Vaclav Havel
Si Václav Havel (pakasayod sa Tseko: [ˈvaːtslaf ˈɦavɛl] ((Oktobre 5, 1936 – Desyembre 18, 2011) sarong pulitiko, parasurat nin mga saysay, kompositor nin mga drama asin dula. Siya an ika-10 asin ultimong presidente kan Tsekoslobakya (1989-92) y siya man an enot na presidente kan Tsekya ((1993–2003). Nagtokda' siya nin sobra sa duwang polong piyesa sa teatro asin dakul na mga non-piksyon na mga tokda', na pinagpalis sa iba-ibang tataramon na. Siya nagkamit kan US Presidential Medal of Freedom, kan Philadelphia Liberty Medal, kan Order of Canada, asin kan Ambassador of Conscience Award. Nabotohan man siyang ika-4 sa pangkinaban na pirilian na pinag'amaaan kan Prospect Magazine sa paghanap kun sairisay an 100 na mga intelekwal. Siya saro sa kagtogdas asin nagpirma sa Prague Declaration on European Conscience and Communism.
Kan mga taon 1940, siya nagpoon nang makilabot sa pulitika kan saiyang nasyon na Tsekoslobakya. Kan 1977, an saiyang pagka'rapot sa Manifesto sa Katanosan Pangtawo na inapod Charter 77 nagtao saiya nin kabantogan sa bilog na kinaban asin binisto siyang nangengenot na oposisyon sa saiyang nasyon. Nin huli man kaini, siya nabilanggo. An inapod na "Velvet Revolution" kan taon 1989 iyo an nagin dalan na siya magin presidente. Sa saiyang administrasyon, an Tsekskolobakya asin asta ini nagin Tseko Republika, nag'agi sa grabeng paghihira asin sa multi-partidong demokrasya. Sa kagtolong (13) taon niya sa katongdan, an saiyang nasyon nagsapo' nin grabeng pagsasangle mala ta ini nabaak asin sa pagkakatipak kaini, an Slovakia namundag bilang bagong nasyon. An pangyaring ini kuta saiyang pinagkontra. Sa administrasyon niya, an Tseko Republika nagin kaapil sa Boronyog na mga Banwaan (UN) asin napoonan an mga negosasyon sa pagmyembro kan saiyang Republika sa Kabonyogan nin Europa (EU), na nakamit man giraray kan 2004.
.jpg)
