Іван Дорн | |
---|---|
укр.: Іван Дорн | |
Асноўная інфармацыя | |
Поўнае імя | Іван Аляксандравіч Дорн |
Дата нараджэння | 17 кастрычніка 1988 (35 гадоў) |
Месца нараджэння | |
Краіна | Украіна |
Альма-матар | |
Музычная дзейнасць | |
Прафесіі | музыкант, тэлевядучы, спявак, акцёр |
Гады актыўнасці |
Пара Нормальных (2007—2010) 2010 — сола |
Пеўчы голас | барытон |
Інструменты | гітара, інтэрнэт |
Жанры | поп-музыка, неосоул, сучасны рытм-н-блюз, фанк, хаўс |
Калектывы | «Пара Нормальных» |
Супрацоўніцтва | Ліён, Асаі, 5'NIZZA |
Лэйблы | Першае музычнае Выдавецтва |
Узнагароды | Найлепшы выканаўца па версіі нацыянальнай прэміі Украіны YUNA ў 2013, 2014, 2015 гадах |
ivandorn.com | |
Медыяфайлы на Вікісховішчы |
Іван Аляксандравіч Дорн (укр.: Іва́н Олекса́ндрович Дорн (Єрьо́мін) Ерёмин; нар. 17 кастрычніка 1988, Чалябінск) — украінскі спявак, дыджэй і тэлевядучы. Былы ўдзельнік групы «Пара Нормальных».
Іван Дорн нарадзіўся 17 кастрычніка 1988 года ў Чалябінску. У 1990 годзе пераехаў у Славуціч у сувязі з працай бацькі на Чарнобыльскай АЭС. Да другога класа насіў прозвішча бацькі — Яромін. Пазней, па прапанове маці — Лідзіі Дорн, змяніў прозвішча, так як тая не хацела, каб яе сына штосьці, нават фармальна, звязвала з бацькам. Спяваць пачаў яшчэ ў школе. Упершыню выйшаў на сцэну ва ўзросце 6 гадоў на фестывалі «Залатая восень Славуціча». У Івана ёсць брат Павел.
Іван актыўна займаўся спортам, стаў уладальнікам многіх спартыўных званняў: «Майстар спорту (Парусны спорт)», «Кандыдат у майстры спорту па бальных танцах», 2-гі разрад па плаванні, 3-і дарослы па лёгкай атлетыцы. Таксама Іван займаўся вялікім тэнісам, шахматамі і футболам.
Здымаўся ў фільме «Вясёлыя рабяты».
Іван Дорн атрымаў музычную адукацыю па класу фартэпіяна, стаў лаўрэатам і пераможцам шматлікіх музычных конкурсаў, сярод якіх: маскоўскі конкурс «Запалі сваю зорку» — 1-е месца, «Жамчужына Крыма» — прыз глядацкіх сімпатый; «Чарнаморскія гульні»: 2001 год — заняў 3-е прызавое месца, 2005 год — заняў 2-е прызавое месца; «Юрмала 2008»[1].
У 2007 годзе на канцэрце Jamiroquai Іван Дорн знаёміцца са сваёй будучай калегай Аняй Дабрыдневай і разам з ёй стварае дуэт «Пара Нормальных»[2]. Дуэт вельмі хутка набірае папулярнасць, ствараючы вобраз маладых, энергічных людзей, якія з упэўненасцю глядзяць у будучыню. 4 кастрычніка 2008 года група выпускае дэбютны альбом Я придумаю happy end, які на працягу месяца не схадзіў з 1-га месца хіт-параду «Шарамецьева-Барыспаль» на «Gala Radio».
Летам 2010 года Іван Дорн пакідае групу і яго месца займае Арцём Мех.
У 2010 годзе Іван Дорн пачынае сольную кар'еру, выпускаючы свае ўласныя песні, сярод якіх «Стыцамэн», «Бигуди», «Северное сияние», «Тем более» і іншыя. Сумесна з Apollo Monkeys Іван выпускае песню «Синими, жёлтыми, красными».
