Карльскруна

	Карльскруна
	швэдз. Karlskrona
	; Царква Фрэдрыксчуркан у цэнтры Карльскруны
Герб Карльскруны
Дата заснаваньня:	1680
Краіна:	Швэцыя
Лэн:	Блекінге
Плошча:	21,72 км²
Вышыня:	16 м н. у. м.
Насельніцтва (2015)
колькасьць:	36 477 чал.
шчыльнасьць:	1679,42 чал./км²
Часавы пас:	UTC+1
летні час:	UTC+2
Тэлефонны код:	0455
Паштовы індэкс:	371 xx
Геаграфічныя каардынаты:	56°11′31.956″ пн. ш. 15°37′51.031″ у. д. / 56.19221° пн. ш. 15.63084194° у. д.Каардынаты: 56°11′31.956″ пн. ш. 15°37′51.031″ у. д. / 56.19221° пн. ш. 15.63084194° у. д.
	Карльскруна на мапе Швэцыі Карльскруна
	Галерэя здымкаў у Вікісховішчы
	http://www.karlskrona.se/

Карльскруна (па-швэдзку: Karlskrona) — горад на поўдні Швэцыі, адміністрацыйны цэнтар лэну Блекінге і цэнтар камуны Карльскруна. Закладзены Карлам XI як галоўная (а цяпер і адзіная) база швэдзкага флёту на 33 выспах ля берагу Балтыйскага мора. Назва ў перакладзе азначае «карона Карла». Насельніцтва — 36 477 жыхароў (на 31 сьнежня 2015). У 1998 годзе Марскі порт Карльскруны быў уключаны ў Сьпіс сусьветнай спадчыны ЮНЭСКО.

Гісторыя

У XVII стагодзьдзі выспа Трусё, на якой пазьней была пабудавана Карльскруна, належыла сяляніну Вітусу Андэрсану. За некалькі кілямэтраў адтуль — на мацярыку — існаваў данскі горад Лю́ка, пакуль у 1658 годзе Блекінге не адыйшоў да Швэцыі. У 1679 годзе Вітус Андэрсан быў вымушаны прадаць свае ўладаньні швэдзкай кароне, і там пачалося будаўніцтва марской базы. Ужо 10 жніўня 1680 году Карльскруна атрымлівае гарадзкі прывілей. У 1682 годзе былі пабудаваныя масты, якія злучалі выспу з мацерыком. У 1685 годзе была пабудавана Адміралтэйская царква. У 1683 годзе арзітэктары Эрык Дальбэрг, Ганс Вахтмайстэр і Карл Магнус Сьцюарт распрацавалі першы плян гораду — марской фартэцыі. Але ў 1694 годзе Эрык Дальбэрг дапрацаваў гэты плян, у якім цяпер было месца і для гарадзкой забудовы. Ужо ў хуткім часе Карльскруна становіцца трэцім найбуйнейшым горадам тагачаснай Швэцыі, пасьля Рыгі й Стакгольму. Існавалі нават пляны перанесьці сталіцу з Стакгольму ў Карльскруну, аб чым сьведчыць забудова цэнтральнай часткі гораду. Але на працягу XVIII стагодзьдзя горад пабачыў адразу некалькі эпідэміяў чумы, і насельніцтва гораду істотна паменшылася. Акрамя таго, Швэцыя страчвае статус Вялікай дзяржавы, і Карльскруна хай і застаецца галоўнай марской базай краіны, ужо ня мае былой велічы, як напачатку сваёй гісторыі. XIX стагодзьдзе становіцца стагодзьдзем застою, і толькі на яго прыканцы, з прыходам чыгункі і пачаткам прамысловага разьвіцьця, горад зноў пачынае адраджацца. Пасьля камунальнай рэформы 1971 году Карльскруна становіцца цэнтрам аднайменнай камуны.

Славутасьці

Галерэя

У цэнтры Карльскруны
Дротнінгшэрская фартэцыя — частка ўмацаваньняў ваеннамарскога порту канца XVII ст.
Вежа Godnatt (даслоўна Дабранач; 1857—1863)
Адміралтэйская царква
Царква Тройцы
Музэй лэну Блекінге
Боцман Русэнбум

Вонкавыя спасылкі

Карльскруна — сховішча мультымэдыйных матэрыялаў