Павал Сядзько
| Павал Сядзько | ||
| ||
| Пэрсанальная інфармацыя | ||
|---|---|---|
| Нарадзіўся | 3 красавіка 1998[1][2] (26 гадоў) | |
| Рост | 178 см | |
| Вага | 65 кг[4] | |
| Пазыцыя | паўабаронца | |
| Клюбная інфармацыя | ||
| Клюб | Тарпэда-БелАЗ | |
| Клюбы | ||
| Гады | Клюб | Гульні (галы)¹ |
| 2015—2021 | Дынама Берасьце | 90 (14) |
| 2019—2020 | → Рух Берасьце | 34 (8) |
| 2021—2022 | Тарпэда Масква | 9 (0) |
| 2022 | Гомель | 17 (4) |
| 2023—2024 | Дынама Менск | 45 (9) |
| 2025— | Тарпэда-БелАЗ | |
| Зборныя | ||
| 2017—2020 | Беларусь (да 21) | 12 (1) |
| 2017—2022 | Беларусь | 11 (1) |
Павал Сядзько (нар. 3 красавіка 1998 году) — беларускі футбаліст, паўабаронца жодзінскага «Тарпэда»-БелАЗ. З 2017 па 2022 гады прыцягваўся да матчаў нацыянальнай зборнай Беларусі.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец берасьцейскага «Дынама». З 2015 году пачаў выступаць за клюбны дубль. 14 верасьня 2015 году дэбютаваў у Найвышэйшай лізе, выйшаўшы на замену на 78-й хвіліне матча супраць «Белшынай» (2:1). Неўзабаве пачаў трапляць і ў стартавы склад берасьцейцаў, а 5 кастрычніка адзначыўся першым голам у кашулі «Дынама» ў наймацнейшым дывізіёне — у браму менскага «Дынама». Па заканчэньні сэзону 2015 году цікавасьць да паўабаронцы выявіў барысаўскі БАТЭ[5], аднак паўабаронца застаўся ў Берасьці. У сэзоне 2016 году ўжо быў футбалістам асноўнага складу, звычайна выходзіў на замену. З чэрвеня 2017 году пачаў трывала зьяўляцца ў першай адзінаццатцы, аднак у кастрычніку зноў пачаў выходзіць на замену. У сэзоне 2018 году зьяўляўся на полі нерэгулярна.
У сакавіку 2019 году быў аддадзены ў арэнду берасьцейскаму «Руху»[6][7], а ў ліпені арэнда была падоўжаная да канца году[8]. Замацаваўся ў пачатковым складзе «Руха» і дапамог камандзе прасунуцца ў Найвышэйшую лігу. У першай палове 2020 году гуляў за «Рух» у Найвышэйшай лізе, а ў ліпені 2020 году вярнуўся з арэнды ў «Дынама»[9], дзе пачаў чаргаваць выхады ў стартавым складзе і на замену.
У лютым 2021 году скдаў новую ўгоду з «Дынама»[10]. Быў адным зь лідэраў каманды, забіўшы за сэзон 7 галоў у чэмпіянаце Беларусі. У верасьні 2021 году паводле пагадненьня бакоў пакінуў берасьцейскі клюб[11] і хутка быў заяўлены за маскавіцкае «Тарпэда»[12]. Правёў 9 матчаў у сэзоне 2021—2022 гадоў, паводле вынікаў якога клюб дамогся выхаду ў Прэм’ер-лігу. У чэрвені 2022 году паводле пагадненьня бакоў кантракт быў датэрмінова скасаваны[13], і неўзабаве паўабаронца склаў пагадненьне з «Гомлем»[14], дзе замацаваўся ў асноўным складзе.
У сьнежні 2022 году падпісаў кантракт зь менскім «Дынама»[15]. Паводле вынікаў сэзону 2023 году дапамог камандзе стаць чэмпіёнам Беларусі. У сьнежні 2023 году падоўжыў кантракт з дынамаўцамі[16]. Быў адным зь лідэраў каманды, зарабіўшы за наступны сэзон ажно 10 галявых перадач у сэзоне. Сам гулец ацаніў 2024 год на 10 пунктаў з 10-ці магчымых. Тым ня менш, пасьля залатога сэзону пакінуў сталічны клюб, шмат у чым праз тое, што ня мог больш працаваць з галоўным трэнэрам Вадзімам Скрыпчанкам[17]. Поруч з агентам шукаў варыянты працаўладкаваньня за мяжой[18], але пагадзіўся далучыцца да жодзінскага «Тарпэда»-БелАЗ[19].
