Yvelines | |
---|---|
Region | Île-de-France |
Prefektur | Versailles |
Untaprefektua(n) | Mantes-la-Jolie Rambouillet Saint-Germain-en-Laye |
Eihwohna | 1.441.398 (1. Jén. 2018) |
Dichtn | 631 Einw. pro km² |
Flächn | 2.284 km² |
Arrondissements | 4 |
Kantone | 21 |
Gmoana | 262 |
President vom Départementrod |
Pierre Bédier[1] |
ISO-3166-2-Code | FR-78 |
As Département Yvelines [iˈvlin] is's franzesische Département mid da Ordnungsnumma 78. Es liegd im westlichn Tei vo da Region Île-de-France im Großraum Paris und is noch'm friahan Nam van Woid vo Rambouillet bnennd.
As Département Yvelines grenzd: im Noadwestn ons Département Eure, im Noadn ons Département Val-d’Oise, im Ostn ons Département Hauts-de-Seine, im Sidostn ons Département Essonne und im Westn ons Département Eure-et-Loir.
Da Noadn van Département wead in westlicha Richtung vo da Seine duachflossn. Im Sidn liegd da Woid vo Rambouillet (Fôret de Rambouillet), dessn estlicha Tei in an Regionoin Naturpark de la Haute-Vallée de Chevreuse reichd.
Bschreibung: In Blau bsäde goidne Lilien und zwoa süwane Schrägwejnboikn.
Im Département Yvelines wean aa Megalitholong gfundn. Vo de einst 17 bezeigdn san no 8 eahoidn. Ba Épône san mindestns via identifiziad worn, drunta de Pierres de La Justice. De jungstoazeidlichn Kollektivgräba hom vaschiedne Foama de olle in Yvelines voakemma: Allée couverte, de Dolmen, as Hypogäum und Unikate wia de Allée sépulcrale vo Bonnières-sur-Seine. Je noch Gress vo da Olog, kenna se hundade vo Bstottunga sowia reichli Grobbeigom enthoidn, drunta gschliffne Äxte und Klinga aus Feiastoa, Keramik, Knochnweakzeige, Schiefaobjekte und Schmuck.
As Département is 1968 ba da Afteiung van Département Seine-et-Oise in drei kloanare Departements entstondn. De Oadnungsnumma 78 weichd vo da Oiphabetischn Reihnfoig ob, do Yvelines de Numma van afglesdn Département Seine-et-Oise iwatrong worn is.
Ogsichts vo ana Eihwohnazoih, de dea vo Minga entsprichd, und ana zan großn Teizammhängndn Siedlungsfläch is de kommunoie Struktua vo Yvelines stoak zaspliddad. De bevejkarungsreichsdn Gmoana van Département Yvelines san:
Stod | Eihwohna (2018) |
Arrondissement |
---|---|---|
Versailles | 85.205 | Versailles |
Sartrouville | 52.269 | Saint-Germain-en-Laye |
Mantes-la-Jolie | 44.227 | Mantes-la-Jolie |
Saint-Germain-en-Laye | 44.750 | Saint-Germain-en-Laye |
Poissy | 38.313 | Saint-Germain-en-Laye |
Conflans-Sainte-Honorine | 35.656 | Saint-Germain-en-Laye |
Montigny-le-Bretonneux | 32.575 | Versailles |
Houilles | 32.449 | Saint-Germain-en-Laye |
Plaisir | 31.013 | Versailles |
Les Mureaux | 32.949 | Mantes-la-Jolie |
As Département wead in foingdn Parlamente representiad:
Da Départementrod (conseil départemental) vo da Yvelines zehjd 42 Obgoadnete (conseillers départementaux).[2]
As Département Yvelines gliedad se in 4 Arrondissements, 21 Kantone und 262 Gmoana:
Arrondissement | Kantone | Gmoana | Eihwohna 1. Jenna 2018 |
Fläch km² |
Bevejkerungs- dichtn Einw./km² |
Code INSEE |
---|---|---|---|---|---|---|
Mantes-la-Jolie | 5 | 110 | 275.325 | – | – | 781 |
Rambouillet | 5 | 83 | 228.897 | 988,74 | 232 | 782 |
Saint-Germain-en-Laye | 10 | 45 | 521.230 | 351,98 | 1.481 | 783 |
Versailles | 9 | 24 | 415.946 | 186,22 | 2.234 | 784 |
Département Yvelines | 21 | 262 | 1.441.398 | 2.285,96 | 631 | 78 |
As Klima vo de Yvelines is a Mischung aus ozeanischn Eihfliss aus'm Westn sowia kontinentoin Eihfliss aus'm Ostn, dennoch obgschwechd duach de Eingeaweamung van Großraum Paris. Es is außadem ned seah feichd, mid nua om duachschniddlichn Joaresniedaschlogsweat vo 600 mm. De kräfting Westwinde schitzn de Yvelines rejativ guad voa Luftvaschmutzung aus Paris. Gwiddrige Long san haifig im Summa oz'treffn. Vo lokoin Obweichunga (Mikroklima) san voa oim de Gebiete on da Seine im Noadn und Sidn betroffn.
Yvelines is Stondort vo zoihreichn Weake vo da Autoindustrie (Citroën, Peugeot, Renault), da Luft- und Raumfoaht- sowia Ristungsindustrie und da chemischn und pharmazeutischn Industrie.
Koordinaten: 48° 48′ N, 2° 8′ O