Francisco Tatad
Si Francisco "Kit" Sarmiento Tatad (namondag Oktubre 4, 1939) iyo sarong Filipinong parapahayag asin politiko na pinakabistado sa pagsirbe bilang an Ministro kan Pampublikong Impormasyon sa irarom ni Presidente Ferdinand Marcos poon 1969 sundo 1980, asin sa pagsirbe bilang sarong Senador kan Filipinas poon 1992 sundo 2001.
Sa enot na pagpili ki Tatad ni Marcos bilang Ministro kan Pampublikong Impormasyon kaidtong 1969, nagin siyang pinakajoven na miyembro kan gabinete ni Marcos. Durante sa saiyang termino bilang Ministro kan Pampublikong Impormasyon, pigheras noya an deklarasyon nin Ley Militar kaidtong Septembre 23, 1972, na pigbabasa an teksto sa ere sa 3:00 kan pagkahapon, limang oras bago si Marcos mismo mapasiring sa ere para ipaliwanag an saiyang desisyon para sa deklarasyon, sa 7:15 kan kaparehas na petsa.[1] Mientras minasirbe bilang kahilom sa gabinete, kasabay man siyang nagin kaapil kan Batasang Pambansa.
Bilang sarong Senador, nagsirbe siya bilang Senate Majority Floor Leader poon 1996 sundo 1998 asin liwat poon 2000 sundo 2001. Saro pang historikal na nangyari sa karera ni Tatad iyo uminabot kan 2001, kan siya nagin saro sa 11 senador na nagboto laban sa pagbuka kan envelope na pinagtutubudang may laog kan inkrimadong ebidensya laban sa kaidtong Presidente Joseph Ejercito Estrada, na dagos nagpasiring sa Rebolusyon nin EDSA kaidtong 2001.[2]
Mga panluwas na takod
[baguhon | baguhon an source]- Listahan kan mga dating Senador
- First Things First (Blog)
- Kit Tatad - Bills Enacted into Law
- Panindog: Francisco “KIT” Sarmiento Tatad
Toltolan
[baguhon | baguhon an source]- ↑ "Declaration of Martial Law". Official Gazette of the Republic of the Philippines. Office of the President of the Philippines. Archived from the original on 2017-07-08. Retrieved 2013-04-01.
- ↑ Danao, Efren (January 23, 2001). "Oreta, Tatad in anguish". The Philippine Star. Retrieved 2013-04-01.
