Ілья Ігаравіч Лукашэвіч

У Вікіпедыі ёсць артыкулы пра іншых людзей з прозвішчам Лукашэвіч.
Футбол
Ілья Лукашэвіч
Поўнае імя Ілья Ігаравіч Лукашэвіч
Нарадзіўся 1 жніўня 1998(1998-08-01)[1][2] (26 гадоў)
Грамадзянства  Беларусь
Рост 192 см
Вага 72 кг[4]
Пазіцыя абаронца
Інфармацыя пра клуб
Клуб Беларусь Шахцёр
Нумар 14
Клубная кар’ера[* 1]
2015—2018 Беларусь Мінск 24 (0)
2019 Беларусь Тарпеда-БелАЗ (Жодзіна) 0 (0)
2019—2020 Сербія Пролетар (Нові-Сад) 3 (0)
2020 →  Беларусь Шахцёр (Салігорск) 0 (0)
2020 →  Беларусь Гарадзея 2 (0)
2021 Беларусь Спадарожнік (Рэчыца) 9 (0)
2021—2022 Беларусь Энергетык-БДУ (Мінск) 34 (0)
2023— Беларусь Шахцёр (Салігорск)
Нацыянальная зборная[* 2]
2018—2019 Беларусь Беларусь (да 21) 9 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 студзеня 2023.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 23 лістапада 2019

Ілья Лукашэвіч (нар. 1 жніўня 1998, Мінск) — беларускі футбаліст, абаронца салігорскага «Шахцёра».

Клубная кар’ера

[правіць | правіць зыходнік]

Выхаванец футбольнага клуба «Мінск», у 2015 годзе пачаў выступаць за дубль, а ў 2017 годзе замацаваўся ў яго складзе.

У чэрвені 2017 года стаў таксама прыцягвацца да асноўнай каманды, дэбютаваў у Вышэйшай лізе 10 верасня 2017 года ў хатнім матчы супраць «Слуцка» (1:1), выйшаўшы на замену ў другім тайме. Сезон 2018 пачынаў у дублі, аднак неўзабаве замацаваўся ў стартавым складзе асноўнай каманды.

У студзені 2019 года па заканчэнні кантракта пакінуў «Мінск»[5] і неўзабаве стаў іграком жодзінскага «Тарпеда-БелАЗ», падпісаўшы трохгадовы кантракт[6]. Аднак, у складзе тарпедаўцаў гуляў толькі за дубль. У ліпені 2019 года пасля прагляду перайшоў у клуб сербскай Суперлігі «Пролетар» з Нові-Сада[7]. На полі з’яўляўся рэдка, за год прыняў удзел у трох сустрэчах.

У ліпені 2020 года далучыўся да салігорскага «Шахцёра»[8], дзе гуляў за дубль, у асноўнай камандзе з’яўляўся толькі на лаўцы запасных. У верасні 2020 года быў аддадзены ў арэнду ў «Гарадзею», дзе спачатку заставаўся на лаўцы запасных, пазней згуляў у двух матчах.

З пачатку 2021 года трэніраваўся з рэчыцкім «Спадарожнікам», аднак толькі ў красавіку афіцыйна папоўніў склад каманды[9]. Гуляў у «Спадарожніку» да канца чэрвеня, пераважна ў стартавым складзе.

У жніўні 2021 года далучыўся да сталічнага «Энергетыка-БДУ»[10], дзе неўзабаве замацаваўся ў стартавым складзе і стаў адным з асноўных ігракоў. У снежні 2022 года па заканчэнні кантракта пакінуў «Энергетык-БДУ»[11].

У студзені 2023 года падпісаў трохгадовы кантракт з салігорскім «Шахцёрам»[12].

Міжнародная кар’ера

[правіць | правіць зыходнік]

З 2017 года стаў прыцягвацца да моладзевай зборнай Беларусі. Дэбютаваў у зборнай у афіцыйных матчах 5 чэрвеня 2018 года, адгуляўшы ўсе 90 хвілін у таварыскім матчы супраць Албаніі (2:3). У далейшым трывала выклікаўся ў моладзевую зборную, хоць нярэдка заставаўся на лаўцы запасных.

Дасягненні

[правіць | правіць зыходнік]

Статыстыка выступленняў

[правіць | правіць зыходнік]
Сезон Дывізіён Клуб Краіна Матчы Галы
2015 дубль Мінск Беларусь 6 0
2016 дубль Мінск Беларусь 9 1
2017 Д1 Мінск Беларусь 2 0
2018 Д1 Мінск Беларусь 22 0
2019 (1) дубль Тарпеда-БелАЗ Беларусь 9 0
2019/20 Д1 Пролетар Сербія 3 0
2020 (сяр.) дубль Шахцёр Беларусь 3 0
2020 (2) Д1 Гарадзея Беларусь 2 0
2021 (1) Д1 Спадарожнік Беларусь 9 0
2021 (2) Д1 Энергетык-БДУ Беларусь 9 0
2022 Д1 Энергетык-БДУ Беларусь 25 0

Крыніцы

[правіць | правіць зыходнік]
  1. ↑ Ilia Lukashevich // Transfermarkt — 2000. Праверана 9 кастрычніка 2017.
  2. ↑ Illia Lukashevich // FBref
  3. ↑ https://energetikbgu.by/player/лукашевич-илья/
  4. ↑ https://teams.by/lukashevich-ilya-igorevich/player-157686/
  5. ↑ Лукашевич и Николаевич покинули "Минск"
  6. ↑ Два игрока пополнили состав "Торпедо-БелАЗ"
  7. ↑ Защитник "Торпедо-БелАЗ" Лукашевич перешел в "Пролетер"
  8. ↑ "Шахтер" арендовал у "Пролетера" Лукашевича
  9. ↑ Илья Лукашевич перешел в "Спутник"
  10. ↑ Илья Лукашевич перешел в "Энергетик-БГУ"
  11. ↑ "Энергетик-БГУ" объявил о расставании с защитником (руск.). football.by (14 снежня 2022). Праверана 16 снежня 2022.
  12. ↑ Футбол. Илья Лукашевич подписал контракт с "Шахтером" до 2025 года (руск.)(недаступная спасылка). pressball.by (5 студзеня 2023). Архівавана з першакрыніцы 5 студзеня 2023. Праверана 5 студзеня 2023.