Фэдэрыка Гацьці

Фэдэрыка Гацьці
Пэрсанальная інфармацыя
Нарадзіўся	24 чэрвеня 1998(1998-06-24)[1] (26 гадоў) Рывалі^[d], Турын^[d], П’емонт, Італія
Рост	190 см
Вага	84 кг[2]
Пазыцыя	абаронца, паўабаронца
Клюбная інфармацыя
Клюб	Ювэнтус
Нумар	4
Клюбы
Гады	Клюб	Гульні (галы)¹
1900—2004 2014—2016 2016—2017 2017 2018—2020 2020—2021 2021—2022 2022— 2022	К’еры → Паваролё (арэнда) → Салюцца (арэнда) → Паваролё (арэнда) Вэрбанія Про Патрыя Фразынонэ Ювэнтус → Фразынонэ (арэнда)	0 (0) 31 (3) 4 (0) 47 (12) 22 (3) 35 (1) 18 (3) 61 (4) 17 (2)
Зборныя
2022—	Італія	5 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 23 лістапада 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 14 лістапада 2024.

Фэдэры́ка Га́цьці (па-італьянску: Federico Gatti; нар. 24 чэрвеня 1998 году) — італьянскі футбаліст, цэнтральны абаронца клюбу «Ювэнтус» і нацыянальнай зборнай Італіі.

Кар’ера

Клюбная

У юнацкай кар’еры Гацьці выступаў за клубы «К’еры», «Тарына» і «Алесандрыя». У апошняй з памянёных камандаў запачаткаваў прафэсійную кар’еру у лютым 2015 году^[3]. Пазьней шмат гадоў гуляў на аматарскім узроўні, далучыўшыся ў сярэдзіне 2020 году для клюбу «Про Патрыя». У 2021 годзе Гацьці перайшоў у каманду Сэрыі Б «Фразынонэ»^[4][5], падпісаўшы чатырохгадовы кантракт на 250 тысяч эўра. Дэбютаваў 15 жніўня ў матчы першага раўнду Кубка Італіі супраць «Вэнэцыі», у якім Гацьці не рэалізаваў сваю спробу ў сэрыі пасьляматчавых пэнальці. Абаронца быў блізкі да пераходу ў «Тарына», але гульца перахапіў «Ювэнтус», які выкупіў яго 31 студзеня 2022 году^[6] у рамках пагадненьня на чатыры з паловай гады. Пасьля ўзгадненьня кантракту Гацьці адразу быў аддадзены ў арэнду «Фразынонэ» на рэшту сезону^[7]. Па вяртаньні з арэнды дэбютаваў у складзе «Ювэнтусу» 31 жніўня 2022 году супраць «Спэцыі»^[8].

Міжнародная

За нацыянальную зборную Італіі дэбютаваў 11 чэрвеня, зьявіўшыся ў пачатковым складзе матчу Лігі нацыяў супраць зборнай Ангельшчыны^[9]. Быў улучаны ў склад зборнай на чэмпіянат Эўропы 2024 году пасьля таго як з складу з прычыны траўмы выбыў Джорджа Скальвіні^[10].

Дасягеньні

«Ювэнтус»:

• Уладальнік Кубка Італіі: 2024

Крыніцы

1. ^ Federico Gatti // Transfermarkt (мн.) — 2000.
2. ^ https://pesstatsdatabase.com/PSD/Player.php?Id=26470&Club=264
3. Stesina, Marco (31.01.2022). «Gatti era in Promozione, ora lo ha preso la Juventus beffando il Torino». Sprint e Sport.
4. Marzio, Gianluca Di (27.05.2021). «Frosinone, ufficiale l’arrivo di Federico Gatti dalla Pro Patria». Gianluca Di Marzio.
5. Visca, Antonio (27.05.2021). «Frosinone Calcio, ufficiale Federico Gatti: ecco le sue caratteristiche». FrosinoneToday.
6. «Juve, sorpasso al Toro per Gatti: affare fatto». Sky Sport.
7. «Federico Gatti è un giocatore della Juventus!». Juventus.
8. «Juve score twice without reply against Spezia». Juventus
9. «Formazioni ufficiali Inghilterra Italia: la decisione di Mancini su Gatti e Locatelli». Juventus News 24.
10. «Official: Italy call up Gatti to replace injured Scalvini». Football Italia.

Вонкавыя спасылкі

• Профіль (анг.) на Transfermarkt
• Профіль (анг.) на Soccerway
• Профіль (анг.) на Worldfootball