Ворная зямля

Во́рная зямля́ — сельскагаспадарчыя ўгодзьдзі, якія сыстэматычна апрацоўваюцца і выкарыстоўваюцца пад пасевы сельскагаспадарчых культур. Да ворных зямель належаць палі севазвароту (у тым ліку папары), агароды, асвоеныя і падрыхтаваныя для пасеву землі.

На 1 студзеня 2013 году ў Беларусі налічвалася 5521,6 тыс. гектараў ворнай зямлі, што складае 62,6 % ад плошчы ўсіх сельскагаспадарчых зямель, у тым ліку 651,6 тыс. гектараў у асабістым карыстаньні грамадзян.^[1][2]

Агульная плошча ворнай зямлі ўва ўсім сьвеце складае амаль 1,4 млрд гектараў (2011)^[3] з агульнай плошчы 4,9 млрд гектараў (2011)^[3] зямель, што выкарыстоўваюцца ў сельскай гаспадарцы.

Глядзіце таксама

• Ворыва
• Ральля

Крыніцы

1. Сельское хозяйство (рас.) (pdf) Статыстыка для школьнікаў. Нацыянальны статыстычны камітэт Рэспублікі Беларусь. Праверана 22 траўня 2014 г.
2. Статистический сборник «Сельское хозяйство Республики Беларусь» (рас.) (rar). Нацыянальны статыстычны камітэт Рэспублікі Беларусь. Праверана 22 траўня 2014 г.
3. ^ Карыстаньне зямлёй (анг.) FAOSTAT. Арганізацыя Аб’яднаных Нацыяў па пытаньнях харчаваньня і сельскай гаспадаркі. Праверана 22 траўня 2014 г.

Літаратура

• Энцыклапедыя прыроды Беларусі: у 5 т. Т. 1: Ааліты ― Гасцінец / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 574 с.: іл. С. 489.