Іманоль Агірэчэ

Іманоль Агірэчэ
Агульная інфармацыя
Поўнае імя	Іманоль Агірэчэ Аруці
Нарадзіўся	24 лютага 1987(1987-02-24)[1] (38 гадоў) Урусбіль^[d], Beterri-Buruntza^[d], камарка Сан-Себасцьян^[d], правінцыя Гіпускаа, Краіна Баскаў, Іспанія
Грамадзянства	Іспанія
Рост	187 см
Вага	77 кг
Пазіцыя	нападнік
Клубная кар’ера[* 1]
2004—2008 Рэал Сасьедад B 108 (33) 2005—2018 Рэал Сасьедад 246 (71) 2007—2008 →  Кастэльён 8 (1)
Нацыянальная зборная[* 2]
2003 Іспанія (да 16) 3 (4) 2004—2005 Іспанія (да 17) 7 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 1 верасня 2018. Колькасць гульняў і галоў за нацыянальную зборную ў афіцыйных матчах, адкарэктавана станам на 10 чэрвеня 2013
Медыяфайлы на Вікісховішчы

Іманоль Агірэчэ Аруці (баскск.: Imanol Agirretxe Arruti; нар. 24 лютага 1987, Усурбіль, Іспанія) — іспанскі футбаліст (паводле нацыянальнасці з’яўляецца баскам), нападнік. Усю кар’еру правёў у клубе «Рэал Сасьедад» з горада Сан-Себасцьян.

Кар’ера

Іманоль з’яўляецца выхаванцам моладзевай акадэміі «Рэал Сасьедада». Агірэчэ ўпершыню з’явіўся ў складзе першай каманды клуба ў сезоне 2004/05, калі выйшаў на поле ў матчы супраць «Малагі» на апошнія 15 хвілін гульні. У наступных трох сезонах разам узятых, аднак, ён з’явіўся толькі ў дзевяці матчах лігі, а таксама шэсць месяцаў правёў у арэндзе ў складзе «Кастэльёна», які гуляў у другім дывізіёне.

У сезоне 2008/09, калі «Рэал Сасьедад» ужо другі год запар выступаў у Сегундзе, Агірэчэ пачаў рэгулярна праходзіць у першы склад клуба, у асноўным за кошт сур'ёзнай траўмы Іньіга Дыяса дэ Серыа, і здолеў забіць 9 галоў у 28 гульнях, але баскам зноў не ўдалося вярнуцца ў Ла Лігу.

19 студзеня 2013 года, выйшаўшы на замену на апошнія шэсць хвілін у матчы супраць «Барселоны», Агірэчэ забіў пераможны гол на апошняй хвіліне, такім чынам клуб атрымаў перамогу з лікам 3:2, пасля таго як прайграваў з лікам 0:2, а каталонскі клуб скончыў сваю серыю гульняў без паражэнняў^[2].

У жніўні 2018 года, так канчаткова не аднавіўшыся ад атрыманай у 2015 годзе траўмы, прыняў рашэнне аб завяршэнні прафесійнай кар’еры^[3].

Крыніцы

1. Imanol Agirretxe // FBref
   <a href="https://wikidata.org/wiki/Track:Q56239490"></a>
2. Sociedad stun Barca. ESPN
3. Форвард Агиррече завершил карьеру, проведя в «Сосьедаде» 15 лет. by.tribuna.com

Спасылкі

• На Вікісховішчы ёсць медыяфайлы па тэме Іманоль Агірэчэ
• Профіль на сайце transfermarkt.com (англ.)
• Профіль на сайце soccerway.com (руск.)
• Профіль на сайце BDFutbol.com (англ.)
• Статыстыка на сайце UEFA.com (руск.)