Скаўцкі рух

Скаўтынг (па-ангельску: Scouting) — сусьветная дзіцячая арганізацыя. Яна займаецца фізычным, духоўным і разумовым разьвіцьцём маладых людзей так, каб моладзь магла заняць канструктыўнае месца ў грамадзтве. Гэта дасягаецца нефармальнай адукацыяй з акцэнтам на практычныя дзеяньні на адчыненым паветры, якая завецца скаўцкія мэтады. Рух скаўтаў быў заснаваны ў 1907 годзе адстаўным палкоўнікам брытанскага войска Робэртам Бадэн-Паўэлам. У цяперашні час скаўтынг мае больш 38 мільёнаў чальцоў у 217 краінах і тэрыторыях, прадстаўленых праз некалькі скаўцкіх асацыяцый на міжнародным узроўні. Працы Эрнэста Сэтан-Томпсана і Дэніэла Картэра Бэрда істотна паўплывалі на раньняе разьвіцьцё скаўтынга, гэтак жа як і на аснову руху традыцыйнага скаўтынга, якое ўзмацнілася за мінулыя некалькі гадоў.

Гісторыя

Палкоўнік сэр Робэрт Бадэн-Паўэл заснаваў рух скаўтаў у 1907 годзе ў Вялікабрытаніі. Зародкі ідэі скаўтынга зьявіліся пры аблозе Мафекінгу (Паўднёвая Афрыка) падчас Другой бурскай вайны (1899—1902), дзе Бадэн-Паўэл служыў брыгадным камандзірам.

Напагатове!

Дэвіз скаўтаў — «Напагатове!» (па-ангельску: Be Prepared); па-ангельску ён скарачаецца да першых літар гэтак жа, як прозвішча фундатара руху скаўтаў (B.P.).

Паходжаньне гэтай фразы зьвязана з зыходным мілітарысцкім характарам руху скаўтаў. Бадэн-Паўэл пісаў 12 лютага 1908 г. у артыкуле ў часопісе «Бойскаўтынг»: «Будзьце гатовыя памерці за сваю краіну, калі запатрабуецца; так што калі надыдзе момант, выходзьце з хаты з упэўненасьцю і бяз роздуму пра тое, заб’юць вас ці не.»

На іншых мовах

Аддзяленьні скаўтаў па ўсім сьвеце выкарыстаюць дэвіз «Напагатове!» на сваіх родных мовах.

Азэрбайджанская: Daima Hazir
Альбанская: Ji Gati альбо Pergatitu
Ангельская: Be Prepared
Арабская: Kun Musta’idan
В’етнамская: Sắp Sẵn
Вугорская: Légy Résen
Галяндзкая: Weest Paraat
Грузінская: იყავი მზად (ikavi mzad)
Грэцкая: Έσω Έτοιμος
Іўрыт: היה נכון (heye nachon)
Ірляндзкая: Bí Ullamh
Гішпанская: Siempre Listo альбо Siempre Alerta («заўсёды гатовы», «заўсёды напагатове»)
Італьянская: Sii Preparato (таксама ў Італіі вельмі часта выкарыстоўваецца лацінская фраза Estote Parati)
Кітайская: 準備
Кыргыская: Dayar Bol
Латвійская: Esi Modrs
Латынь: Estote Parati
Летувіская: Budek
Македонская: Буди спреман
Малайская: Selalu Bersedia
Мальтыйская: Kun Lest
Мангольская: Белен бол
Нарвэская: Alltid Beredt
Нямецкая: Allzeit bereit!
Пушту: Tayar Osay
Пэрсыдзкая: Aamaadeh Baash
Польская: Czuwaj
Расейская: Будь готов
Сэрбская: Budi Spreman (Буди спреман)
Славенская: Bodi pripravljen! альбо Bud Pripavany
Тайская: จงเตรียมพร้อม
Туркмэнская: Daima Häzir
Уйгурская: Tayyar Bol
Украінская: Готуйсь
Філіпінская (Тагальская): Laging Handâ (даслоўна: заўсёды гатовы)
Фінская: Ole valmis
Француская: Sois Prêt альбо Toujours Prêt
Харвацкая: Budi Pripraven
Чэская: Bud Připraven
Швэдзкая: Var redo
Эспэранта: Estu preta
Эстонская: Ole Valmis
Японская: Sonae-yo Tsuneni

Беларусь

25 сакавіка 2021 году Савет міністраў Беларусі ухваліў Пастанову № 168, паводле якой зацьвердзіў «Пералік грамадзкіх аб’яднаньняў..., у дачыненьні якіх пры арэндзе нерухомасьці да базавых ставак прымяняецца паніжальны каэфіцыент 0,1». Сярод 102 грамадзкіх аб’яднаньняў у Пераліку прысутнічала «Беларуская рэспубліканская скаўцкая асацыяцыя»^[1].

Крыніцы

^ Раман Галоўчанка. Пастанова Савета міністраў Рэспублікі Беларусь ад 25 сакавіка 2021 г. № 168 «Аб зьмяненьні пастановы Савета міністраў РБ ад 30 красавіка 2013 г. № 327» (рас.) // Нацыянальны прававы інтэрнэт-партал Рэспублікі Беларусь, 30 сакавіка 2021 г. Праверана 13 красавіка 2021 г.

Вонкавыя спасылкі

Беларускі скаўтынг(недаступная спасылка)
Scouting in Belarus (анг.)

[1] Раман Галоўчанка. Пастанова Савета міністраў Рэспублікі Беларусь ад 25 сакавіка 2021 г. № 168 «Аб зьмяненьні пастановы Савета міністраў РБ ад 30 красавіка 2013 г. № 327» (рас.) // Нацыянальны прававы інтэрнэт-партал Рэспублікі Беларусь, 30 сакавіка 2021 г. Праверана 13 красавіка 2021 г.

[1]