Asteroid (221) Eos | |
---|---|
Oagnschoftn vom Orbit (Animation) Epochn: 4. September 2017 (JD 2.458.000,5)
| |
Orbittyp | |
Grouße Hoibaxn | 3,009 AE |
Exzentrizitet | 0,105 |
Perihel – Aphel | 2,695 AE – 3,324 AE |
Noagal vo da Boh | 10,9° |
Leng vom afsteigadn Knopf | 141,8° |
Argument vo da Periapsis | 193,4° |
Siderische Umlafzeid | 5,22 a |
Middlare Orbitalgschwindigkeit | 17,16 km/s |
Physikalische Oangschoftn | |
Middlara Duachmessa | 95,469 (±1,684) km |
Albedo | 0,166 (±0,013) |
Rotationsperiodn | 10,443 h |
Absolute Hejigkeit | 7,67 mag |
Spektralklass | S |
Gschicht | |
Entdecka | Johann Palisa |
Datum vo da Entdeckung | 18. Jenna 1882 |
(221) Eos is a Asteroid van aissan Asteroidn-Haptgiatl, dea om 18. Jenna 1882 vo Johann Palisa on da Universitets-Steanwarte in Wean entdeckd worn is.
Bnennd worn is da Himmeskeapa noch Eos, da Geddin vo da Moagnröte aus da griachischn Mythologie.
Eos bwegd se in om Obstond vo 2,70 (Perihel) bis 3,32 (Aphel) astronomischn Eihheitn in 5 Joar und 81 Dog um de Sun. De Boh is 10,9° geng de Ekliptik gneigd, de Bohexzentrizitet bedrogd 0,105.
Eos hod on Duachmessa vo 95,5 Kilometa [1] und bsiezd a rejativ heje, silikatreiche Obafläch mid ana Albedo vo 0,166. In uma 10 Stundn und 26 Minutn rotiad da Planetoid um de eingne Ax.
Da Asteroid isNamasgeba vo da Eos-Famij. Diese is oane vo de easchtn drei duach'n japanischn Astronom Kiyotsugu Hirayama 1918 bschriemna Asteroidn-Gruppe,[2] de mid uma 4400 Planetoidn za de gressdn zejd.[3] Diese Asteroidn-Gruppe hod typischaweis große Hoibaxn vo 2,95 bis 3,1 AE, Bohneigunga zwischn 8° und 12° und is noch innen begrenzd vo da Kirkwoodluckn da 7:3-Resonanz mid Jupiter. Es wead vamuatd, doss de Famij voa uma 1,1 Milliardn Joa duach a Kojision entstondn is.[3]