Cernobbio is a Stod mid 6771 Eihwohna (Stond: 31. Dezemba 2016) in da italienischnProvinz Como in da Region Lombardei. De umfosst foignde Fraktiona: Piazza Santo Stefano, Rovenna, Casnedo, Gentrino, Madrona, Mornello, Olzino, Stimianico, Toldino, San Giuseppe, Sant’Andrea, Garotto und de Beagortstei: Duello, Pievenello, Piazzola, Böcc, Scarone, Alpetto Gombee, Alvegia, Alpe Garzegallo.
Cernobbio liegt nohe vo da Grenz zua Schweiz (uma 5 km westli) an da Mindung vo da Breggia in an Lago di Como. De Stod Como liegt uma 5 km sidli. Im Joar 2005 is da Gmoa des Stodrecht zuagsprochn worn.
Lorenzo Perti (* 1624 in Rovenna, Ortstei vo da Gmoa Cernobbio; † 1692 in Minga), Architekt[13]
Giovanni Niccolò Perti (in da Regl ois Nicolò Perti aufgfiaht) (* 1656 in Rovenna; † 1718 in Neuburg an der Donau ?), Sohn vom Lorenzo, Stuckateur haptsächli tätig in Bayern.
Don Umberto Marmori (* 1885 in Ponna; † 18. Jenna 1945 in Cernobbio), im Mai 1910 zum Priesta gweiht, woara Vikar in Lenno vom Juni 1910 bis August 1921. Onschliaßnd woara bis 1933 Pforra vo Plesio, is 1934 Propst vo Cernobbio worn und hod vui Soidotn und Judn zum Grenziwatritt in de Schweiz vahoifn. Am 24. Jenna 1944 isa vo da SS vahoft und ins San-Vittore-Gefängnis noch Mailand brocht worn, aus dema am 27. Feba 1944 entlssn worn is. Im Mai 1944 isa ins Exij noch Bergamo gschickt worn. Am Obnd vom 16. Jenna 1945 isa noch Cernobbio zruckbrocht worn, schwea kronk und mid offnsichtlichn Onzeichn ealittna Foita, und is zwoa Dog späta am 18. Jenna 1945 gstorm.