Лісандра Мартынэс

Лісандра Мартынэс
Пэрсанальная інфармацыя
Нарадзіўся	18 студзеня 1998(1998-01-18)[1][2] (27 гадоў) Гуалегуай^[d], правінцыя Энтрэ-Рыас^[d], Аргентына
Рост	175 см
Вага	77 кг
Пазыцыя	абаронца
Клюбная інфармацыя
Клюб	Манчэстэр Юнайтэд
Нумар	6
Клюбы
Гады	Клюб	Гульні (галы)¹
2017—2018 2017—2018 2018—2019 2019—2022 2022—	Ньюэлз Олд Бойз → Дэфэнса і Хустысія (арэнда) Дэфэнса і Хустысія Аякс Манчэстэр Юнайтэд	0 (0) 21 (1) 25 (2) 74 (6) 48 (1)
Зборныя
2019—	Аргентына	26 (1)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 10 лістапада 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 16 кастрычніка 2024.

Ліса́ндра Марты́нэс (па-гішпанску: Lisandro Martínez); нар. 18 студзеня 1998 году) — аргентынскі футбаліст, абаронца ангельскага клюбу «Манчэстэр Юнайтэд» і нацыянальнай зборнай Аргентыны. Акрамя таго здольны выступіць на пазыцыях левага абаронцы і цэнтральнага паўабаронцы, дзе часам гуляў у складзе «Дэфэнсы і Хустысіі» і «Аякса».

Кар’ера

Клюбная

Выхаванец шэрагу аргентынскіх клюбаў, у тым ліку «Ньюэлз Олд Бойз». Дэбютаваў у складзе памянёнай каманды ў сэзоне 2016—2017 гадоў у матчы супраць «Гадой-Крус»^[3]. Аднак, хутка гулец спачатку на правах арэнды, а потым на паўнавартасны кантракт далучыўся да клюбу «Дэфэнса і Хустысія». Свой першы матч за новы клюб згуляў 13 кастрычніка ў матчы супраць «Сан-Лярэнса».

17 траўня 2019 году аргентынскі клюб паведаміў аб складаньні дамовы зь нідэрляндзкім «Аяксам» пры ўмове праходжаньня мэдычнага агляду^[4]. Эўрапейцы заплацілі аргентынцам 7 мільёнаў эўра за трансфэр абаронцы^[5]. 1 ліпеня футбаліст склаў чатырохгадовы кантракт з амстэрдамскім клюбам^[6]. Запачаткаваў кар’еру ў новым месцы матчам Супэркубка Нідэрляндаў супраць ПСВ. Ужо ў другім матчы Эрэдывізіі супраць «Эмэну» быў прызнаны найлепшым гульцом сустрэчы^[7]. Свой першы гол забіў 28 верасьня, дзякуючы чаму адкрыў лік у матчы супраць «Гронінгену». 16 ліпеня 2022 году было абвешчана, што «Манчэстэр Юнайтэд» выкупіў правы на гульца^[8]. 7 жніўня Мартынэс дэбютаваў у кашулі новага клюбу ў матчы Прэм’ер-лігі зь лікам 2:1 супраць «Брайтан энд Гоўв Альбіёну»^[9]. Ужо адразу па дэбюце быў абраны гульцом «Манчэстэр Юнайтэд» месяцу. Хутка стаў футбалістам асноўнага складу.

Міжнародная

Дэбютаваў у складзе нацыянальнай зборнай Аргентыны 22 сакавіка 2019 году ў матчы супраць зборнай Вэнэсуэлы^[10]. Пасьля да зборнай не выклікаўся, але быў уключаны ў заяўку на Кубак Амэрыкі 2021 году.

Дасягненьні

«Аякс»:

• Чэмпіён Нідэрляндаў: 2021, 2022
• Уладальнік Кубка Нідэрляндаў: 2021
• Уладальнік Супэркубка Нідэрляндаў: 2019

«Манчэстэр Юнайтэд»:

• Уладальнік Кубка Ангельшчыны: 2024
• Уладальнік Кубка футбольнай лігі: 2023

Аргентына:

• Чэмпіён сьвету: 2022
• Уладальнік Кубка Амэрыкі: 2021, 2024

Крыніцы

1. ^ Lisandro Martínez // Transfermarkt (мн.) — 2000.
2. ^ Lisandro Martínez // FBref (мн.)
3. «Newell’s se despide del torneo y de varios referentes». Redaccionrosario.
4. «Lisandro Martínez será transferido al Ajax de Holanda». Defensa y Justicia.
5. «Lisandro Martinez Analysis Can He Play in the Premier League?». CrossBar.
6. «Ajax verzekert zich van komst Argentijn Lisandro Martínez». AFC Ajax.
7. «NB: 'Waarom zou je Tadic niet als eerste spits zien?'». Ajax Showtime.
8. «Lisandro Martinez: Man Utd agree to sign Argentina centre-back from Ajax in £57m deal». BBC Sport.
9. «Manchester United 1–2 Brighton: Erik ten Hag suffers defeat in first Premier League game». BBC Sport.
10. «El elogio de Lisandro Martínez a Lionel Messi: „Es un líder nato“». TyC Sports

Вонкавыя спасылкі

• Профіль (анг.) на Transfermarkt
• Профіль (анг.) на Soccerway
• Профіль (анг.) на Worldfootball