Клаўдзія Іванаўна Шульжэнка

У Вікіпедыі ёсць артыкулы пра іншых людзей з прозвішчам Шульжэнка.
Клаўдзія Іванаўна Шульжэнка
руск.: Клавдия Шульженко
Дата нараджэння 11 (24) сакавіка 1906
Месца нараджэння
Дата смерці 17 чэрвеня 1984(1984-06-17)[2] (78 гадоў)
Месца смерці
Месца пахавання
Грамадзянства  Расійская імперыя
Сцяг СССР СССР
Прафесія актрыса, спявачка
Узнагароды
IMDb ID 0795793
Лагатып Вікісховішча Медыяфайлы на Вікісховішчы

Клаўдзія Іванаўна Шульжэнка (11 (24) сакавіка 1906, Харкаў[1] — 17 чэрвеня 1984(1984-06-17)[2], Масква) — савецкая эстрадная спявачка і актрыса. Народная артыстка СССР (1971). Удзельніца Вялікай Айчыннай вайны.

Біяграфія

[правіць | правіць зыходнік]

Нарадзілася 11 (24) сакавіка 1906 года ў Харкаве ў Аляксандраўскай бальніцы. Бацька Іван Іванавіч Шульжэнка працаваў бухгалтарам Галоўнага ўпраўлення чыгункі. З 1923 года жыла на Маскалеўцы — на Уладзімірскай вуліцы, № 45, кв. 6.

Выконваць народныя песні пачала з канца 1910-х гадоў. Нотнай грамаце і спеву навучалася прыватным чынам у прафесара Харкаўскай кансерваторыі М. Л. Чэмезава. У 1923 годзе стала артысткай Харкаўскага тэатра драмы пад кіраўніцтвам М. М. Сінельнікава. У тым жа годзе дэбютавала як спявачка, выканаўшы раманс «Зоркі на небе» ў спектаклі «Пакаранне смерцю». Прымала ўдзел ва ўсіх дывертысментах, якія даваліся ў тэатры, паралельна выступаючы ў працоўных клубах і на летніх эстрадных пляцоўках горада. Песні «Шахта № 3» і «Песня пра цагельню», якія выконваліся ёю ў гэты перыяд, лічацца першымі ўзорамі сучаснай бытавой песні. Летам 1925 года пачала працаваць у Чырвоназаводскім драматычным тэатры Харкава. У 1927 годзе кампазітар Юлій Мэйтус спецыяльна для яе напісаў некалькі новых твораў («Чырвоны мак», «Чырвоная армія», «Грэнада»), якія неўзабаве сталі папулярнымі.

У маі 1928 года адбыўся яе пеўчы дэбют на сцэне Марыінскага тэатра ў Ленінградзе на канцэрце, прысвечаным Дню друку.

У 1929—1942 гадах — артыстка Лендзяржэстрады, працавала салісткай джаз-аркестра пад кіраўніцтвам Я. Б. Скамароўскага.

З 1943 года — у Маскве, артыстка Усерасійскага гастрольна-канцэртнага аб’яднання, затым Масканцэрта. З лета 1945 года спявачка пачала выступаць сольна. Гастралявала за мяжой.

Памерла 17 чэрвеня 1984 года. Пахавана ў Маскве на Новадзявочых могілках.

Зноскі

  1. ↑ а б Шульженко Клавдия Ивановна // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
  2. ↑ а б Person Profile // Internet Movie Database — 1990. Праверана 16 кастрычніка 2015.

Спасылкі

[правіць | правіць зыходнік]