Obertraubling

Obertraubling, oda wia ma duat sogt: "Owatraubling", is a Gmoa im Landkroas Rengschburg und liegt zwischn Rengschburg und Nei- sowia Niedatraubling an da Fuchzehna (B 15).

De Gmoa hod aa zwoa Gweabegebiete. Oans am Doafofong noch Buagweinting und oans untahoib vo de Gleis af'm Weg noch Neitraubling.

Wo is'n nachad des?

Log

De Gmoa liegt om sidlichn Stodrond vo Rengschburg. Duach de Gmoa fliaßt da Litzlboch (Litzelbach) wejcha in Oheio (Oberhinkofen) sprudlt.

Nochboan

Owatraubling hod a boa Nochboan: Kefring (Köfering), Niedatraubling (Niedertraubling), Bäisnkofa (Piesenkofen), Buagweinting (Burgweinting) und Neitraubling (Neutraubling).

Bis 31.12.1970} woar Niedatraubling no a eigne Gmoa, ob 1.1.1971 hod's nocha zu Owatraubling ghead. Am 1.1.1972 hom donn Gewekofa und Oheio aa mid dazua ghead. Am 1.1.1974 san de afglesdn Tei vo Neidoaf aa mid dazua kema.

Wos mou ma wissn ?

De Gmoa bsteht aus 15 separade Fleckn (de Eihwohna in Klomman):

Oadoi (28)
Embach (44)
Gewekofa (568)
Häinghof (23)
Königshäusl
Kumpfmäi
Moorackerhof
Niedatraubling (653)
Oheio (Oberhinkofen) (1049)
Owatraubling (4121)
Bäisnkofa (Piesenkofen) (686)
Rauschberg
Scharmassing (197)
Stockhof
Tenacker (11)

Städt und Gmoandn im Landkreis Rengschburg