Габар Пінтэр
Га́бар Пі́нтэр (венг.: Gábor Pintér; нар. 9 сакавіка 1964, Кунсентмартан, Венгрыя) — каталіцкі царкоўны дзеяч, у 2016—2019 гадах быў Апостальскім нунцыем у Беларусі.
Біяграфія
[правіць | правіць зыходнік]Нарадзіўся 9 сакавіка 1964 года ў невялікім мястэчку Кунсентмартан у Венгрыі.
На святара быў пасвечаны 11 чэрвеня 1988 года ў Вацкай дыяцэзіі (Венгрыя). Атрымаў ступень доктара тэалогіі.
З 1 ліпеня 1996 года на дыпламатычнай службе Святога Прастола. Працаваў у Гаіці, Балівіі, краінах Скандынавіі, Францыі, на Філіпінах і ў Аўстрыі (быў дарадцам Апостальскай нунцыятуры ў Вене).
13 мая 2016 Папа Рымскі Францішак прызначыў Габара Пінтэра Апостальскім нунцыем у Беларусі. Адначасова з Папа надаў яму годнасць тытулярнага архібіскупа Велбужда. Тытулярная каталіцкая архіепархія ў Велбуждзе (Dioecesis Velebusdiensis) існавала ў сярэднявеччы на тэрыторыі сучаснай Балгарыі[2].
12 лістапада 2019 года Папа Францішак прызначыў Габара Пінтэра Апостальскім Нунцыем у Гандурасе[3].
Валодае нямецкай, італьянскай, англійскай, французскай, іспанскай, крэольскай, шведскай і рускай мовамі[4].
Зноскі
- ↑ а б в Magyar Kurír — Magyar Kurír Szerkesztősége és Kiadóhivatala, 1911. Праверана 14 лістапада 2019.
- ↑ Новы Апостальскі нунцый у Беларусі бачыць сваім прыярытэтам развіццё экуменізму Архівавана 15 чэрвеня 2021.
- ↑ Арцыбіскуп Габар Пінтэр прызначаны Апостальскім Нунцыем у Гандурасе
- ↑ catholic.by
Спасылкі
[правіць | правіць зыходнік]
На Вікісховішчы ёсць медыяфайлы па тэме Габар Пінтэр- Інфармацыя (англ.)
