Пашча Дракона

Пашча Дракона
Пашча Дракона
	Каардынаты: 19°50′06″ пн. ш. 105°47′37″ у. д.HGЯO
Перасякае	рака Сонгма
Месца размяшчэння	Тханьхаа, В’етнам
Канструкцыя
Тып канструкцыі	ферменны
Матэрыял	сталь
Эксплуатацыя
Адкрыццё	1904
Зачыненне на рэканструкцыю	1957—1961
Закрыццё	1945, 1972
	Медыяфайлы на Вікісховішчы

Хамжонг (Пашча Дракона; в’етн.: Hàm Rng, англ.: Dragon's Jaw) — чыгуначны мост праз раку Сонгма ў раёне горада Тханьхаа ў В’етнаме. Атрымаў міжнародную вядомасць падчас В’етнамскай вайны.

Гісторыя

Мост быў пабудаваны французскай каланіяльнай адміністрацыяй у 1904 годзе, калі Індакітай з’яўляўся калоніяй Францыі. У 1945-м партызаны В’етміня падарвалі яго. Пасля падзелу В’етнама на дзве часовыя зоны Жэнеўскімі пагадненнямі 1954 года мост апынуўся на тэрыторыі Дэмакратычнай Рэспублікі В’етнам і быў адноўлены ў 1957—1961 гг. На яго адкрыцці прысутнічаў Ха Шы Мін. Мост меў даўжыню прыкладна 165 м, шырыню 17 м, размяшчаўся над ракой на вышыні прыкладна 15 м.

Аб’ект меў стратэгічнае значэнне для транспартнай сістэмы ДРВ, знаходзячыся на галоўнай дарозе краіны з поўначы на поўдзень.

З пачаткам амерыканскіх бамбардзіровак ДРВ мост падвяргаўся пастаянным авіяналётам. Першыя ўдары па мосце Тханьхаа былі нанесены 3—4 красавіка 1965 года і скончыліся няўдачай. У далейшым авіяцыя ЗША перыядычна здзяйсняла масіраваныя налёты на мост, аднак не магла нанесці яму дастатковыя пашкоджанні для вываду з ладу.

Пасля аднаўлення шырокамаштабных бамбардзіровак ДРВ вясной 1972 года ВПС ЗША ўжылі супраць аб’екта нядаўна прынятыя на ўзбраенне бомбы з лазерным навядзеннем:

27 красавіка 1972 года ў авіяналёце ўдзельнічалі 12 самалётаў F-4 Phantom, восем з якіх выкарыстоўвалі бомбы з лазерным навядзеннем;
13 мая 1972 года быў праведзены паўторны авіяналёт, у якім удзельнічалі 14 самалётаў F-4 Phantom

У выніку мост быў разбураны і выведзены з ладу.

6 кастрычніка 1972 года быў здзейснены яшчэ адзін авіяналёт, у якім удзельнічалі чатыры штурмавікі A-7 авіяцыі ВМС ЗША; пасля налёту мост атрымаў дадатковыя пашкоджанні, быў прызнаны знішчаным і выключаны са спісу мэтаў амерыканскай авіяцыі.

Знішчэнне моста «пашча Дракона» лічыцца адным з першых выпадкаў паспяховага прымянення высокадакладных авіяцыйных бомбаў з лазерным навядзеннем. Па афіцыйных даных ДРВ, у ходзе абароны «Пашчы Дракона» было збіта значная колькасць самалётаў ЗША.

Па афіцыйных даных ЗША, усяго на аб’ект было здзейснена 873 самалётавылетаў, у якіх страчана 11 самалётаў. Аднак вядома, што ўсяго ў гэтым раёне было збіта каля 100 амерыканскіх пілотаў^[1], якія ў асноўным выконвалі заданні супраць іншых аб’ектаў.

Пасля заканчэння вайны мост быў адноўлены і ўведзены ў эксплуатацыю.

Мост у літаратуры і мастацтве

Мост атрымаў назву «пашча Дракона» і стаў вядомы ў шэрагу краін свету (у тым ліку ў СССР) як сімвал супраціву Паўночнага В’етнама амерыканскай агрэсіі.

Мост і яго абарона згадваюцца ў шэрагу літаратурна-мастацкіх твораў:

верш «Cái cầu» (аўтар — в’етнамскі паэт Phạm Tiến Duật)

Зноскі

↑ Колькасць збітых самалётаў была менш за сотню, паколькі аснову амерыканскай авіяцыі ў В’етнаме складаў знішчальнік-бамбардзіроўшчык F-4 з экіпажам з двух чалавек.

Спасылкі

[1] Колькасць збітых самалётаў была менш за сотню, паколькі аснову амерыканскай авіяцыі ў В’етнаме складаў знішчальнік-бамбардзіроўшчык F-4 з экіпажам з двух чалавек.

[1]