Павал Люцько

Павал Люцько
Пэрсанальная інфармацыя
Нарадзіўся 1 ліпеня 1987(1987-07-01)[1] (37 гадоў)
Рост 179 см
Вага 72 кг
Пазыцыя абаронца
Клюбы
Гады Клюб Гульні (галы)¹
2005—2007 Тарпэда-БелАЗ 6 (0)
2007—2010 Віцебск 35 (0)
2011 СКВІЧ 20 (0)
2012—2014 Мікашэвічы 51 (1)
2015 Гомель 0 (0)
2016 Смаргонь 19 (0)
2017 Белшына 12 (0)
2017—2018 Смаргонь 15 (0)

Павал Люцько (нарадзіўся 1 ліпеня 1987 году) — колішні беларускі футбаліст, абаронца.

Кар’ера

[рэдагаваць | рэдагаваць крыніцу]

Выхаванец менскага РВАР. Пазьней гуляў за дубль менскага «Дынама». У 2005 годзе перайшоў у склад жодзінскага «Тарпэда», але і там пераважна гуляў за дубль. Цягам двух гадоў згуляў 6 матчаў у асноўнай камандзе. Улетку 2007 году далучыўся да «Віцебску», і ў 2010 годзе нарэшце замацаваўся ў асноўным складзе. Сэзон 2011 году правёў у складзе клюбу СКВІЧ, а пачынаючы з 2012 году абараняў колеры мікашэвіцкага «Граніта». У сэзоне 2012 году быў трывалым гульцом асновы, а сэзон 2013 году быў вымушаны цалкам прапусьціць праз траўмы. У 2014 годзе вярнуўся на поле, але пачаў толькі выходзіць на замену.

У лютым 2015 году падпісаў кантракт з «Гомлем»[2]. Аднак, праз траўмы вымушаны быў прапусьціць увесь сэзон 2015 году, па заканчэньні якога пакінуў Гомель. У траўні 2016 году стаў гульцом «Смаргоні»[3].

У лютым 2017 году падпісаў кантракт зь «Белшынай»[4]. Пачынаў сэзон 2017 году ў якасьці асноўнага гульца бабруйчанаў, але ў чэрвені страціў месца ў асноўным складзе. У жніўні 2017 году вярнуўся ў «Смаргонь»[5]. У 2018 годзе не выходзіў на поле і ў ліпені пакінуў каманду[6].

У сэзоне 2019 году ўвайшоў у трэнэрскі штаб «Смаргоні»[7]. Пазьней перайшоў на адміністрацыйную працу ў клюбе, выконваў абавязкі дырэктара, а ў ліпені 2020 году быў зацьверджаны на пасадзе дырэктара клюбу. Пад ягоным кіраўніцтвам «Смаргонь» у пачатку 2021 году пагадзіліся заняць месца ў Найвышэйшай лізе, а пасьля вылету вярнулася туды праз год ужо з спартовых чыньнікаў. У 2022 годзе ў структуры клюбу была таксама заснаваная жаночая каманда.

Статыстыка

[рэдагаваць | рэдагаваць крыніцу]
Клюб Сэзон Чэмпіянат
Дывізіён Матчы Галы
Смаргонь 2016 Першая ліга 19 0
Белшына 2017 Першая ліга 12 0
Смаргонь 15 0

Крыніцы

[рэдагаваць | рэдагаваць крыніцу]
  1. ^ а б в Pavel Lyutko // Transfermarkt (мн.) — 2000.
  2. ^ Лютько перешел в «Гомель» (рас.)
  3. ^ Лютько перешел в «Сморгонь», Козко покинул клуб (рас.)
  4. ^ Павел Лютько стал игроком "Белшины" (рас.)
  5. ^ Лютько и Руденок подписали контракты со "Сморгонью" (рас.)
  6. ^ Трансферы клуба (рас.) 2018-07-24 г. Архіўная копія ад 2018-08-14 г.
  7. ^ Первая лига. Анонс сезона. Желающих много. Путевок — две с половиной (рас.)

Вонкавыя спасылкі

[рэдагаваць | рэдагаваць крыніцу]