Джо Гарт
| Джо Гарт | ||
| ||
| Пэрсанальная інфармацыя | ||
|---|---|---|
| Нарадзіўся | 19 красавіка 1987[1][2][3] (37 гадоў) | |
| Рост | 196 см | |
| Вага | 91 кг | |
| Пазыцыя | брамнік | |
| Клюбы | ||
| Гады | Клюб | Гульні (галы)¹ |
| 2003—2006 2006—2007 2007 2007—2016 2009—2010 2016—2018 2017—2018 2018—2020 2020—2021 2021—2024 |
Шрусбэры Таўн Манчэстэр Сіці Транмэр Ровэрз Блэкпул → Бірмінггэм Сіці (арэнда) Тарына → Ўэст Гэм Юнайтэд (арэнда) Бэрнлі Тотэнгэм Готспур Сэлтык |
52 (0) 27 (0) 6 (0) 5 (0) 36 (0) 36 (0) 19 (0) 19 (0) 0 (0) 109 (0) |
| Зборныя | ||
| 2008—2017 | Ангельшчына | 75 (0) |
Чарлз Джозэф Джон «Джо» Гарт (па-ангельску: Charles Joseph John «Joe» Hart; нарадзіўся 19 красавіка 1987 году, Шрусбэры, Ангельшчына) — колішні ангельскі футбольны брамнік. У складзе нацыянальнай зборнай Ангельшчыны правёў больш за 70 матчаў. Зьявіўшыся ў складзе зборнай у верасьні 2010 году, Гарт доўгіч час зважаўся першым брамнікам Ангельшчыны[4]. Гарт быў намінаваны на ПФА Малады гулец году ў 2010 годзе, але прайграў Джэймзу Мілнэру, але быў прызнаны найлепшым брамнікам Прэм’ер-Лігі сэзону 2009—2010 гадоў у знак прызнаньня ягонага выступу за «Бірмінггэм Сіці».
Клюбная кар’ера
[рэдагаваць | рэдагаваць крыніцу]«Шрусбэры Таўн»
[рэдагаваць | рэдагаваць крыніцу]Яшчэ навучаючыся ў школе Джо далучыўся да першай каманды свайго роднага клюбу, «Шрусбэры Таўн». 1 лютага 2003 году ён быў заяўлены на матч супраць «Эксэтэр Сіці», але на поле не зьявіўся. На наступны год клюбы вылецеў у Канфэрэнцыю й толькі тады Гарт дэбютаваў у складзе клюбу 20 красавіка 2004 году, на наступны дзень пасьля свайго 17-годзьдзя. З пачатку сэзону 2005—2006 гадоў малады брамнік стала артымаў месца ў асноўным складзе клюбу.
«Манчэстэр Сіці»
[рэдагаваць | рэдагаваць крыніцу]Падчас таго, як Джо рыхтаваўся да гульні юнацкай зборнай Ангельшчыны ў Бэльгіі, было абвешчана, што ягоны пераход у «Манчэстэр Сіці» быў завершаны[5]. Першапачаткова было паведамлена, што «Сіці» заплаціць за Гарта спачатку 600 тысяч фунтаў і гэтая сума можа павялічыцца да 1,5 млн фунтаў, але гэтыя ўмовы не былі публічна раскрытымі[6]. Свой першы матч за клюб гулец правёў 14 кастрычніка 2006 году пасьля таго, як з-за пашкоджаньняў да гульні супраць «Шэфілд Юнайтэд» ня здолелі падрыхавацца Андрэас Ісаксан і Нікі Ўівэр. Джо ў гэтым супрацьстаяньні не прапусьціў ніводнага мячу.
Пасьля некаторы час брамнік правёў у арэндах у клюбах «Транмэр Ровэрз», «Блэкпул» і «Бірмінггэм Сіці», у апошнім зь якіх правёў фантастычны сэзон 2009—2010 гадоў, пасьля чаго быў вернуты ў клюб. Пасьля гэтага Джо стаўся асноўным брамнікам манчэстэрскага клюбу, разам зь якім стаўся пераможцам чэмпіянату Ангельшчыны 2012 году.
Міжнарожная кар’ера
[рэдагаваць | рэдагаваць крыніцу]Зьяўляючыся асноўным брамнікам моладзевай зборнай Ангельшчыны Гарт у 2008 годзе быў запрошаны Фабіё Капэльлё ў нацыянальную каманду на таварыскія гульні супраць зборных ЗША й Трынідаду і Табага. Правёўшы ўвесь матч супраць зборнай ЗША на лаўцы, у наступнай гульні Джо выйшаў на поле на другі тайм замест Дэйвіда Джэймза. У 2010 годзе разам са зборнай браў удзел у чэмпіянаце сьвету, а ў 2012 годзе на чэмпіянаце Эўропы ўжо быў асноўным брамнікам сваёй нацыянальнай каманды.
Дасягненьні
[рэдагаваць | рэдагаваць крыніцу]«Манчэстэр Сіці»:
- Чэмпіён Ангельшчыны: 2012, 2014
- Уладальнік Кубка Ангельшчыны: 2011
- Уладальнік Кубка футбольнай лігі: 2014
- Уладальнік Супэркубка Ангельшчыны: 2012
«Сэлтык»:
- Чэмпіён Шатляндыі: 2022, 2023, 2024
- Уладальнік Кубка Шатляндыі: 2023, 2024
- Уладальнік Кубка шатляндзкай лігі: 2022, 2023
Крыніцы
[рэдагаваць | рэдагаваць крыніцу]- ^ а б в Joe Hart // Transfermarkt (мн.) — 2000.
- ^ а б в JOE HART // Argentine Soccer Database (гішп.)
- ^ а б в Joe Hart // As (гішп.) — Madrid: PRISA, 1967. — ISSN 1888-6671
- ^ Jeremy Wilson (13 May 2011). «Manchester City keeper Joe Hart could be England’s most capped player ever, says David James». Daily Telegraph
- ^ Goalkeeper Hart to join Man City. BBC Sport.
- ^ Man City complete Hart signature. BBC Sport.