arxivləşdirilib. İstifadə tarixi: 2016-12-01.
- ↑ Markov, A. "Bulgarian National Radio" [The latest edition of Spirit of Burgas Festival starts]. 25 March 2013. 1 December 2016 tarixində arxivləşdirilib. İstifadə tarixi: 1 December 2016.
- ↑ "'Spirit of Burgas 2014' Festival Canceled over Low Funding". Novinite. 16 April 2014. 31 March 2024 tarixində arxivləşdirilib. İstifadə tarixi: 31 March 2024.
- ↑ "Robbie Williams to Perform at Bulgaria's Spirit of Burgas". Novinite. 17 March 2015. 29 April 2015 tarixində arxivləşdirilib. İstifadə tarixi: 15 May 2015.
- ↑ "Kasabian to Headline Second Night at Spirit of Burgas". Novinite. 19 June 2015. 31 March 2024 tarixində arxivləşdirilib. İstifadə tarixi: 31 March 2024.
- ↑ "Безкомпромисни Kasabian на втория ден на Spirit of Burgas 2015". Webcafe. 9 August 2015. 10 October 2016 tarixində arxivləşdirilib. İstifadə tarixi: 31 March 2024.
- ↑ ""Spirit of Burgas" през 2016 година в три дни с хедлайнери тип Роби Уилямс". Pik Agency. 3 September 2015. 31 March 2024 tarixində arxivləşdirilib. İstifadə tarixi: 31 March 2024.
- ↑ "Димитър Маджаров, Община Бургас: Все още няма интерес от страна на промоутъри за провеждане на "Spirit of Burgas"". Focus News. 31 January 2015. 31 March 2024 tarixində arxivləşdirilib. İstifadə tarixi: 31 March 2024.
- ↑ "Wine and Spirits Fest Burgas 2023, July 28-30, 2023". Fest (ingilis). 2024-03-31 tarixində arxivləşdirilib. İstifadə tarixi: 2024-03-31.
- ↑ "Festivals Burgas Province 2023 - Festyful". Festyful - The Festival You Need (ingilis). 2024-04-02. İstifadə tarixi: 2024-03-31.
