Sion Moreno | |
---|---|
ing. Zión Moreno | |
Doğum tarixi | 23 fevral 1995 (29 yaş) |
Doğum yeri | |
Vətəndaşlığı | |
Fəaliyyəti | aktyor |
IMDb | ID10794728 |
Sion Moreno (ing. Zión Moreno; 23 fevral 1995, El-Paso, Texas, ABŞ[1]) — Amerikalı aktrisa və model.[2] Netflix serialı "Control Z" və HBO Max-ın 2021-ci ildə yenidən çəkilən "Gossip Girl" serialındakı rolu ilə tanınır. O, həmçinin Melani Martinesin yazıb rejissorluq etdiyi K–12 filmində Fleur obrazını canlandırıb.
Moreno Texas ştatının El-Paso şəhərində meksikalı ailədə anadan olub. Anası Çihuahuadan, atası isə Monterreydəndir. Nyu-Meksiko ştatının Albukerke şəhərində böyüyüb və evdə ispanca danışmışdır.[3][4]
Moreno trans qadındır və 13 yaşında ikən cinsiyyətini dəyişməyə başlayıb. O, məktəbdə oxuyarkən həmyaşıdlarının qısnaması ilə üzləşib.[5]
Moreno modellik karyerasını davam etdirmək üçün 19 yaşında Nyu-Yorka köçdü.[6] O, Wilhelmina, Elite və Slay rəhbərliyi tərəfindən kəşf edildi.[7]
2017-ci ildə Kannda keçirilən MIPCOM-da Diversify TV Awards mükafatının təqdimatını etdi.[8]
Moreno 2019-cu ildə müğənni Melani Martines tərəfindən çəkilmiş K–12 filmində Fleur rolu ilə ilk aktrisalıq debütünü etdi. 2020-ci ildə o, Meksika istehsalı Netflix yeniyetmə serialı "Control Z"də Isabela de la Fuente rolunu oynamağa başladı.[9] 2020-ci ilin martında onun yenidən başlayacaq HBO Max serialı "Gossip Girl"də Luna La rolunda çəkiləcəyi məlum oldu.[10]
İl | Adı | Rol | Qeyd |
---|---|---|---|
2019 | K–12 | Fleur | Əsas rol |
2020 | Control Z | Isabela de la Fuente | Əsas personaj, 8 epizod (Birinci mövsüm) |
2021–2023 | Gossip Girl | Luna La | Əsas personaj |
2021–2022 | Claws | Selena | 4 epizod |