Bernriad

Basisdotn
Bundesland:	Bayern
Regiarungsbeziak:	Niedabayern
Landkroas:	Landkroas Deggendorf
Hechn:	401 m ü. NHN
Flächn:	39,48 km2
Eihwohna:	4803 (31. Dez. 2020)
Bevökarungsdichtn:	122 Einwohner je km2
Postleitzoien:	94505,; 94374 (Eckhütt)
Voawoi:	09905
Autokennzeichn:	DEG
Gmoaschlissl:	09 2 71 116
Gmoagliedarung:	3 Oatstei
Address vo da; Gmoavawoitung:	Birket 34; 94505 Bernried
Webseitn:	www.bernried-niederbayern.de
Buagamoasta:	Stefan Achatz (FWG Freie Wählergemeinschaft Bernried-Edenstetten-Egg)
Log vo da Gmoa Bernriad im Landkroas Deggendorf
	Karte

Bernriad, amtli: Bernried, is a Doaf mid 4697 Eihwohna (2014) im Landkroas Deggendorf in Nidabayern. Bis zu seina Aflesung 1972 hod Bernriad zum Landkroas Bong ghead.

Gmoagliedarung

Unta Bernriad vastäht ma Bernriad, Ednstettn und Egg, des san de drei Ortstei, in de wos Bernriad gliedat is. Des is seidm 1. Mai 1978 so. Neba de drei groußn Tei gibts aa no 96 kleanane Ortschoftn, des sand: Adlwarting, Amtsfleck, Außerirlach, Bachl, Bergfeld, Berghäuser, Berghof, Birgacker, Birketäcker, Birket, Birkhof, Bäbra, Bremersboch, Buachet, Buachetberg, Buachetwies, Burgerin, Ebm, Ebmanger, Ebmberg, Ebmgassn, Eckhütt, Eichbühl, Oaberg, Oabergheisl, Ejsnanger, Faßlehn, Färstahaus, Fuchsberg, Genshirn, Giglberg, Gmoabühl, Grom, Gruab, Gruabhof, Hammet, Happtmosgruab, Hilling, Hochstraß, Hofstettn, Hochzipfl, Heslboch, Hundsruck, Innerirlach, Innastettn, Irlach, Irlhof, Jagerhaus, Gloabäbra, Koistod, Ketterlberg, Koipoint, Krackl, Kracklwies, Kreidadt, Krin, Leithn, Luckaswies, Luahof, Martinsgruab, Mädanberg, Oberkager, Oberkanetsberg, Ödlehn, Pitzen, Pommasberg, Rebling, Rindberg, Rieth, Scheiblacker, Schloßtanet, Schneiderheisl, Schneidaiad, Schocha, Scheepoint, Schrimpfhof, Sendbühl, Sölden, Staudachberg, Stoabühl, Straßermühl, Suizbach, Thannberg, Tradelsöhren, Unterkager, Unterkanetsberg, Woidhaus, Weibing, Weiherhaus, Willersbach, Windsteig, Zaunstod, Zejberg.

Jäda grouße Tei hod wos bsundas: Vo Bernriad kimmt da Nam, in Egg stäht as Gmoahaus und in Ednstettn de Mehrzweckhalle.

Politik

In Bernriad is da easchte Buagamoasta da Stefan Achatz, der wos in da FWG is, de zwoata de Johanna Gegenfurtner (CSU) und da dritte da Wilhelm Haban vo da (SPD.

Religion

Wei in da Gmoa imma de katolischn de meran warn, san koa andene Konfessiona mit am oagna Godshaus do. De Kiach in Enstedn hoaßt St. Nikolaus, vo da Bernriada Kirch is de Padronin de Heilige Katharina. Fia eu zwoa Pfarrstein is da Pfarra Woina zuastände. De Zugroastn Luterischn kenna in da Nachbagmoa Mettn in Kicha ge. Andane, wia Judn oda Muslmana san a zwora drei do awa de kema woandas zum betn zamad.

Buidung

In Ednstettn und Bernriad hamma jeweils a Grundschui, de wos zamkherd. Wennma af a andere Schui gehd, muasd fia d'Hauptschui noch Mettn oda Deggndoaf geh. Fiad Realschui af Plalling oda wennsd a Weibaleid bist, kannsd a noch Deggndoaf af d' Maria-Ward geh. Oder afs Gymnasium, do hosd praktisch freie Auswoi: Mettn, oda zwoa in Deggndoaf, s Robert-Koch oda s' Comenius, aba aa Niedaoida.

Fuaßboi

In unsana Gmoa is da Fuaßboi ganz wos Bsundas: In Bernriad gibts nämli 3 Vareine: An SV Bernriad (grindt 1968), SV Edenstettn-Egg (1949) und an FC Edenstettn (1965). D'Bernriada spuin in da Bezirksliga West, De andan zwoa spuin in da Kreisklass. De Vorständ san: vo Bernriad da Brunna Woifgang, vom SV da Kress Max sen. und vom FC da Stiglmeier Woidta, a "Schaum" genannt. De Jugend werd bsondas gföadat: 2003 is nämlich de JFG Perlbachtal/Bernrieder Winkel grindt woan, olle drei Vareine san dabei beteiligt. Ab da D-Jugend spuid ma do. Da Vorstand vo da JFG is da Katzer Martin, der wos aa scho Jugendleita beim FC is.

Beleg

↑ Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).

Im Netz

Commons: Bernried – Sammlung vo Buidl, Videos und Audiodateien

Bernriad: Woppmgschicht vom Haus der Bayerischen Geschichte
Bernriad: Amtliche Statistik vom Bayerisches Landesamt für Statistik und Datenverarbeitung (LStDV)

Städd und Gmoana im Landkroas Deggndorf

[Metadaten_Einwohnerzahl_DE-BY-1] Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).

[1]