Ramīgala
 | |
 | |
| Žmuoniū skaitlios | 1 198 (1 sausė 2023, demograpėnis balansos)  |
|---|---|
| Geuograpėjė | |
| Prėgol pri | Paneviežė rajuons |
| Šalės | Lietova |
| Augštoms | 69 |
| Koordėnatės | 55.5111°N 24.3028°E |
| Pašta kods | LT-38031 |
 | |
Ramīgala (lietovėškā: Ramygala) īr Lietuvuos miests Paneviežė rajuonė, 24 km i pėitus nu Paneviežė. Pri kelė Paneviežīs-Kiedainē. Seniūnėjės cėntros. Stuov Šv. Juona Krikštītuoja bažninčė (pabūdavuota 1914 m.), veik gėmnazėjė (anuo istuorėjės muziejos), lėguonėnė, pašts, aptieka, suocēlėnės globuos nomā (nu 2006 m.). Miests isikūrės Opītės opės kairiajamė krontė.
Pri miesta rondas Ramīgalas vėinsiedis. Ramīgalas telmoluoginis draustėnis (346 ha).
Ramīgalas bažninčė ė gėmnazėjė - vėinė seniausiū bodīnku miestė, torontīs istuorėnė reikšmė.
Istuorėjė
[taisītė | taisītė straipsnė wiki teksta]Ramīgalas vards istuoriniūs šalteniūs bova mėnavuojams nu XIII omžiaus (kāp „Remigale“). Prīš 1492 m. (kėtās šaltenēs, 1431–1500 m.) pabūdavuota pėrmuojė bažninčė. Pats miestielis pamėnavuots 1503 m., 1525 m. mėnavuojams valsčios, vuo 1540 m. ė dvars.
1888 m. Ramīgaluo bova atėdarīta aptieka, 1895 metās – pašts. Nu XIX a. ontruosės posės ligė 1950 m. Ramīgala – valsčiaus cėntros, 1950–1962 m. bova rajuona cėntros. Miesta teisės Ramīgalā suteiktas 1957 m.
Iki tarībėnės melioracėjės Ramīgala sopa Liūnū, Pėkšruos, Uslajas ė Žarčiū pelkės ė dorpīnā.
Pavadėnėma kėlmie
[taisītė | taisītė straipsnė wiki teksta]Ramīgalas vards ėš pradiū, musintās, reiškė „ramos gals, ramė vėita“, kadongė anuos pavadėnėma sodaraa do sondo: ram- (nu ramos – „tīlos, be triukšma, jaukos“) ė -gala („krašts, pakraštīs, srėtės“). Mažiau tėkietėna versėjė, ka vėituovardis kėlės nu asmenvardė Ramīs, bo tuoks asmenvardis dabā neaptīnkams.
Miesta sėmbuolėka
[taisītė | taisītė straipsnė wiki teksta]Miesta gerba ė vielevas etaluonus sokūrė dailėninks Arvīds Každailis. Dieka sava oficēliū sėmbuoliu - gerba ė vielevas - Ramīgala bova prijėmta i Euruopas gondrū miestū asocijacėjė.
Gerbs
[taisītė | taisītė straipsnė wiki teksta]Ramīgalas gerbs bova patvirtints 2003 m. sausė 13 d. Prezidėnta dekreto. Gerba žaliamė fuonė īr vaizdoujams ont vėinuos kuojės stuovėntis gondros.
Vieleva
[taisītė | taisītė straipsnė wiki teksta]Vielevas žaliamė fuonė - gondros, katros stuov ont vėinuos kuojės. Kampūs ėšdiestītas pasagas. Vielevas kraštā apvestė rauduono apvalaus pjūvė apvado.
Žīmė žmuonis
[taisītė | taisītė straipsnė wiki teksta]Ramīgaluo gėmė dailėninks keramiks Mīkuols Vrubliauskis (1919-1998), artists Saulios Mikuolaitis (1966-2006).