Міжнародная
[рэдагаваць | рэдагаваць крыніцу]У лістападзе 2016 году ў складзе зборнай Беларусі (да 19 гадоў) браў удзел у кваліфікацыйным раўндзе чэмпіянату Эўропы і дапамог беларускай зборнай пракрочыць у элітны раўнд. 1 верасьня 2017 году дэбютаваў у зборнай Беларусі (да 21 году), калі выйшаў у стартавым складзе адборачнага матча чэмпіянату Эўропы 2019 году супраць зборнай Грэцыі (0:2) і быў выдалены ў другім тайме. У далейшым стаў адным з асноўных гульцоў моладзевай зборнай.
Дэбютаваў у нацыянальнай зборнай Беларусі 9 лістапада 2017 году ў таварыскім матчы супраць зборнай Армэніі. Пазьней доўгі час не выклікаўся ў зборную, але зноў трапіў у ейны склад, калі згуляў 2 чэрвеня 2021 году ў таварыскім матчы супраць зборнай Азэрбайджану (1:2), зьявіўшыся на зьмену ў другім тайме.
Дасягненьні
[рэдагаваць | рэдагаваць крыніцу]- Чэмпіён Беларусі: 2023, 2024
- Уладальнік Кубка Беларусі: 2017, 2018
- Уладальнік Супэркубка Беларусі: 2018, 2019
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Берасьце | 2015 | Найвышэйшая ліга | 8 | 1 |
| 2016 | Найвышэйшая ліга | 12 | 1 | |
| 2017 | Найвышэйшая ліга | 22 | 1 | |
| 2018 | Найвышэйшая ліга | 16 | 3 | |
Крыніцы
[рэдагаваць | рэдагаваць крыніцу]- ^ а б в Pavel Sedko // Transfermarkt (мн.) — 2000.
- ^ а б в Pavel Sedko // FBref (мн.)
- ^ а б https://dinamo-minsk.by/blr/asnouny-sklad/2023/syadzko-pavel
- ^ а б https://www.fcgomel.by/team/main-roster/pavel-sedko/
- ^ БАТЭ интересуется полузащитником брестского «Динамо» Седько (рас.)
- ^ Седько арендован «Рухом» (рас.)
- ^ В брестском "Динамо" не осталось "брестских"? Седько отдали в аренду в "Рух" (рас.)
- ^ Павел Седько остается в «Рухе» (рас.) Афіцыйны сайт берасьцейскага «Руха» Архіўная копія ад 2019-07-26 г.
- ^ Брестские "Динамо" и "Рух" обменялись игроками (рас.)
- ^ Павел Седько подписал контракт с брестским "Динамо" (рас.)
- ^ Брестское "Динамо" официально объявило о расставании с Седько (рас.)
- ^ Павел Седько - в московском «Торпедо» (рас.)
- ^ Московское "Торпедо" объявило о досрочном расторжении контракта с Седько (рас.)
- ^ Павел Седько стал игроком "Гомеля" (рас.)
- ^ Павел Седько стал игроком минского "Динамо" (рас.)
- ^ Столичное "Динамо" пролонгировало соглашения с тремя футболистами (рас.)
- ^ Павел Седько об уходе из "Динамо": я бы не смог третий год подряд работать со Скрипченко (рас.). Прессбол (2025-01-02). Праверана 2025-03-02 г.
- ^ Павел Седько о продолжении карьеры: с агентом ищем команду за рубежом, а что из этого выйдет — не могу сказать (рас.). Прессбол (2025-01-02). Праверана 2025-03-02 г.
- ^ Павел Седько рассказал, чей звонок повлиял на его переход в "Торпедо" (рас.). Sport5 (2025-01-20). Праверана 2025-03-02 г.
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)