Мусьнікі

Мусьнікі лац. Muśniki
лет. Musninkai
Агульны выгляд
Герб Мусьнікаў
Краіна:	Летува
Павет:	Віленскі
Раён:	Шырвінцкі
Вышыня:	107 м н. у. м.
Насельніцтва:	415 чал. (2011)
Часавы пас:	UTC+2
летні час:	UTC+3
Геаграфічныя каардынаты:	54°56′49″ пн. ш. 24°50′31″ у. д. / 54.94694° пн. ш. 24.84194° у. д. / 54.94694; 24.84194Каардынаты: 54°56′49″ пн. ш. 24°50′31″ у. д. / 54.94694° пн. ш. 24.84194° у. д. / 54.94694; 24.84194
Мусьнікі на мапе Летувы Мусьнікі
Галерэя здымкаў у Вікісховішчы

Мусьнікі (лет. Musninkai) — мястэчка ў Летуве, на рацэ Мусе. Цэнтар староства Шырвінцкага раёну Віленскага павету. Насельніцтва на 2011 год — 415 чалавек. Знаходзяцца за 13 км на паўднёвы ўсход ад Шырвінтаў.

Мусьнікі — мястэчка гістарычнай Віленшчыны. Да нашага часу тут захаваўся касьцёл Сьвятой Тройцы, помнік архітэктуры XIX стагодзьдзя.

Назва

Тапонім Мусьнікі ўтварыўся ад ракі Мусы^[1].

Варыянты назвы ў гістарычных крыніцах: Muschnyki (6 сьнежня 1522 году)^[2]; Мусники (1553 год)^[3].

Гісторыя

Мусьнікі, 7 верасьня 1915 г.

Вялікае Княства Літоўскае

Першы пісьмовы ўпамін пра Мусьнікі датуецца 1422 годам. У гэты час яны ўваходзілі ў склад Віленскага павету Віленскага ваяводзтва.

Каля 1522 году ў Мусьніках збудавалі касьцёл. У 1558—1566 гадох тут утварылася мястэчка^[4].

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Мусьнікі апынуліся ў складзе Расейскай імпэрыі, у Віленскім павеце Віленскай губэрні. У 2-й палове XIX ст. у мястэчку было 32 будынкі.

За часамі Першай сусьветнай вайны ў 1915 годзе Мусьнікі занялі войскі Нямецкай імпэрыі.

Найноўшы час

Па польска-летувіскіх баях і падпісаньні пагадненьня паміж міжваеннай Польскай Рэспублікай і Летувой у 1919 годзе Мусьнікі апынуліся ў складзе Летувы. За часамі Другой сусьветнай вайны з чэрвеня 1941 да 1944 году мястэчка знаходзілася пад акупацыяй Трэцяга Райху.

Насельніцтва

Дэмаграфія

• XIX стагодзьдзе: ~1885 год — 186 чал. (95 муж. і 91 жан.)^[5]
• XXI стагодзьдзе: 2011 год — 415 чал.

Турыстычная інфармацыя

Славутасьці

• Званіца
• Капліца прыдарожная
• Касьцёл Сьвятой Тройцы (1861)
• Сядзіба

Галерэя

• Краявіды Мусьнікаў
• 
  Касьцёл
• 
  Капліца прыдарожная
• 
  Званіца
• 
  Алея ў парку

Крыніцы

1. Vanagas A. Lietuvos miestų vardai (antrasis leidimas). — Vilnius: Mokslo ir enciklopedijų leidybos institutas, 2004. P. 205.
2. Rowell S. C. Acta primae visitationis diocesis vilnensis anno domini 1522 peractae. Vilniaus Kapitulos Archyvo Liber IIb atkūrimas. — Vilnius, 2015. P. 150—151.
3. Rowell S. C. Acta primae visitationis diocesis vilnensis anno domini 1522 peractae. Vilniaus Kapitulos Archyvo Liber IIb atkūrimas. — Vilnius, 2015. P. 166.
4. Alexandrowicz S. Geneza i rozwój sieci miasteczek Białorusi i Litwy do połowy XVII w. // Acta Baltico‑Slavica. T. 7, 1970. S. 98.
5. Krzywicki J. Muśniki // Słownik geograficzny... T. VI. — Warszawa, 1885. S. 814.

Вонкавыя спасылкі

• Мусьнікі, Radzima.org