Jogéd Bumbung

Musik saking Indonésia
Gamelan Bali
Genre
Wentuk spesipik
Musik regional

Jogéd Bumbung inggih punika silih tunggil igel-igelan saking pulo Bali. Sasolahan puniki ngranjing ka bali-balihan. Ketahnyané kasolahang ri kala wénten acara ring krama Bali sakadi pawiwahan, sasampun manyi miwah rahina sané ageng. Igel Jogéd puniki lantur tradisi Bali ring masané mangkin tur ngranjing pinaka sia igelan Bali sané dados tetamian budaya tak benda dunia. Jogéd Bumbung taler ngwetuang pikayunan igel anyar sané mawasta Tari Agirang.[1] Igel-igelan puniki madué makudang-kudang ajahan sané luwih mapaiketan sareng pasemetonan dados krama. Saking reriptan Tari Agirang punika tetujonnyané mangda nénten malih sané mikayunan jéle sareng Jogéd Bumbung.[2]

Lelintihan

[uah | uah wit]

Sasolahan Jogéd Bumbung mawit saking Buléléng saking warsa 1940-an. Kakawitin antuk silih tunggil igel balih-balihan sané karipta olih wong tani anggén masukacita ri kala mararian sasampun makarya ring carik. Igelan puniki raris kasenengin oleh kramané ngantos dados sekaa igel-igelan. Jogéd Bumbung nénten wantah nyolahang pragina, nanging sang sané nonton taler prasida sareng ngigel. Pangibing sayan ngéndah dadosné ngwetuang gatra sané nénten becik. Sujatinyané igel puniki wantah anggén magegonjakan kémanten. Ketahnyané wénten suaran bedug sané nyihnayang pangibing miwah pragina sayaga macanda sareng-sareng. Gamelan sané ngiringin igel-igelan puniki malakar saking tiing. Makudang-kudang sekaa igel, kantun nglestariang pakem Jogéd dumunan sané madué makudang-kudang ajahan becik. Silih tunggil imba wantah igel Jogéd sané kasolahang olih Sekaa Suara Mekar, Banjar Antap, Panjer, Dénpasar.

Pustaka

[uah | uah wit]
  1. ↑ Rahayu, Putu Merina (2017-04-21). "Tari Agirang: Usaha Mengubah Persepsi Masyarakat Bali Terhadap Joged Bumbung". JOGED. 9 (1): 485–498. doi:10.24821/joged.v9i1.1675. ISSN 1858-3989.
  2. ↑ "4 Fakta Sebenarnya Tentang Joged Bumbung yang Sering Disebut "Goyang Syahwat"". Boombastis.com (ring Indonesia). 2017-11-25. Kaaksés 2020-04-30.