Сыртланова Мәғүбә Хөсәйен ҡыҙы

Мәғүбә Хөсәйен ҡыҙы Сыртланова
Тыуған ваҡыты	15 июль 1912({{padleft:1912|4|0}}-{{padleft:7|2|0}}-{{padleft:15|2|0}})
Тыуған урыны	Өфө губернаһы, Бәләбәй өйәҙе, Бәләбәй ҡалаһы[1]
Үлгән ваҡыты	1 октябрь 1971({{padleft:1971|4|0}}-{{padleft:10|2|0}}-{{padleft:1|2|0}}) (59 йәш)
Вафат урыны	ТАССР, Ҡазан
Хеҙмәт иткән урыны	СССР
Ғәскәр төрө	Хәрби Һауа көстәре
Хеҙмәт итеү йылдары	июль 1941—1945
Хәрби звание	гвардия өлкән лейтенанты
Часть	325‑се авиация дивизияһының 46‑сы гвардия төнгө бомбардировка авиация полкы
Хәрби алыш/һуғыш	Бөйөк Ватан һуғышы
Наградалар һәм премиялар	«Кавказды обороналаған өсөн» миҙалы

Википедияла Сыртланов фамилиялы башҡа кешеләр тураһында мәҡәләләр бар.

Сыртланова Мәғүбә Хөсәйен ҡыҙы (15 июль 1912 йыл — 1 октябрь 1971 йыл) — Бөйөк Ватан һуғышында ҡатнашҡан хәрби осоусы, гвардия өлкән лейтенанты. Советтар Союзы Геройы (1946).

Биографияһы

Мәғүбә Хөсәйен ҡыҙы Сыртланова 1912 йылдың 15 июлендә Өфө губернаһы Бәләбәй өйәҙе Бәләбәй ҡалаһында^[1] тыуған. 1930 йылдан алып Кокандта, 1932 йылдан — Тбилиси ҡалаһында эшләй. 1941 йылда Тбилиси хәрби авиация мәктәбен тамамлай. 1942 йылдың декабренән Төньяҡ Кавказ, 4‑се Украина һәм 2‑се Белоруссия фронттарында хеҙмәт итә. Герой исеменә 4‑се һауа армияһының 325‑се авиация дивизияһы 46‑сы гвардия төнгө бомбардировка авиация полкының эскадрилья командиры урынбаҫары гвардия өлкән лейтенант Мәғүбә Сыртланова 780 хәрби осошта күрһәткән батырлығы өсөн лайыҡ була. Запасҡа сыҡҡандан һуң (1945) Ҡазанда йәшәй һәм эшләй, 1971 йылдың 1 октябрендә шунда вафат була.

Ленин (1946), Ҡыҙыл Байраҡ (1943, 1945), 2‑се дәрәжә Ватан һуғышы (1944) һәм Ҡыҙыл Йондоҙ (1944) ордендары менән бүләкләнгән.

Хәтер

• Бәләбәй ҡалаһындағы урамға һәм ҡаланың 2‑се һанлы мәктәбенә Мәғүбә Хөсәйен ҡыҙы Сыртланова исеме бирелгән, шунда уҡ уға бюст ҡуйылған.
• Ҡазан ҡалаһындағы урамға һәм ҡаланың 52‑се һанлы гимназияһына^[2] Мәғүбә Хөсәйен ҡыҙы Сыртланова исеме бирелгән, шунда уҡ уға бюст ҡуйылған.

Бүләктәр

• «Алтын Йондоҙ» миҙалы (1946)^[3]
• Ленин ордены (1946)
• Ҡыҙыл Байраҡ ордены (1943)^[4]
• Ҡыҙыл Байраҡ ордены (1945)^[5]
• 2‑се дәрәжә Ватан һуғышы ордены (1944)^[6]
• Ҡыҙыл Йондоҙ ордены (1944)^[7]
• «Кавказды обороналаған өсөн» миҙалы (1944)

Иҫкәрмәләр

1. Хәҙерге Башҡортостан Республикаһының Бәләбәй ҡалаһы.
2. http://history-kazan.ru/2011/07/8359/
3. Бүләкләү ҡағыҙы «Халыҡ батырлығы» мәғлүмәт электрон базаһында
4. Наградные документы «Халыҡ батырлығы» мәғлүмәт электрон базаһында
5. Наградные документы «Халыҡ батырлығы» мәғлүмәт электрон базаһында
6. Наградные документы «Халыҡ батырлығы» мәғлүмәт электрон базаһында
7. Наградные документы «Халыҡ батырлығы» мәғлүмәт электрон базаһында

Әҙәбиәт

• Герои Великой Отечественной войны. Выпуск IV. — 1974 г.
• Герои Советского Союза: Краткий биографический словарь. Т.2. — М.: Воениз. 1988.
• Подвиги их — бессмертны. — Уфа: Китап, 2000.
• Славные сыны Башкирии. — Кн. 3. — Уфа: Башкирское кн. изд., 1968.
• О чём грустят кипарисы. — Шамиль Ракипов

Һылтанмалар

• Сыртланова Мәғүбә Хөсәйен ҡыҙы  (билдәһеҙ). «Герои страны» сайты.
• Сыртланова Мәғүбә Хөсәйен ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 9 июль 2022)
• Сыртланова Мәғүбә Хөсәйен ҡыҙы  (урыҫ). Республика Хәрби Дан музейы. Дата обращения: 25 апрель 2016.