The Fillmore is da Nam vo drei Musetheatan voum Konzeatvoanschdoita Bill Graham z Amerika gwen, s Fillmore East z New York City und s Fillmore West ois Nofoiga voum Fillmore Auditorium z San Francisco.
1965 hod da Bill Graham an Rock-Danzpalast mim Nam The Fillmore Auditorium z San Francisco, an da Greizung Fillmore Street/Geary Boulevard afgmochd. Im Fillmore Auditorium san, gnau wia im Avalon Ballroom und im Winterland, des aran Bill Graham kead hod, efda z San Francisco osessige Psychedelic Rock-Bands wia Grateful Dead, Jefferson Airplane und Quicksilver Messenger Service afdren gwen. 1968 is da Club umzong, owa de Reimlekeitn duat han untam Nam The Elite Club und in de 80a Joa nomoi ois Fillmore Auditorium, weida fia Konzeate gnuzd woan.
Weis mid de Owona Brobläme griagt hom und weis aa mid da Zeid zgloa woan is, is s Fillmore Auditorium im Jule 1968 in den emoiign Carousel Ballroom an da Market Street, am Eck South Van Ness Avenue zong und hod se no Fillmore West gruafa.
Am 4. Juli 1971 hods duat des lezde Konzeat gem, mid oi Gruppm wia Santana und Creedence Clearwater Revival. Da Dichda Allen Ginsberg hod a Lesung koitn. 1972 isa Dokumentarfuim (Fillmore) iwa de lezdn Konzeate und a dreifach LP-Oibum The Last Days vaeffadlichd woan.
Am 8. Meaz 1968 hod da Bill Graham s Fillmore East am Eck 2nd Ave / East 6th Street im Stodbeziak Manhattan, z New York City afgmochd und des is boid ois „The Church of Rock and Roll“ gnennd woan.Wei de Kinstla und Bands owei mera Gasch fia ere Afdrid woitn, is`s an Bill Graham z bläd woan und ea hod zuagschbeat. Am 27.Juni 1971 s Fillmore East und no im sejm Joa s Fillmore West. S Fillmore East hod aa nimma afgmochd, duat gfind ma heid a Bank. [1]
Nom Doud voum Bill Graham 1991, hodma s Fillmore West saniad und 1994 untam Nam The Fillmore wida afgmochd. Heid is`s wida oans da bekanndasdn Konzeathoina z San Francisco.[2]
De domoige amerikanische Rock-Schickaria is iwa a bo Joa lang in de Fillmore Clubs afdren gwen, owara Jazz und Jazzrock is gschbuid woan. Da Graham hod de Gruppm reglmasse noanand z San Francisco und z New York buacht. Unta fui andan san foigande Bands afdren gwen:
The Allman Brothers Band, Frank Zappa, Derek and the Dominos, Cream, Ten Years After, Humble Pie, The Doors, Aretha Franklin, Jimi Hendrix, Procol Harum, Santana, Crosby, Stills, Nash & Young, Al Kooper und Mike Bloomfield, Country Joe and the Fish, Miles Davis, Johnny Winter, Muddy Waters, Albert King, Stevie Ray Vaughan, Tommy Castro, Don Ellis, H. P. Lovecraft, Charles Lloyd, The Byrds, Chuck Berry, The Who, Neil Young.