Пітэр Сэрафіновіч

Пітэр Сэрафіновіч
Дата нараджэньня 10 ліпеня 1972(1972-07-10)[1] (52 гады)
Месца нараджэньня
Месца вучобы
Занятак комік, актор агучваньня, сцэнарыст, кампазытар, пісьменьнік, кінарэжысэр, кінаактор, тэлеактор
Навуковая сфэра індустрыя відэагульняў[d]
Сайт peterserafinowicz.com

Пі́тэр Сымо́н Сэрафіно́віч (па-ангельску: Peter Szymon Serafinowicz; нар. 10 ліпеня 1972) — брытанскі актор і шоў-мэн беларускага паходжаньня. Дзед Пітэра Сэрафіновіча — Сымон Серафіновіч (паводле іншых зьвестак — Серафімовіч), ураджэнец Беларусі.

Юнацтва

[рэдагаваць | рэдагаваць крыніцу]

Пітэр Сэрафіновіч нарадзіўся ў Лівэрпулі, дзе наведваў каталіцкую пачатковую школу.[2]

Кар’ера

[рэдагаваць | рэдагаваць крыніцу]

У 1993 Сэрафіновіч дэбютаваў у этэры на радыё BBC Radio 1, у шоў The Knowledge. У 1998 ён упершыню зьявіўся на тэлевізіі ў шоў Comedy Nation і You are Here. З таго часу ён граў шмат роляў рознага пляну ў тэлесэрыялах на брытанскай і амэрыканскай тэлевізіі.

Таксама Пітэр Сэрафіновіч вядомы ў якасьці актора агучаньня, у рэкляме, дубляжы. Найбольш вядомая яго праца ў агучаньні — Дарт Маўл у фільме Зорныя войны. Эпізод I: Цьмяная пагроза[3].

Сям’я

[рэдагаваць | рэдагаваць крыніцу]

Дзед Пітэра Сэрафіновіча, Сымон Серафіновіч, абвінавачваўся ў злачынствах, зьдзейсьненых у Беларусі ў часы Другой сусьветнай вайны, але ня быў асуджаны з-за стану здароўя[4]. Паводле зьвестак, Серафіновіч, былы капрал Войска Польскага, кіраваў паліцыянтамі ў родным Міры і быў датычны да зьнішчэньня мясцовага габрэйскага насельніцтва ў 1941 г. Пасьля вайны Серафіновіч асеў у Вялікай Брытаніі, дзе быў сябрам палітычна-вайсковай арганізацыі Беларускі Вызвольны Рух[5].

Пітэр Сэрафіновіч жанаты з акторкай Сарай Александэр[3], ад якой мае сына.

Ягоны брат Джэймз Сэрафіновіч — сцэнарыст і рэжысэр[6], сястра Гэлэн — замужам за сцэнарыстам Грэгэмам Лінэганам.

Крыніцы

[рэдагаваць | рэдагаваць крыніцу]
  1. ^ Peter Serafinowicz // Discogs (анг.) — 2000.
  2. ^ The floor is his (анг.). www.telegraph.co.uk (30.09.2007). Праверана 20 верасьня 2010 г.
  3. ^ а б My Secret Life: Peter Serafinowicz, Actor and comedian, age 36 (анг.). www.independent.co.uk (30.08.2008). Праверана 20 верасьня 2010 г.
  4. ^ «BBC star’s grandfather faced Nazi war crimes trial»(недаступная спасылка) thisislondon.co.uk, 21 Oct 2007
  5. ^ Беларускі Вызвольны Рух // Беларускі нацыяналізм: Даведнік. — Менск: Голас Краю, 2001.
  6. ^ James Serafinowicz (анг.). www.imdb.com. Праверана 20 верасьня 2010 г.

Вонкавыя спасылкі

[рэдагаваць | рэдагаваць крыніцу]