Zinaida Kupriyanoviç

Zinaida Kupriyanoviç
belar. Зінаіда Купрыяновіч
Zena Avroviziya səhnəsində
Ümumi məlumatlar
Doğum adı	Zinaida Aleksandrovna Kupriyanoviç belar. Зінаіда Аляксандраўна Купрыяновіч
Ləqəbləri	Zena, Zina Kupriyanoviç
Doğum tarixi	17 sentyabr 2002(2002-09-17)[1] (22 yaş)
Doğum yeri	Minsk, Belarus
Vətəndaşlığı	Belarus
Musiqiçi məlumatları
Fəaliyyəti	müğənni, aktrisa, aparıcı
Fəaliyyət illəri	2013–h.h.
Janr	Pop
Musiqi aləti	vokal
Vikianbarda əlaqəli mediafayllar

Zinaida Aleksandrovna Kupriyanoviç (belar. Зінаіда Аляксандраўна Купрыяновіч; 17 sentyabr 2002^[1], Minsk) və ya səhnə adı ilə Zena — Belarus müğənnisi, aktrisa və televiziya aparıcısı. O, "Like It" mahnısı ilə Belarusu İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmişdir.^[2][3][4]

Musiqi karyerası

Uşaq yaşlarından səhnə almağa başlayan Kupriyanoviç Belarusu 2013-cü ildə Yurmalada keçirilən Yeni Dalğa, 2014-cü ildə isə Vitebskdə keçirilən Slavyan Bazarı yarışmalarında təmsil etmişdir.

Zena daha öncə iki dəfə Belarusun Avroviziya Uşaq Mahnı Müsabiqəsi seçimlərində iştirak etmişdir. Seçim turlarında 2015-ci ildə "Mir" mahnısı ilə dördüncü, 2016-cı ildə isə "Kosmos" mahnısı ilə üçüncü olmuşdur. O, 2017-ci ildə Rusiyanın Fabrika Zvyozd yarışmasının onuncu mövsümündə iştirak etmiş və nəticədə üçüncü yeri qazanmışdır. Kupriyanoviç Yevqeniy Perlin və Helena Meraai ilə birlikdə Minskdə keçirilən 2018 Avroviziya Uşaq Mahnı Müsabiqəsinə aparıcılıq etmişdir. O, eyni zamanda bir neçə filmin rusca dublyajında iştirak etmişdir.

2019-cu ilin mart ayında keçirilən Belarusun Avroviziya milli seçim turunda "Like It" mahnısı ilə qələbə qazanmışdır. O, həmin mahnı ilə ölkəsini Tel-Əvivdə keçirilən Avroviziya 2019-da təmsil etmiş və nəticədə Belarusu müsabiqənin final mərhələsinə yüksəldə bilmişdir.

Diskoqrafiya

Sinqllar

Mahnı adı	İl
"Mir"	2015
"Kosmos"	2016
"Like It"	2019
"Groza i Muza"	2021

İstinadlar

1. Zinaida Kupriyanovich // https://pantheon.world/profile/person/Zinaida_Kupriyanovich.
2. "Belarus: ZENA To The Eurovision Song Contest 2019". Eurovoix. 7 mart 2019. 2019-03-26 tarixində arxivləşdirilib. İstifadə tarixi: 2019-03-10.
3. "From Junior to Adult: Zena wins Belarus' national final with "Like It"". Wiwibloggs. 7 mart 2019. 2019-12-15 tarixində arxivləşdirilib. İstifadə tarixi: 2019-03-10.
4. "Belarus: ZENA will fly to Tel Aviv!". ESCToday. 7 mart 2019. 2019-03-09 tarixində arxivləşdirilib. İstifadə tarixi: 2019-03-10.

Əvvəlki: Alekseev "Forever"

Belarus Avroviziya Mahnı Müsabiqəsində 2019

Sonrakı: —

Xarici keçidlər