Палац спорту (Менск)

	Палац спорту
Краіна	Беларусь
Горад	Менск
Адрас	пр. Пераможцаў, 4
Год пабудовы	1966
Дата адкрыцьця	1966
Зьмяшчальнасьць	3311
Хатняя каманда	Цівалі Менск
Памеры поля	61×30
Каардынаты	53°54′38″ пн. ш. 27°32′58″ у. д. / 53.91056° пн. ш. 27.54944° у. д.Каардынаты: 53°54′38″ пн. ш. 27°32′58″ у. д. / 53.91056° пн. ш. 27.54944° у. д.
	Палац спорту на мапе Беларусі ± Палац спорту
	Афіцыйны сайт
	Галерэя здымкаў у Вікісховішчы

Менскі палац спорту — шматфункцыянальны спартова-канцэртны комплекс у Менску. Знаходзіцца ў цэнтры гораду паміж праспэктам Пераможцаў і ракой Сьвіслач. Палац можа прымаць спаборніцтвы па 22 відах спорту, а таксама канцэрты й іншыя відовішчныя мерапрыемствы. Ёмістасьць у спартовым варыянце складае 3311 гледачоў, у канцэртнай — 4500.

Гісторыя

Праект Рэспубліканскага Палацу спорту быў распрацаваны аўтарскім калектывам інстытуту «Белдзяржпраект» у складзе галоўнага архітэктара С. Д. Філімонава, архітэктара В. Н. Малышава і галоўнага інжынэра праекту В. У. Каржэўскага. Будаўніцтва вялося зь верасьня 1963 да траўня 1966 году. Асаблівасьцю праекту было асымэтрычнае разьмяшчэньне гледачоў на стацыянарных трыбунах і сцэна на процілеглым баку спартовай пляцоўкі. Дадзенае рашэньне ў спалучэньні з выкарыстаньнем зборных трыбунаў у партэры, дазваляла ператвараць арэну ў канцэртную залю. Праект стаў тыповым і быў паўторна рэалізаваны ў Чалябінску, Днепрапятроўску, Валгаградзе й Вільні. У 1984 годзе Палац спорту ўключаны ў Пералік помнікаў гісторыі й культуры БССР.

Вонкавыя спасылкі

Афіцыйны сайт Палацу спорту (рас.)