Жуан Пэдру Гансалвіш Алмэйда

Жуан Пэдру Гансалвіш Алмэйда
Агульная інфармацыя
Дата нараджэньня 5 жніўня 1998(1998-08-05)[1] (26 гадоў)
Месца нараджэньня
Краіна
Рост 178 см
Вага 63 кг
Спартовая інфармацыя
Клюб Рэд Бул — Бора — Гансгроэ
Спэцыялізацыя унівэрсал
Прафэсійныя клюбы
2017
2018—2019
2020—2021
2022— 		Уні Эўра Трэвіджані — Гэмус-1896
Гэйгенз Бэрман Аксэон
Дэкёнінк Кўік-Стэп
ААЭ Эмірэйтс

Жуа́н Пэ́дру Ганса́лвіш Алмэ́йда (па-партугальску: João Pedro Gonçalves Almeida; нарадзіўся 5 жніўня 1998 году) — партугальскі шасэйны раварыст, які выступае за каманду «ААЭ Эмірэйтс».

Кар’ера

[рэдагаваць | рэдагаваць крыніцу]
Алмэйда на Джыра д’Італіі 2021 году.

У жніўні 2019 году Алмэйда, які тады выступаў у складзе клюбу «Гэйгенз Бэрман Аксэон», склаў двухгадовы кантракт з камандай «Дэкёнінк Кўік-Стэп»[2]. У 2020 годзе пасьля таго, як спартовец заняў другі радок на Джыра дэль’Эміліі, ён быў улучаны ў склад каманды на Джыра д’Італію[3]. Ён апранаў ружовую кашулю лідэра Джыра цягам 15 дзён запар, ад 4 да 18 этапу, што было найдаўжэйшай сэрыяй у гісторыі для гоначніка ў веку да 23 гадоў. У канчатковым выніку ён заняў чацьвертае месца ў агульнай клясыфікацыі, што стала рэкордам для партугальскіх раварыстаў. У першай палове 2021 году падоўжыў кантракт з клюбам[4], а потым браў удзел у Джыра д’Італіі 2021 году, дзе першыя два тыдні дапамагаў свайму аднаклюбніку Рэмку Эвэнэпулю. На апошніх шасьці этапах раварыст усьцяж трапляў у першую дзясятку, у выніку чаго фінішаваў на шостым радку ў генэральнай клясыфікацыі.

У чэрвені Алмэйда стаў чэмпіёнам Партугаліі ў гонках на час як элітны гоначнік. Пазьней браў удзел у чэмпіянаце Эўропы на шашы і летніх Алімпійскіх гульнях. У жніўні партугалец склаў пяцігадовы кантракт з камандай «ААЭ Эмірэйтс», паводле якога з 2022 году мусіў пачаць спаборнічаць за каманду з Арабійскага паўвострава[5]. Увосень стаў пераможцам Туру Польшчы і Туру Люксэмбургу. У 2022 годзе ўжо ў складзе «ААЭ Эмірэйтс» браў удзел у Джыра д’Італіі 2022 году, але праз станоўчае тэставаньне на каранавірус быў вымушаны зьняцца з турніру[6]. У чэрвені Алмэйда выйграў нацыянальны чэмпіянат Партугаліі па шашэйных гонках і заняў трэці радок у гонцы на час[7]. У верасьні быў пятым у агульным заліку Вуэльты Гішпаніі.

У 2023 годзе спартовец быў трэцім у агульным заліку Джыры д’Італіі, паўтарыўшы посьпех іншага партугальца Жаакіма Агустыньню, які таксама быў трэцім на подыюме турніру 1979 году[8]. Як і годам раней Алмэйда стаў нацыянальным чэмпіёнам Партугаліі ў гонцы на час. У тым жа годзе быў дзявятых на Вуэльце Гішпаніі. Улетку 2024 году дэбютаваў на Тур дэ Франс, дзе фінішаваў на чацьвертым радку генэральнай клясыфікацыі.

Крыніцы

[рэдагаваць | рэдагаваць крыніцу]
  1. ^ Joao Pedro GONÇALVES ALMEIDA // https://www.uci.org/rider-details/107840
  2. ^ «João Almeida steps up to the World Tour with Deceuninck – Quick-Step». Quick-Step Alpha Vinyl team.
  3. ^ «103rd Giro d’Italia: Startlist». ProCyclingStats.
  4. ^ «Sam Bennett and Joao Almeida to leave Deceuninck-QuickStep after 2021 — 'I don't have as much money'». Eurosport.
  5. ^ «Joao Almeida signs five-year deal at UAE Team Emirates». CyclingNews.
  6. ^ «João Almeida: I’ve got unfinished business with the Giro d’Italia». CyclingNews.
  7. ^ «João Almeida becomes new Portuguese national champion». Cycling up to date.
  8. ^ «Giro d’Italia ticker: Almeida relishes career-best third on GC, Lefevere blasts mountain TT». Velo Outside.

Вонкавыя спасылкі

[рэдагаваць | рэдагаваць крыніцу]