25 мая ў Кіеве і 26 мая 2012 года ў Маскве прайшла афіцыйная прэзентацыя першага сольнага альбома Co'N'Dorn. На прэміі МузТВ-2012 быў намінаваны ў катэгорыі «Прарыў года», таксама быў намінаваны ў трох катэгорыях — «Дэбют», «Відэа» («Стыцамэн») і «Дызайн» (афіцыйны сайт), — на прэміі «Стэпавы воўк» 2012 года[3]. У чэрвені 2012 года часопіс Billboard Russia змясціў Івана Дорна на вокладку як «галоўнага героя маладых музыкаў»[4].
Восенню 2012 года Іван Дорн запісаў саўндтрэк да рэаліці-шоу канала Ю «Топ-мадэль па-руску» з Ірынай Шэйк, узяўшы за аснову музычнай тэмы прыпеў з сваёй песні «Бигуди»[5], а таксама версію «Праздник к нам приходит» для рэкламнага роліка Coca-Cola.
У лістападзе 2014 года выйшаў новы студыйны альбом Randorn. Выхад альбома падмацоўваўся такімі сінгламі як «Невоспитанный», «Мишка виновен», «Номер 23» і інш.
На перыяд працы над новым, англамоўным альбомам Дорн змяніў імідж, пабрыўшы галаву нагала і адпусціўшы бараду.
У лютым 2017 года выйшаў канцэртны альбом Jazzy Funky Dorn[6]. Сінгл «Collaba», выпушчаны ў сакавіку, Дорн назваў «одай прастытуткам»[7]. «Collaba» становіцца адным з ключавых хітоў Украіны ў першай палове 2017 года, нароўні з кампазіцыямі «Тает Лёд» групы Грибы і «Вите надо выйти» Estradarada[8]
Са слоў самога Івана Дорна ў 2015 годзе, у ходзе ўзброенага канфлікту на ўсходзе Украіны ён праз свайго сябра Сяргея Прытулу вылучаў грошы валанцёраў для дапамогі медыкаментамі ўкраінскім ваенным ў Данбасе. Па сцвярджэнні самога Прытулы, якое ён зрабіў на сваёй старонцы ў сетцы «Facebook», ахвяраванні Дорна, якія ён рабіў выключна з ганарараў, атрыманых у Расіі, ішлі на куплю абмундзіравання і тэхнікі для ўкраінскіх ваенных. Пасля скандалу Прытула выдаліў пост са сваім сцвярджэннем[9]. У 2017 годзе Дорн заявіў, што грошы прызначаліся пацярпелым ад абстрэлу ў Марыупалі, але Прытула распарадзіўся імі самавольна[10]. Сам выканаўца на сваіх канцэртах выступае за адзінства народаў і абстрагуецца ад палітычных гульняў[11][12].
У канцы мая 2017 года запланаваны на 9 чэрвеня канцэрт Івана Дорна ў Адэсе быў адменены з-за пагроз з боку радыкалаў. Сам спявак заявіў, што ён працягне выступаць на тэрыторыі Украіны, паколькі ў краіне ёсць людзі, якія любяць яго творчасць[13].
Вясной 2012 года Дорн атрымаў некалькі станоўчых водгукаў у расійскай прэсе. У сакавіку Булат Латыпаў у «Афішы» пісаў пра Дорна як аб «новай безумоўнай зорцы тутэйшай эстрады»[14]. Алег Собалеў («Коммерсантъ») у маі назваў Дорна «найлепшым у свеце выканаўцам рускамоўнай масавай поп-музыкі», які «робіць самыя адэкватныя агульнасусветным тэндэнцыям, самыя запамінальныя і самыя чапляючыя поп-песні на рускай мове»[15]. На думку аглядальніка, Дорн выгадна вылучаецца на фоне «вечнай правінцыйнасці мясцовай поп-сцэны» жывымі выступамі ў суправаджэнні высокапрафесійных музыкаў. У красавіку 2013 года песня «Стыцамэн» апынулася ў спісе «Сто песень, якія змянілі наша жыццё», складзенага аглядальнікамі маскоўскага сайта часопіса TimeOut.
З 2013 года жанаты з аднакласніцай — Анастасіяй Новікавай. Дачка — Васіліса (нар. у чэрвені 2014), сын (нар. у 2015).