Іван Васілевіч Бахар

У Вікіпедыі ёсць артыкулы пра іншых людзей з прозвішчам Бахар.
Футбол
Іван Бахар
Агульная інфармацыя
Поўнае імя Іван Васілевіч Бахар
Нарадзіўся 10 ліпеня 1998(1998-07-10)[1][2] (26 гадоў)
Грамадзянства  Беларусь
Рост 177 см[3]
Вага 60 кг[4]
Пазіцыя паўабаронца, нападнік
Інфармацыя пра клуб
Клуб Беларусь Дынама (Мінск)
Нумар 17
Клубная кар’ера[* 1]
2014—2019 Беларусь Мінск 81 (14)
2020—2022 Беларусь Дынама (Мінск) 77 (22)
2023 Ізраіль Хапаэль (Кір’ят-Шмана) 14 (2)
2023 Беларусь Дынама (Мінск) 14 (5)
2024 Расія Арсенал (Тула) 10 (0)
2024— Беларусь Дынама (Мінск)
Нацыянальная зборная[* 2]
2014—2015 Беларусь Беларусь (да 17) 6 (2)
2015—2017 Беларусь Беларусь (да 19) 9 (2)
2017—2019 Беларусь Беларусь (да 21) 11 (6)
2019— Беларусь Беларусь 29 (2)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 6 жніўня 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 22 лістапада 2023

Іван Бахар (нар. 10 ліпеня 1998, Мінск) — беларускі футбаліст, паўабаронца мінскага «Дынама» і нацыянальнай зборнай Беларусі.

Клубная кар’ера

[правіць | правіць зыходнік]

Выхаванец футбольнага клуба «Мінск», з 2014 года пачаў выступаць за дубль і хутка замацаваўся ў яго складзе. 29 лістапада 2014 года дэбютаваў у Вышэйшай лізе ў асноўнай камандзе «Мінска», выйшаўшы на замену на 73-й хвіліне матча супраць брэсцкага «Дынама» (5:2) і стаўшы такім чынам наймаладзейшым іграком Вышэйшай лігі 2014.

У 2015—2016 гадах працягваў выступаць за дубль мінчан, толькі эпізадычна з’яўляючыся ў асноўнай камандзе. У сезоне 2017 «Мінск» узяў курс на амаладжэнне, і Бахар разам з іншымі маладымі ігракамі стаў трывала прыцягвацца да асноўнага складу. Нярэдка выхадзіў у стартавым складзе мінчан, выкарыстоўваўся на пазіцыі левага паўабаронцы.

У студзені 2018 года падоўжыў кантракт са сталічным клубам[5]. У сезоне 2018 стаў адным з асноўных ігракоў каманды. У сакавіку 2019 года яшчэ на год падоўжыў пагадненне з «Мінскам»[6]. У сезоне 2019 працягваў трывала гуляць у стартавым складзе, з 7 галамі стаў другім бамбардзірам каманды.

У снежні 2019 года стаў іграком мінскага «Дынама»[7], дзе таксама замацаваўся ў аснове. У 2021 годзе шмат адсутнічаў з-за траўмы, у 2022 годзе вярнуў месца ў аснове, з 11 галамі стаў найлепшым бамбардзірам каманды ў сезоне.

У снежні 2022 года перайшоў у ізраільскі клуб «Хапаэль Ірані» з Кір’ят-Шманы[8]. Па выніках сезона 2022/23 «Хапаэль Ірані» страціў месца ў элітным дывізіёне, і ў маі 2023 года нападнік паведаміў, што пакідае клуб[9].

З чэрвеня 2023 года стаў трэніравацца з мінскім «Дынама» і ў ліпені падпісаў кантракт з клубам[10]. У снежні 2023 года перайшоў у тульскі «Арсенал»[11]. У чэрвені 2024 года вярнуўся ў «Дынама»[12].

Міжнародная кар’ера

[правіць | правіць зыходнік]

У 2014—2015 выступаў за юнацкую зборную Беларусі (да 17), якой дапамог выйсці ў элітны раўнд чэмпіянату Еўропы.

Увосень 2015 года ў складзе юніёрскай зборнай Беларусі (да 19) прымаў удзел у кваліфікацыйным раўндзе чэмпіянату Еўропы. На наступны год у кваліфікацыі чэмпіянату Еўропы забіў вырашальны гол у матчы супраць Балгарыі (1:0), які дапамог беларусам выйсці ў элітны раўнд.

31 мая 2017 года дэбютаваў у моладзевай зборнай Беларусі, адгуляўшы другі тайм таварыскага матча супраць Расіі (0:7). Стаў адным з асноўных ігракоў моладзевай зборнай.

6 верасня 2019 года дэбютаваў у нацыянальнай зборнай Беларусі ў адборачным матчы чэмпіянату Еўропы супраць Эстоніі, выйшаўшы на замену ў другім тайме.

Дасягненні

[правіць | правіць зыходнік]

Статыстыка выступленняў

[правіць | правіць зыходнік]
Сезон Дывізіён Клуб Матчы Галы
2014 Д1 Мінск 1 0
2015 Д1 Мінск 2 0
2016 Д1 Мінск 1 0
2017 Д1 Мінск 23 2
2018 Д1 Мінск 25 5
2019 Д1 Мінск 29 7
2020 Д1 Дынама 29 7
2021 Д1 Дынама 18 4
2022 Д1 Дынама 30 11
2022/23 (2) Д1 Хапаэль Ірані 14 2
2023 (2) Д1 Дынама 14 5
2023/24 (2) Д2 Арсенал 10 0

Крыніцы

[правіць | правіць зыходнік]
  1. ↑ Ivan Bakhar // Transfermarkt — 2000. Праверана 9 кастрычніка 2017.
  2. ↑ Ivan Bakhar // FBref
  3. ↑ а б https://dinamo-minsk.by/blr/asnouny-sklad/2025/ivan-bahar
  4. ↑ https://dinamo-minsk.by/blr/asnouny-sklad/2022/bakhar-ivan
  5. ↑ Бахар продлил контракт с «Минском» (руск.). football.by (25 студзеня 2018). Праверана 17 кастрычніка 2023.
  6. ↑ Иван Бахар продлил контракт с "Минском" (руск.). football.by (18 сакавіка 2019). Праверана 17 кастрычніка 2023.
  7. ↑ Иван Бахар стал игроком минского "Динамо" (руск.). football.by (31 снежня 2019). Праверана 17 кастрычніка 2023.
  8. ↑ Иван Бахар сменил минское "Динамо" на израильский "Ирони" Кирьят-Шмона (руск.). football.by (11 снежня 2022). Праверана 12 снежня 2022.
  9. ↑ Бахар сообщил, что покидает израильский "Ирони" (руск.). football.by (14 мая 2023). Праверана 10 ліпеня 2023.
  10. ↑ Бахар снова стал игроком минского "Динамо" (руск.). football.by (10 ліпеня 2023). Праверана 10 ліпеня 2023.
  11. ↑ Не только Бахар. Тульский "Арсенал" представил двух новичков из минского "Динамо" (руск.). football.by (15 снежня 2023). Праверана 18 студзеня 2024.
  12. ↑ Иван Бахар вернулся в минское "Динамо" (руск.). football.by (27 чэрвеня 2024). Праверана 6 жніўня 2024.