Джын Гэкман
Джын Гэ́кман (па-ангельску: Gene Hackman; 30 студзеня 1930 году) — былы амэрыканскі актор, пісьменьнік і марскі пяхотнік ЗША. За часам сваёй кар’еры, якая доўжылася больш за шэсць дзесяцігодзьдзяў, Гэкман атрымаў дзьве прэміі Оскар, чатыры Залатыя Глёбусы, адну прэмію Гільдыі кінаактораў і дзьве прэміі BAFTA.
Першы і адзіны Оскар як найлепшы актор Гэкман атрымаў дзякуючы выкананьню ролі Джымі «Папая» Дойля ў трылеры 1971 году «Францускі сувязны» (1971). Оскар як найлепшы актор другога пляну выканаўца атрымаў дзякуючы ўдзелу ў вэстэрн-фільме Клінта Істўуда «Непрабачаны» (1992). Іншымі значнымі ролямі Гэкмана былі ролі ў такіх праектах, як то «Прыгоды Пасэйдона» (1972), «Размова» (1974), «Французскі сувязны 2» (1975), «Мост занадта далёка» (1977), «Супэрмэн» (1978), «Баскетбольная дружына з Індыяны» (1986), «Няма выйсьця» (1987), «Бэт-21» (1988), «Фірма» (1993), «Хуткі і мёртвы» (1995), «Знайсьці карантыша» (1995), «Барвовы прыплыў» (1995), «Вораг дзяржавы» (1998), «Мураш Анц» (1998), «Дублёры» (2000), «У тыле ворага» (2001), «Сямейка Тэнэнбаўм» (2001) і «Вітаем у Муспарце» (2004), які стаўся апошнім фільмам актора.
Крыніцы
[рэдагаваць | рэдагаваць крыніцу]- ^ Gene Hackman // GeneaStar
- ^ Gene Hackman // Proleksis enciklopedija, Opća i nacionalna enciklopedija (харв.) — 2009.
Вонкавыя спасылкі
[рэдагаваць | рэдагаваць крыніцу]- Джын Гэкман (анг.) на сайце IMDb