Клеменс Фрыц

Клеменс Фрыц
Агульная інфармацыя
Нарадзіўся	7 снежня 1980(1980-12-07)[1][2]^[…] (43 гады) Эрфурт, акруга Эрфурт^[d], ГДР[3]
Грамадзянства	Германія
Рост	183 см
Вага	81 кг
Пазіцыя	абаронца
Інфармацыя пра клуб
Клуб	завяршыў кар’еру
Маладзёжныя клубы
1995—1997 Рот-Вайс (Эрфурт) 1997—1998 Лейпцыг 1998—1999 Рот-Вайс (Эрфурт)
Клубная кар’ера[* 1]
1999—2001 Рот-Вайс (Эрфурт) 57 (14) 2001—2003 Карлсруэ 61 (7) 2003—2006 Баер 04 43 (2) 2006—2017 Вердэр 288 (5)
Нацыянальная зборная[* 2]
2001 Германія (да 21) 6 (0) 2002 Германія B 1 (0) 2006—2008 Германія 22 (2)
Узнагароды і медалі
Чэмпіянаты Еўропы Срэбра Аўстрыя/Швейцарыя 2008
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 31 мая 2017. Колькасць гульняў і галоў за нацыянальную зборную ў афіцыйных матчах
Медыяфайлы на Вікісховішчы

Клеменс Фрыц (ням.: Clemens Fritz; нар. 7 снежня 1980, Эрфурт, ГДР) — былы нямецкі футбаліст, абаронца. Вядомы ў першую чаргу дзякуючы шматгадовым выступленням за клуб «Вердэр», дзе доўгі час быў капітанам.

Кар’ера

Клубная

Футбольную кар’еру Клеменс пачаў у 14 гадоў у юнацкай камандзе клуба «Рот-Вайс» з яго роднага Эрфурта. Праз два гады ў клубе пачаліся фінансавыя праблемы і футбольная школа была зачынена. Клеменс працягнуў заняткі ў Лейпцыгу, у футбольнай школе мясцовага клуба «Лейпцыг», але праз год ён зноў вярнуўся ў Эрфурт, дзе стаў выступаць за моладзевую каманду чырвона-белых. З 1999 года Фрыц стаў прыцягвацца да гульняў асноўнай каманды і за два сезоны правёў 57 матчаў і забіў 14 мячоў.

У 2001 годзе маладога абаронцу запрасілі ў клуб Другой Бундэслігі «Карлсруэ». У новым клубе Фрыц рэгулярна выходзіў на поле ў асноўным складзе.

У 2003 годзе ён заключыў кантракт з «Баерам» з Леверкузена. 9 лістапада 2003 года Фрыц правёў свой першы матч у Бундэслізе. Улетку 2004 года Клеменс атрымаў сур'ёзную траўму і здолеў вярнуцца на поле толькі ў сакавіку 2005 года, выйшаўшы на поле ў матчы супраць «Ліверпула» у рамках розыгрышу Лігі чэмпіёнаў.

У 2006 годзе Клеменс Фрыц перайшоў у брэменскі «Вердэр», дзе неўзабаве таксама стаў асноўным правым абаронцам каманды, выцесніўшы са складу іграка зборнай Германіі Патрыка Авамаелу. Пазней таксама стаў капітанам брэменскай каманды. У сакавіку 2017 года атрымаў траўму, з-за якой выбыў да канца сезону, і ў маі абвясціў аб завяршэнні кар’еры^[4]

Міжнародная

Дэбют у нацыянальнай зборнай Германіі адбыўся 7 кастрычніка 2006 года ў матчы супраць зборнай Грузіі, а 2 чэрвеня 2007 года ў матчы супраць зборнай Сан-Марына Фрыц правёў свой першы гол.

Дасягненні

Клубныя

«Вердэр»:

• Уладальнік Кубка Германіі: 2009
• Уладальнік Кубка нямецкай лігі: 2006

Міжнародныя

Германія:

• Сярэбраны прызёр чэмпіянату Еўропы: 2008

Зноскі

1. Clemens Fritz // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. CLEMENS FRITZ // Argentine Soccer Database
   <a href="https://wikidata.org/wiki/Track:Q19368470"></a>
3. Deutsche Nationalbibliothek Record #142801003 // Агульны нарматыўны кантроль — 2012—2016. Праверана 11 снежня 2014.
   <a href="https://wikidata.org/wiki/Track:Q27302"></a><a href="https://wikidata.org/wiki/Track:Q36578"></a>
4. Капитан «Вердера» Фритц объявил о завершении карьеры. by.tribuna.com.

Спасылкі

• На Вікісховішчы ёсць медыяфайлы па тэме Клеменс Фрыц
• Статыстыка на сайце UEFA.com (руск.)
• Профіль на сайце fussballdaten
• Профіль на сайце kicker.de