Ketrin Siaçoke

Ketrin Siaçoke
(isp. Catherine Siachoque)
Doğum adı	Mariya Aleksandra Ketrin Siaçoke Qaete
Digər adı	Keti (Cathy)
Doğum tarixi	21 yanvar 1972 (52 yaş)
Doğum yeri	Boqota, Kolumbiya
Milliyyəti	kolumbiyalı
Vətəndaşlığı	Kolumbiya
Həyat yoldaşı	Miqel Varoni (1997-indiyə kimi)
Atası	Feliks Siaçoke
Anası	Blanka Qaete
Fəaliyyəti	aktrisa model
Fəaliyyət illəri	1994 - indiyə kimi
Boyu	164 sm
Çəkisi	55 kq
IMDb	ID0796171
Vikianbarda əlaqəli mediafayllar

Mariya Aleksandra Ketrin Siaçoke Qaete (isp. María Alexandra Catherine Siachoque Gaete; d. 21 yanvar 1972, Boqota, Kolumbiya) — və ya sadəcə Ketrin Siaçoke kimi tanınan və əsasən telenovellalarda canlandırdığı mənfi obrazlara görə şöhrət qazanmış Kolumbiyalı aktrisa.

Həyatı

Ketrin Siaçoke 21 yanvar 1972–ci ildə Kolumbiyanın paytaxtı Boqota şəhərində doğulub. Məşhur Kolumbiya aktrisası Feliks Siaçoke və Blanka Qaetenin qızıdır. Aktrisa 1997-ci ildə yarı argentinalı, yarı kolumbiyalı aktyor və rejissor Miqel Varoni ilə ailə həyatı qurub.

Karyerası

Ketrin Siaçoke Kolumbiyanın Telemundo televiziya kanalının bir çox telenovellalarında çəkilmişdir. İlk səhnə aldığı ekran əsəri 1994-cü ildə yayımlanan "Mambo" telenovellası olmuşdur. Həmin telenovellada epizodik rollardan birini canlandıran aktrisa daha sonra "Sobrevivir" (azərb. Yaşamaq‎), "La sombra del deseo" (azərb. Arzuların kölgəsi‎) və s. telenovellalarda çəkilmişdir. Lakin Siaçokeyə əsas şöhrət qazandıran telenovella 2001-ci ildə yenə də Telemundo telekanalında yayımlanan "Amantes del desierto" (azərb. Səhrada məhəbbət‎) teleserialı olmuşdur. Bu teleserialda təhlükəli, hiyləgər və eyni zamanda cazibədar cinayətkar qadın obrazı, Mikaela Fernandezi canlandıran Ketrin Siaçoke yalnız Kolumbiya və Latın Amerika ölkələri deyil, dünyanın bir çox ölkələrində maraqla qarşılanmışdır. Həmin teleserialda mənfi qadın personajını peşəkarlıqla canlandıran aktrisaya daha sonra yenidən bir çox telenovellalarda mənfi qadın personajlarını canlandırmaq təklif edilmişdir. Siaçoke Telemundonun "La Venganza" (azərb. Qisas‎), "Te Voy a Enseñar a Querer" (azərb. Sənə sevməyi öyrədərəm‎), "Tierra de Pasiones" (azərb. Ehtiraslar məskəni‎), "Pecados Ajenos" (azərb. Özgələrin günahları‎), "Reina de Corazones" (azərb. Qəlblərin kraliçası‎) kimi teleseriallarında əsas mənfi qadın obrazlarını canlandırmışdır. Aktrisanın hal-hazırda səhnə aldığı "Sin senos sí hay paraíso" (azərb. Döşlər olmadan cənnət var‎) teleserialında isə Siaçoke müsbət personaj olan Donya Hilda Santananı canlandırır.

Filmoqrafiya

İl	Teleserialın orijinal adı	Teleserialın azərbaycanca adı	Rol	Qeyd
1994	Mambo	Mambo	Valentina
1995	Sobrevivir	Yaşamaq	Perla
1996	La sombra del deseo	Arzuların kölgəsi	Lorena Nunyez
1997	Las Juanas	Xuanalar	Xuana Karidad
1998	La sombra del arco iris	Göy qurşağının kölgəsi	Silviya Stella Qraniani
1999	La guerra de las Rosas	Qızılgüllərin müharibəsi	Rosa Emiliya Karriyo
2001	Amantes del desierto	Səhrada məhəbbət	Mikaela Fernandez
2002	La venganza	Qisas	Qratsia Fontana
2004	Te voy a enseñar a querer	Sənə sevməyi öyrədərəm	Debora Buenrostro
2005–2006	Decisiones	Qərarlar	Alma / Qabriela / Mariana Valensiya	2 seriya
2006	Tierra de pasiones	Ehtiraslar məskəni	Marsiya Ernandes
2007–2008	Pecados ajenos	Özgələrin günahları	İnes Vayexo
2008–2009	Sin senos no hay paraíso	Döşlər olmadan cənnət yoxdur	Hilda Santana Flores
2010	¿Dónde está Elisa?	Eliza haradadır?	Sesiliya Altamira
2011–2012	La casa de al lado	Qonşuluqdakı ev	İqnasiya Konde
2014	Reina de corazones	Qəlblərin kraliçası	Estefaniya Peres Hidalqo[1]
2016–indiyə kimi	Sin senos sí hay paraíso	Döşlər olmadan cənnət var	Donya Hilda Santana[2]
2017	La Fan	Fanat	İzabel	2 seriya

İstinadlar

1. A Catherine Siachoque la moralidad la trae sin cuidado Arxivləşdirilib 2018-09-22 at the Wayback Machine Laopinion.com. 26 iyun 2016
2. Catherine Siachoque y Fabian Ríos en Sin senos si hay paraíso Arxivləşdirilib 2017-08-07 at the Wayback Machine PeopleenEspañol.com. 26 iyun 2016

Xarici keçidlər