Däiz

Der Artikl is im Dialekt Obaboarisch gschriem worn.

Däiz
Bad Tölz

Basisdatn

Bundesland:

Bayern

Regierungsbeziak:

Obabayern

Landkroas:

Landkroas Bad Däiz-Woifradshausn

Koordinatn:

Koordinaten: 47° 46′ N, 11° 33′ O 47° 46′ N, 11° 33′ O

Hechn:

658 m ü. NN

Flächn:

30,80 km²

Eihwohna:

18.475 (31. Dez.. 2015)

Dichtn:

600 Eiw. pro km²

Sonstige Datn

Postleitzoi :

83646 (oid: 8170)

Vorwoi:

08041

Kfz-Kennzeichn:

TÖL, WOR

Gmoaschlissl:

09 1 73 112

Stodgliedarung:

5 Ortstei

Adress vo da
Stodvawoitung:

Am Schloßplatz 1
83646 Däiz
Bad Tölz

Hoamseitn:

www.bad-toelz.de

Politik

Buagamoasta:

Josef Janker (CSU)

Däiz (amtli: Bad Tölz), aa Deiz oder Duiz is de Kreisstod vom Landkroas Bad Däiz-Woifradshausn in Obabayern.

D' geografische Log

Däiz liegt an da Isar am nerdlichn Rand vo de Oipn. Noch Minga sans fuchzg Kilometer, a's Tiroi eini is a it weida. Vo Däiz ko ma scho recht weit in Karwendl eini schaung.

Umadum gibt's

im Nordn: Kinschdarf, Sachsenkam, Dietramszäi, Geretsriad
im Ostn: Greiling, Reischbeirn, Waakirch
im Südn: Goaßa, Wackerschberg, Lengeriss
im Westn: Heilbrunn

Gschichtlichs

D' erschtn Siedlunga auf'm heitign Stodgebiet san an am wichtign Verkehrsknotnpunkt grindt worn. Zum oana san friara Warn vo Italien üba d'Oipn und dann mit de Flouß auf da Isar transportiert worn. De Süd-Nord-Verbindung is vo da Soiz-Straß kreizt worn. De is vom Soizburgarischn im Ostn zum Bodnsee im Westn ganga. Im Jor 1160 is Däiz 's erschte moi in ana Urkundn ois Tolnze erwähnt worn. Spader is a ois Tolenz in'd Biacha eiganga. 1331 is'm Ort 's Marktrecht valiehn worn. 1845 san Jodquelln vom Jau'nbaurn entdeckt worn, des is da Ofang vom Kurbetrieb gwen. 1899 hod Däiz dann den Titl Bad kriagt. Seid 1906 hod da Ort as Stodrecht.

Wofia Däiz berühmt is

Wenns'd heid jemand vo Däiz was vazäihst, dann kriagst meistns zum hean:

~~"Da ist doch das Alpamare"~~
"Das kenne ich aus dem Fernsehen vom 'Bullen von Tölz'"

's Alpamare is a groß Erlebnis-Bad mit Rutsch'n und so am Zeig gwen. Da 'Bulle von Tölz' is a Krimi-Serie mit'm Ottfried Fischer.

A recht groß jährlichs Ereignis is Lehards (Leharti).

A wichtige Sehnswiadigkeit is d' Marktstraß mit ihre aufwendig gmoina Fassaden. Des nennd si Lüftlmalerei. Des weidan d' Stadtpfarrkirch. Bei Touristn is a da Kalvarienberg zwecks da Aussicht, da Lenhardi-Kapein und d' Heilig-Kreuz-Kirch belibt. D' Heilig-Kreuz-Kirch kennt ma in Däiz einglich nur als Kalvarienberg-Kirch.

Da EC Bad Tölz is oana vo di äitastn Eishockey-Klubs im Land. Momentan spuin die Buam in da drittn Liga.

Städtpartnaschoftn

Mayrhofen (Tirol)
San Giuliano Terme (Toskana)
Vichy (Auvergne)
Wolfratshausen (Deutschland) seit 1961

Buidln

Buidl vo Däiz
D'Kiach aufm Kalvarienberg
D'Isar und d'Franziskana-Kiach
Blick vom Kalvarienberg
Blick iaba Däiz

Städt und Gmoana im Landkroas Bad Däiz-Woifradshausn