Жуль Кундэ

Жуль Кундэ
Пэрсанальная інфармацыя
Нарадзіўся	12 лістапада 1998(1998-11-12)[1][2] (26 гадоў) XIV акруга Парыжу^[d], Парыж[3]
Рост	180 см
Вага	70 кг
Пазыцыя	абаронца
Клюбная інфармацыя
Клюб	Барсэлёна
Нумар	23
Клюбы
Гады	Клюб	Гульні (галы)¹
2016—2017 2017—2019 2019—2022 2022—	Бардо 2 Бардо Сэвільля Барсэлёна	15 (1) 55 (2) 95 (5) 78 (3)
Зборныя
2021—	Францыя	40 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 23 лістапада 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 17 лістапада 2024.

Жуль Кундэ́ (па-француску: Jules Koundé); нар. 12 лістапада 1998 году) — францускі футбаліст, цэнтральны і правы абаронца гішпанскага клюбу «Барсэлёна» і нацыянальнай зборнай Францыі.

Кар’ера

Клюбная

Кундэ ў кашулі «Бардо».

Не зважаючы на тое, што абаронца нарадзіўся ў Парыжы, Кундэ дэбютаваў у прафэсійным футболе 7 студзеня 2018 году ў складзе клюбу «Бардо» ў матчы 1/32 фіналу Кубка Францыі супраць «Гранвілю», адгуляўшы ўсе 90 хвілінаў асноўнага часу і ўсе 30 хвілінаў дадатковага часу. У Лізе 1 футбаліст запачаткаваў выступы за «Бардо» 13 студзеня 2018 году ў выязной гульні супраць «Труа», якая скончылася перамогай каманды Кундэ зь лікам 1:0^[4]. 10 лютага 2018 году Кундэ забіў першы гол у матчы Лігі 1, які дапамог здабыць хатнюю перамогу над «Ам’енам» зь лікам 3:2.

3 ліпеня 2019 году абаронца падпісаў кантракт з гішпанскім клюбам «Сэвільля». У выніку пірэнэйскі клюб выплаціў «Бардо» 25 мільёнаў эўра^[5]. У сваім першым сэзоне ў «Сэвільлі» ён дапамог клубу здабыць перамогу ў Лізе Эўропы ў рэкордны шосты раз і быў абраны ў сымбалічную зборную турніру^[6][7]. 29 ліпеня 2022 году «Барсэлёна» абвесьціла аб узгадненьні з «Сэвільляй» умоваў пераходу Кундэ ў каталёнскі клюб^[8]. Кундэ прапусьціў першы матч «Барсэлёны» ў Ля Лізе супраць «Раё Вальекана», паколькі клюб ня здолеў зарэгістраваць футбаліста, паколькі «Барсэлёна» перавысіла ліміт заробкаў у лізе^[9]. Толькі 26 жніўня абаронцы атрымаў мажлівасьць абараняць колеры клюбу^[10] і афіцыйна дэбютаваў за клюб праз два дні ў пераможным матчы супраць «Рэал Вальядаліду», які скончыў на Камп Ноў зь лікам 4:0^[11].

Міжнародная

18 траўня 2021 году галоўны трэнэр зборнай Францыі Дыд’е Дэшам ўключыў гульца ў заяўку на чэмпіянат Эўропы 2020 году^[12]. Кундэ дэбютаваў у складзе нацыянальнай каманды 2 чэрвеня 2021 году ў таварыскім матчы супраць зборнай Ўэйлзу, замяніўшы на другую палову сустрэчы Бэнжамэна Павара^[13].

Дасягненьні

«Сэвільля»:

• Пераможца Лігі Эўропы: 2020

«Барсэлёна»:

• Чэмпіён Гішпаніі: 2023
• Уладальнік Супэркубка Гішпаніі: 2023, 2025

Францыя:

• Пераможца Лігі нацыяў УЭФА: 2021

Крыніцы

1. ^ Jules Koundé // Transfermarkt (мн.) — 2000.
2. ^ JULES KOUNDE // Argentine Soccer Database (гішп.)
3. ^ https://www.footballdatabase.eu/fr/joueur/details/282291-jules-kounde
4. «ESTAC Troyes / Girondins de Bordeaux». Ligue de Football Professionnel.
5. «Sevilla break club record». Football España.
6. «Sevilla 3–2 Inter Milan: Sevilla edge five-goal thriller for sixth Europa League crown». Sky Sports.
7. «UEFA Europa League Squad of the Season». UEFA.
8. «FC Barcelona and Sevilla FC reach agreement on Jules Kounde transfer». FC Barcelona.
9. «Jules Kounde not registered to play in Barcelona’s La Liga opener against Rayo Vallecano». Sky Sports.
10. «Barcelona register Jules Kounde». The Athletic.
11. «Jules Kounde makes official debut». FC Barcelona.
12. «La liste des vingt-six Bleus». Fédération Française de Football.
13. «France v Wales game report». ESPN.

Вонкавыя спасылкі

• Профіль (анг.) на Transfermarkt
• Профіль (анг.) на Soccerway
• Профіль (анг.) на Worldfootball