Адам Глобус

У Вікіпедыі ёсць артыкулы пра іншых людзей з прозвішчам Адамчык.

Адам Глобус
Асабістыя звесткі
Імя пры нараджэнні	Уладзімір Вячаслававіч Адамчык
Дата нараджэння	29 верасня 1958(1958-09-29)[1] (66 гадоў)
Месца нараджэння	Дзяржынск, Дзяржынскі раён, Мінская вобласць, БССР, СССР
Грамадзянства
Бацька	Вячаслаў Адамчык
Альма-матар	Беларуская дзяржаўная акадэмія мастацтваў Мінскі дзяржаўны мастацкі каледж імя А. К. Глебава
Прафесійная дзейнасць
Род дзейнасці	мастак
Гады творчасці	з 1981
Жанр	апавяданне
Мова твораў	беларуская
Грамадская дзейнасць
Член у	Саюз беларускіх пісьменнікаў
Прэміі	Літаратурная прэмія імя Ежы Гедройца
adamhlobus.com
Медыяфайлы на Вікісховішчы

Ада́м Глобус, сапр.: Уладзімі́р Вячасла́вавіч Ада́мчык (29 верасня 1958, Дзяржынск) — беларускі пісьменнік, мастак, выдавец. Працуе ў паэзіі і малой прозе.

Біяграфія

Нарадзіўся ў Дзяржынску ў сям’і пісьменніка Вячаслава Адамчыка. З 1959 года жыве ў Мінску. Скончыў педагагічнае аддзяленне Мінскага мастацкага вучылішча (1977), Беларускі дзяржаўны тэатральна-мастацкі ўніверсітэт (1983). Вучыўся ў мастака Альгерда Малішэўскага^[2]. Працаваў чарцёжнікам, мастаком-рэстаўратарам, мастаком-афарміцелем, рэдактарам у часопісах «Родник» (з 1987), «Беларусь», «Бярозка». Займаецца выдавецкай дзейнасцю (выдавецтва «Сучасны літаратар»). Член Саюза пісьменнікаў СССР (з 1988), СП БССР (з 1989).

Творчасць

У друку пачаў выступаць з вершамі ў 1981 (газета «Літаратура і мастацтва», часопіс «Маладосць»). Аўтар кніг «Парк» (паэзія, 1988), «Адзінота на стадыёне» (зборнік апавяданняў, 1989), «Смерць — мужчына» (1992), «Скрыжаванне» (1993), «Дамавікамерон» (1994), «Толькі не гавары маёй маме» (1995), «Койданава» (1997), «Новы дамавікамерон» (1998), «Post scriptum» (1999), «Тэксты» (зборнік усіх папярэдніх кніг, 2000), «Браслаўская стыгмата» (2001), «Сшыткі» (2003), «Дом» (2005), «сУчаснікі» (2006), «Літары»^[3] (2006), «Play.by» (2009). Публікаваўся ў складзе зборнікаў, «Круглы год» (зборнік хоку беларускіх аўтараў, 1996), «Сучасная беларуская проза» (зборнік, 2003).

Бібліяграфія

• «Парк» (паэзія, 1988)
• «Адзінота на стадыёне» (зборнік апавяданняў, 1989)
• «Смерць — мужчына» (1992)
• «Скрыжаванне» (1993)
• «Дамавікамерон» (1994)
• «Толькі не гавары маёй маме» (1995)
• «Койданава» (1997)
• «Новы дамавікамерон» (1998)
• «Post scriptum» (1999)
• «Тэксты» (зборнік усіх папярэдніх кніг, 2000)
• «Браслаўская стыгмата» (2001)
• «Сшыткі» (2003)
• «Дом» (2005)
• «сУчаснікі» (2006)
• «Літары» (2006)
• «Казкі» (2007)
• «Convolutus» (2008)
• «Замак» (2008)
• «PLAY.BY» (2009)
• «Крутагорскія казкі» (2010)
• «Новае неба» (2010)
• «Сказы» (2012)
• «Імёны. Літаратурныя партрэты» (2013)
• «Казкі пра дарослых» (2013)
• «Партрэты» (2014)
• «Гісторыі пра Мінск і ваколіцы» (2015)
• «Зваротная перспектыва» (2016)
• «Сям’я» (2017)
• «КАЗКІ сталічныя» (2018)
• «Рысы» (2019)
• «Анёл» (2021)
• «Сняжынка» (2022)

Дыскаграфія

Альбомы

• «Песні» (Каўчэг, 2003)

Узнагароды

У 2010 годзе стаў лаўрэатам 7-ай міжнароднай літаратурнай прэміі «Югра» ў намінацыі «Славянская кніга» за кнігу «Лирика BY» (пераклады твораў на рускую мову).^[4]

У 2013 годзе ўзнагароджаны медалём Барыса Карнілава.^[5]

У 2013 годзе заняў трэцяе месца ў Літаратурнай прэміі імя Ежы Гедройца за кнігу «Сказы».^[6] У 2017 годзе — трэцяе месяца за кнігу «Зваротная перспектыва».^[7]

Крыніцы

1. Беларусь у асобах і падзеях Праверана 17 лістапада 2022.
   <a href="https://wikidata.org/wiki/Track:Q112702533"></a>
2. Адам Глобус. Словы пра мастака і настаўніка майго Альгерда Малішэўскага
3. Глобус А. «Літары»: (зборнік). Выдавецтва ХАРВЕСТ, -Мн.: 2006. ISBN 985-13-5411-2. У зборніку сабраны кнігі: Дамавікамерон, Дамавікамерон новы, Дамавікамерон найноўшы, Дамавікамерон алфавітны, Дамавікамерон sexэвалюцыйны, Дамавікамерон miencki, Літаральнік.
4. Международная литературная премия «Югра»(нявызн.). Дмитрий Мизгулин. Творчество. Праверана 22 студзеня 2025.
5. 23 ноября - Независимая литературная премия им. Бориса Корнилова (нявызн.). nlr.ru. Праверана 22 студзеня 2025.
6. Сказы (нявызн.). Прэмія Гедройця. Праверана 22 студзеня 2025.
7. Зваротная перспектыва (нявызн.). Прэмія Гедройця. Праверана 22 студзеня 2025.

Літаратура

• Глобус Адам // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X.
• ARCHE № 4(9)-2000
• ARCHE: Adam Hlobus (нумар прысвечаны А. Глобусу) № 5(10)-2000 Архівавана 29 чэрвеня 2008.
• Д.П. ГЛОБУС АДАМ (Глобус Адам, Hlobus Adam) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 77. — 368 с. — 2 000 экз. — ISBN 978-985-6783-42-8.

Спасылкі

• пра мастака Валодзю Цэслера"