Вітольд Пілецкі

Вітольд Пілецкі Witold Pilecki
13 траўня 1901 — 25 траўня 1948
Мянушка	Раман Язерскі Тамаш Сэрафінскі Друг Вітольд
Месца нараджэньня	Алонец, Расейская імпэрыя
Месца сьмерці	Варшава, Польшча
Прыналежнасьць	Армія Краёва
Род войскаў	кавалерыя Другой Польскай Рэспублікі^[d], Secret Polish Army^[d] і Армія Краёва
Званьне	малодшы лейтэнант^[d], лейтэнант, ротмістар і палкоўнік[1]
Бітвы/войны	Першая сусьветная вайна Польска-савецкая вайна Другая сусьветная вайна
Узнагароды
Вітольд Пілецкі ў Вікісховішчы

Віто́льд Піле́цкі (па-польску: Witold Pilecki; 13 траўня 1901, Алонец, Карэлія, Расейская імпэрыя — 25 траўня 1948, Варшава, Польшча; мянушкі Раман Язерскі, Тамаш Сэрафінскі, Друг, Вітольд) — жаўнер Другой Польскай рэспублікі, заснавальнік падпольнае арміі супраціву, вайсковец Арміі Краёвай.

Дзеля таго, каб атрымаць зьвесткі пра злачынствы нацыстаў, пагадзіўся на ўвязьненьне ў канцлягеры Асьвенцім. Падчас перабываньня ў канцлягеры арганізаваў рух супраціву, а ў 1943 року ўцёк. Аўтар першага выведніцкага данясеньня па Асьвенціме, дзякуючы якому Польскі ўрад у выгнаньні здолеў пераканаць хаўрусьнікаў пра факты Галакосту. Прыняў удзел у Варшаўскім паўстаньні.

Па вайне застаўся верным ураду ў Лёндане і ў 1948 року быў расстраляны сталінскай сакрэтнай службай бясьпекі па абвінавачаньні ў працы на «замежны імпэрыялізм», пад якім меркавана падразумявалася брытанская выведка МІ6^[2].

Да 1989 року зьвесткі пра ягоны лёс і ўчынкі замоўчваліся польскімі камуністычнымі ўладамі^[2][3].

Крыніцы і заўвагі

1. https://www.1944.pl/powstancze-biogramy/witold-pilecki,34694.html
2. ^ Tchorek, Kamil. Double life of Witold Pilecki, the Auschwitz volunteer who uncovered Holocaust secrets // The Times : газэта. — London: 12 сакавіка 2009.
3. Piekarski, Konstanty R. Escaping Hell: The Story of a Polish Underground Officer in Auschwitz and Buchenwald. — Dundurn Press Ltd., 1990. — С. 249. — ISBN 1-55002-071-4

Вонкавыя спасылкі

• Жыцьцяпіс Вітольда Пілецкага (пол.)
• Рапарт Вітольда Пілецкага (анг.)